تيانشان تورى   ›   جاڭالىقتار   ›   سپورت الەمى

جۇڭگو 2018 - جىلعى تارىمدى اينالۋ (حالىقارالىق) راللي جارىسى باستالدى

  ءتىلشىمىز دۇڭ لياڭ 6 - ايدىڭ 2 - كۇنى ۇرىمجىدەن حابارلايدى. 6 - ايدىڭ 2 - كۇنى تۇستەن بۇرىن، جۇڭگو 2018 - جىلعى تارىمدى اينالۋ (حالىقارالىق) راللي جارىسى جانە جۇڭگو دالالىق اۆتوموبيلدەردىڭ جۇلدەگە تالاسۋ جارىسى (شينجياڭ بەكەتى) ءۇرىمجى اۋدانىنا ورنالاسقان شينجياڭ مۇز ءۇستى دەنە تاربيە ورتالىعىنداعى ۇلكەن لاگەردە باستالدى، 197 شەبەر مىنەتىن 106 جارىس اۆتوموبيلى قۇبا ءتۇز بەن ءشول دالادا 13 كۇن قيان - كەسكى جارىسقا تۇسەدى.

  وسى كەزەكتى تارىمدى اينالۋ جارىسىنداعى جالپى جول 5000 كيلومەتر، 9 ەرەكشە جارىس كەزەڭى، 4 لاگەر جانە 2 تىنىعۋ - رەتتەلۋ كۇنى ورنالاستىرىلعان، ەرەكشە جارىس كەزەڭىنىڭ جالپى ۇزىندىعى 2800 كيلومەتر، نەگىزىنەن تۇرپان مەن قۇمىلدىڭ قۇمدى ءشولى مەن قۇبا تۇزدەرىنە شوعىرلانعان. اتتاناردان بۇرىنعى اۆتوموبيلدەردى اكىمشىلىك تەكسەرىپ بەكىتۋ ارقىلى وسى جولعى تارىمدى اينالۋ جارىسىنا 44 اۆتوموبيل اترەتى بويىنشا 106 اۆتوموبيل، 197 شەبەر جانە جول باستاۋشى قاتىناساتىندىعى تۇراقتاندىرىلدى. مۇنىڭ ىشىندە موتوتسيكل گرۋپپاسىنان 16 موتوتسيكل، اۆتوموبيل گرۋپپاسىنان 90 اۆتوموبيل جارىسقا قاتىناسادى.

  جارىستى يە بولىپ جۇرگىزگەن جۇڭگو اۆتوموبيل، موتوتسيكل سپورت بىرلەستىگى دالالىق جارىستارىنىڭ باس باقىلاۋشىسى سۇڭ جۇن بىلاي دەپ تانىستىردى: وسى كەزەكتى تارىمدى اينالۋ جارىسىنداعى 9 ەرەكشە جارىس كەزەڭىنىڭ ەڭ ۇزىن بولىگى 491 كيلومەتر، ەڭ قىسقا بولىگى 109 كيلومەتر. جارىستىڭ تۇتاس بارىسى نەگىزىنەن قۇبا تۇزدە، %30 بولىگى ءشول دالادا جۇرگىزىلەدى، شەبەرلەر ىلگەرىندى - كەيىندى شينجياڭداعى 3 ۇلكەن ءشول دالا − تاكلاماكان ءشولىنىڭ سولتۇستىگىن، قۇمتاۋ قۇمىن، سونداي - اق قۇربان تۇڭعىت قۇمىنىڭ وڭتۇستىگىن باسىپ وتەدى.

  وسى كەزەكتى تارىمدى اينالۋ جارىسىنا قاتىناساتىن اۆتوموبيلدەردىڭ سانى بىلتىرعىدان ءسال ازايعان، الايدا داكار راللي جارىسىنىڭ دارەجەسىنە جەتەتىن 40 نەشە اۆتوموبيل بار، سونىمەن بىرگە، داكار راللي جارىسىنا قاتىناسقان تاجىريبەلى شەبەرلەردەن دە ءبىرقانشاسى قوسىلعان، وسى كەزەكتى جارىستىڭ ءارقايسى گرۋپپالارىنىڭ جۇلدەگەرلىككە تالاسۋى ايرىقشا قيان - كەسكى دە سۇراپىل بولاتىندىعى مەجەلەنىپ وتىر.

  وسى كۇنگى اتتانار سالتىنان كەيىن، بۇل كەزەكتى جارىستىڭ «قارا جارىسى» − 6 كيلومەترلىك قىسقا ارالىقتى قاتارعا تالاسۋ جارىسى وتكىزىلدى. 6 - ايدىڭ 3 - كۇنى ءبىرىنشى ەرەكشە كەزەڭنىڭ جارىسى وتكىزىلەدى، ءارقايسى گرۋپپا، اۆتوموبيل اترەتى، سونداي - اق شەبەرلەر اراسىنداعى باسەكە جاپپاي باستالادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى