ساۋلە گازەتىنىڭ شولۋشىسى
ايبىندى جوبا، 30 جىلدىق تابىس − فۋجيان ولكەسى نيڭدى ءوڭىرىنىڭ كەدەيلىكتەن قۇتىلۋ بارىسى، شىعىس فۋجياننىڭ تاريحى ءارى جۇڭگو حيكاياسى.
1988 - جىلدان 1990 - جىلعا دەيىن، شي جينپيڭ جولداس نيڭدىدا قىزمەت ىستەدى. نيڭدىدا قىزمەت ىستەگەن 2 جىلدا، ول فۋجياننىڭ شىعىسىنداعى اۋدانداردى تەگىس ارالاپ شىقتى، تاس جول سالىنباعان شەت - شالعايداعى قىستاقتارعا سان رەت بارىپ تەكسەرۋ - زەرتتەۋ جۇرگىزىپ، «تامشى سۋ تاس تەسەر»، «قاۋقارسىز قۇس بۇرىن ۇشار» دەگەن كەدەيلىكتەن قۇتىلۋ يدەياسىن العا قويىپ، جەرگىلىكتى جاعدايعا قاراي كەدەيلىكتەن قۇتىلۋ باعىتىن بەلگىلەپ، «بۇقارامەن ەتەنە بولۋداي» كادرلار ستيلىن جەتىلدىرىپ، «ءتورتتى نەگىزگى ساتىعا جەتكىزۋ» قىزمەت ءداستۇرىن قالىپتاستىردى. كەدەيلىكتەن قۇتىلۋ يدەياسى فۋجياننىڭ شىعىس بولەگىندەگى دارقان دالانى ورنەكتەدى؛ جان تەبىرەنتەرلىك اڭگىمەلەر كۇنى بۇگىنگە دەيىن نيڭدى دالاسىندا كەڭىنەن جىرلانۋدا؛ ۇزاق ۋاقىت ەڭبەك ءسىڭىرۋ رۋحى نيڭدىنى نەشە ون جىلدى ءبىر كۇنگىدەي وتكىزۋدەي ستراتەگيالىق تۇراقتىلىققا يە ەتتى.
30 جىلدان بەرى جازىلعان وسى ءبىر جۇڭگو حيكاياسى كەدەيلىكتەن دالمە - ءدال سۇيەمەلدەۋ يدەياسىنىڭ عىلميلىعى مەن رەال كۇشىن جاندى ايگىلەدى. فۋجياننىڭ شىعىسىنداعى دارقان وڭىردەن جۇڭگونىڭ بايتاق دالاسىنا دەيىن، «تاۋ، سۋ جاستانىپ تىرشىلىك ەتۋدەن»، بۇگىنگى كەدەيلىكتەن دالمە - ءدال سۇيەمەلدەۋگە دەيىن، «حالىقپەن ەتەنە بولۋدان» بۇگىنگى حالىقتى وزەك ەتۋگە تاباندى بولۋعا دەيىن، حالىق بۇگىنگى تاڭداعى كەدەيلىكتەن سۇيەمەلدەۋ، وركەندەتۋ ستراتەگيالىق يدەياسىنىڭ قاينارى، دامۋ، اماليات بارىسىندا شىڭدالۋ، امالياتتىڭ سىنىنان ءوتۋ بارىسىن ايقىن اڭعارا الادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ قىزمەتىن اتقارىپ، 60 ميلليوننان استام ادامدى كەدەيلىكتەن قۇتىلدىرۋدا شەشۋشى سيپاتتى ىلگەرىلەۋشىلىككە قول جەتكىزدى، كەدەيلىكتەن قۇتىلدىرۋدان قامال الۋ تەبىنى زور، كولەمى كەڭ، ىقپالى بۇرىندى - سوڭدى بولماعان دارەجەدە تەرەڭ بولىپ، جۇڭگونىڭ كەدەيلىكتەن سۇيەمەلدەۋ تاريحىنداعى ەسكەرتكىشتى ورناتىپ قانا قالماستان، ادامزات قوعامىنىڭ دامۋ تاريحىنا جازىلاتىن الەمدىك سيپاتتى ۇلەس قوستى. فۋجياننىڭ شىعىسىنىڭ امالياتىنان جۇڭگو امالياتىنا دەيىن، تاريح شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ءداۋىر تاعانىن تياناق ەتىپ، ءداۋىر سۇراۋىنا جاۋاپ بەرەتىن عىلمي كۇشىن دالەلدەدى.
30 جىلدا جازىلعان وسى جۇڭگو حيكاياسى ءبىزدى كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋ، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋ تۇراقتىلىعى مەن سەنىمىنە يە ەتتى. فۋجياننىڭ شىعىسىنىڭ كەدەيلىكتەن قۇتىلۋ جەمىسى عىلمي باعىتتان، دۇرىس بەتالىستان، باس شۋجي شي جينپيڭنىڭ يدەيالىق، نازاريالىق، رۋحاني بايلىعىنان باستاۋ الادى ءارى نيڭدى حالقىنىڭ كوزدەگەن نىسانادان جازباي، ۇزاق ۋاقىت كۇش سالعان جىگەرىنەن باستاۋ الادى. قازىردەن باستاپ 2020 - جىلعا دەيىن − جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتەتىن مەزگىل، كەدەيلىكتەن قۇتىلدىرۋدان قامال الۋدىڭ شەشۋشى جەڭىسىنە جەتەتىن كەزەڭ تاياعان سايىن، «ەڭ اۋىر مىندەت» پەن «ەڭ قيىن ماسەلەگە» توتەپ بەرۋ كەرەك. ءار دارەجەلى پارتكومدار مەن حالىق ۇكىمەتتەرى سەنىمدى بەكەمدەپ، مىندەتتى باتىلدىقپەن ارقالاپ، كەدەيلىكتەن قۇتىلدىرۋ قىزمەت جاۋاپكەرشىلىگىن ۇستىلەرىنە العاندا، كەدەي رايوندارداعى بۇقارا كوزدەگەن نىسانادان جازباي، جۇدىرىقتاي جۇمىلىپ، قاجىرلىلىقپەن كۇرەس جۇرگىزگەندە عانا، «بىردە - ءبىر كەدەي وتباسىن قاعىس قالدىرماۋ، بىردە - ءبىر كەدەي قاۋىمدى تاستاپ كەتپەۋ» نىساناسىن جۇزەگە اسىرۋعا بولادى.
اماليات اقيقاتتى ولشەيدى، تاريح بولاشاققا نۇرىن شاشادى. فۋجياننىڭ شىعىسىنىڭ 30 جىلدىق بارىسى يدەيانى سىپاتتادى، كۇش جەتكىزدى، سەنىمدى نىعايتتى، تاريحي كوز اياعا يە ەتتى. وسى ءبىر سىناق اتىزىنان ونگەن قوماقتى ءونىم كىسىنى جەلپىندىرەدى، ءبىز قۇر قيالعا سالىنباي، بوس سوزدەن اۋلاق بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى تۋىن بيىك ۇستاپ، حالىقتى وزەك ەتۋدەي دامۋ يدەياسىنان جازبايتىن بولساق، جۇڭحۋا ۇلتى تاريحىنىڭ دامۋىنداعى تۇڭعىش رەتكى كەدەيلىكتەن تۇبەگەيلى قۇتىلدىرۋ مىندەتىن، ءسوز جوق، ورىنداپ، جاپپاي دوڭگەلەك داۋلەتتى قوعام ورناتۋدىڭ حالىقتىڭ مويىنداۋىنا يە بولۋىنا، تاريحتىڭ سىنىنان وتۋىنە مۇمكىندىك جاساي الامىز.
