شينحۋا اگەنتتىگىنىڭ ءتىلشىسى جىڭ حانگىن
شاڭحاي ىنتىماقتاستىق ۇيىمىنىڭ جۇڭگونىڭ شاڭحاي قالاسىندا قۇرىلعانىنان قازىرگە دەيىن 17 جىلدىڭ ءجۇزى بولدى. ۇيىمدى قۇرۋشى مۇشە ەل رەتىندە، جۇڭگو شاڭحاي ىنتىماقتاستىق ۇيىمىنىڭ دامۋىن ىلگەرىلەتۋدى قاشاندا ديپلوماتياداعى باسىم باعىتتىڭ ءبىرى ەتىپ، ۇستانىمنان ارەكەتكە دەيىن شاڭحاي ىنتىماقتاستىق ۇيىمىنىڭ دامۋىنا قۋاتتى قوزعاۋشى كۇش ۇستەپ، شاڭحاي ىنتىماقتاستىق ۇيىمىنىڭ دامۋ ۇدەرىسىنە وشپەس «جۇڭگو تاڭباسىن» باستى.
جۇڭگو پاراساتى شاڭحاي ىنتىماقتاستىق ۇيىمىنىڭ دامۋىنا رۋحاني ءنار بەردى، شاڭحاي ىنتىماقتاستىق ۇيىمىنىڭ دامۋىنا جۇڭگو جوباسىن ۇسىندى، شاڭحاي ىنتىماقتاستىق ۇيىمىنىڭ بايسالدى، باياندى كوشىن جەتەكتەدى. جۇڭگو ۇستانىمى تاتۋلىق پەن بىرلىكتى دارىپتەپ، ناقتى ىسكەرلىككە قۇلشىنىپ، داۋىرمەن بىرگە العا باسىپ، شاڭحاي ىنتىماقتاستىق ۇيىمىنىڭ ۇزدىكسىز دامۋىنا يدەيالىق قوزعاۋشى كۇش ۇسىندى؛ ادامزات تاعدىرلاس ورتاق تۇلعا، اقىلداسۋ، بىرگە قۇرۋ، بىرگە يگىلىكتەنۋ، ورتاق، جان - جاقتى، ىنتىماقتاسقان، باياندى حاۋىپسىزدىك كوزقاراسى سياقتى ۇستانىمدار شاڭحاي ىنتىماقتاستىق ۇيىمىنىڭ دامۋىنا ماڭىزدى يدەيالىق دايەك ۇسىندى.
جۇرت ءوزارا سەنىم، ءوزارا تيىمدىلىك، تەڭدىك، ءوزارا اقىل - كەڭەس، مادەنيەتتەردىڭ سان الۋاندىعىنا قۇرمەت ەتۋ، بىرلەسىپ دامۋعا دەگەن ۇمتىلىس سىندى «شاڭحاي رۋحىنىڭ» جاڭا داۋىردەگى جۇڭگوشا ءىرى ەل ديپلوماتيالىق ۇستانىمىمەن تابيعاتى جاعىنان جاقىن ەكەنىن بايقايدى. رەسەي عىلىم اكادەمياسى قيىر شىعىس زەرتتەۋ ورنىنىڭ اعا زەرتتەۋشىسى الەكساندر يسايەۆ: شاڭحاي ىنتىماقتاستىق ۇيىمىنىڭ قۇرىلۋى جانە دامۋى بارىسىندا جۇڭگو ءارقاشان ەرەكشە بەلسەندى رول اتقارىپ كەلەدى. باستالعان كەزدەن - اق ۇيىمنىڭ ىنتىماقتاستىق باعىتىنا تەوريالىق جەتەكشىلىك ۇسىندى، - دەپ اتاپ كورسەتتى.
جۇڭگو ارەكەتى شاڭحاي ىنتىماقتاستىق ۇيىمىنىڭ دامۋىنا قۇدىرەتتى قوزعاۋشى كۇش ۇسىندى. شاڭحاي ىنتىماقتاستىق ۇيىمى قۇرىلعاننان بەرى، حاۋىپسىزدىك، ساۋدا - ەكونوميكا، گۋمانيتار، مەحانيزم قۇرىلىسى سياقتى سالالاردا جۇڭگو ءاردايىم بەلسەندى بەينەمەن ءار ەلمەن سىندارلى ىنتىماقتاستىقتى ىلگەرىلەتتى. شاڭحاي ىنتىماقتاستىق ۇيىمىنىڭ باس حاتشىسى اليموۆ جۇڭگونىڭ «شاڭحاي ىنتىماقتاستىق ۇيىمى اياسىنداعى ءوزارا سەلبەستىك ءۇشىن ماڭىزدى، ناتيجەلى ۇلەس قوسقانىن» القادى.
شاڭحاي ىنتىماقتاستىق ۇيىمىنىڭ كەزەكتى ءتوراعا ەلى بولعان ءبىر جىلدان بەرى، جۇڭگونىڭ بەلسەندى ىلگەرىلەتۋىندە، 160تان استام ماڭىزدى مەحانيزمدىك ءماجىلىس جانە كولەمدى كوپ جاقتى ءىس - شارا تابىستى وتكىزىلدى، بۇلار ديپلوماتيا، ساۋدا - ەكونوميكا، حاۋىپسىزدىك، عىلىم - تەحنيكا سياقتى كەڭ سالالاردى قامتىپ، ءار جاقتىڭ ساياسيداعى ءوزارا سەنىمدىلىگى جاڭا بيىككە كوتەرىلىپ، حاۋىپسىزدىك جونىندەگى سەلبەستىك تىڭ ىلگەرىلەۋشىلىككە قول جەتكىزىپ، سىندارلى ىنتىماقتاستىقتا تىڭ سەرپىلىس جاسالىپ، گۋمانيتارلىق اۋىس - كۇيىستە جاڭا جەتىستىكتەر قولعا كەلدى. قوعامدىق پىكىر «چيڭداۋ باس قوسۋى شاڭحاي ىنتىماقتاستىق ۇيىمىنىڭ دامۋ تاريحىندا بەلەستىك ءمان الاتىن سالتاناتتى جينالىس بولادى» دەپ قارادى.
جۇڭگو دارىپتەمەسى شاڭحاي ىنتىماقتاستىق ۇيىمىنىڭ دامۋىنا كەڭ تۇعىر ازىرلەدى. جۇڭگو ورتاعا قويعان «ءبىر بەلدەۋ، ءبىر جول» دارىپتەمەسى شاڭحاي ىنتىماقتاستىق ۇيىمىنىڭ دامۋ ۇستانىمىمەن ۇندەس، ەكەۋىنىڭ نىسانالىق تالپىنىسى بىردەي، ول شاڭحاي ىنتىماقتاستىق ۇيىمىنا مۇشە ەلدەردىڭ دامۋىن ايرىقشا جەبەدى. اليموۆ بىلاي دەپ ەسەپتەدى: «ءبىر بەلدەۋ، ءبىر جول» دارىپتەمەسى شاڭحاي ىنتىماقتاستىق ۇيىمىنا مۇشە ەلدەردىڭ دامۋىنا ماڭىزدى وراي ۇسىندى.
جۇڭگودا قۇرىلعان، جۇڭگونىڭ قالاسىنىڭ اتىمەن اتالعان، باس شتابى جۇڭگودا تۇراتىن بىردەن - ءبىر وڭىرلىك سيپاتتى حالىقارالىق ۇيىم رەتىندە، شاڭحاي ىنتىماقتاستىق ۇيىمىنداعى «جۇڭگو تاڭباسى» حالىقارالىق قوعامعا تەرەڭ اسەر قالدىردى. شاڭحاي ىنتىماقتاستىق ۇيىمىنىڭ بۇرىنعى باس حاتشىسى مەزەنتسەۆ: «ەگەر شاڭحاي ىنتىماقتاستىق ۇيىمىن كوركەم سۋرەت دەسەك، جۇڭگو سونىڭ ەڭ ادەمى بوياۋى»، - دەگەن ەدى.
(شينحۋا اگەنتتىگىنىڭ 6 - ايدىڭ 3 - كۇنى بەيجيڭنەن بەرگەن حابارى)
