ءتىلشىمىز چاۋ جين ۇرىمجىدەن حابارلايدى. «اۆتونوميالى رايوننىڭ بەساسپاپ شيپاگەرلەردى باۋلۋ، ىستەتۋ، ىنتالاندىرۋ مەحانيزمىنە رەفورما جاساۋ جانە ونى كەمەلدەندىرۋدى اتقارۋ جوباسى» (تومەندە «اتقارۋ جوباسى» دەلىنەدى) جۋىردا شىعارىلادى. «اتقارۋ جوباسى» بۇكىل رايونداعى بەساسپاپ شيپاگەرلەر قوسىنى قۇرىلىسىندا ورىن تەپكەن كورنەكتى ماسەلەلەرگە باعىتتاپ، ەڭبەكاقى مامىلەسى، اتاق دارەجەسىن ءوسىرۋ، باۋلۋ كولەمىن ۇلعايتۋ، ءپان قۇرىلىسىن كۇشەيتۋ سياقتى جاقتاردان ىنتالاندىرۋ مەحانيزمىن ورناتىپ، ونىڭ قىزمەت كورسەتۋ قابىلەتى مەن باۋراۋ قۋاتىن كۇشەيتىپ، نەگىزگى ساتىلارداعى ەمدەۋدەن قىزمەت كورسەتۋدى بەكەمدەپ، «سالاماتتى شينجياڭ» قۇرىلىسىن ىلگەرىلەتەدى.
قازىر رايونىمىزدىڭ نەگىزگى ساتىلارىندا ەمدەۋ - دەنساۋلىق ساقتاۋ قىزمەتكەرلەرى كەمشىل، قۇرىلىمدىق قايشىلىق كورنەكتى، اۋىل، قالاشىق ەمحانالارىندا 1437 بەساسپاپ شيپاگەر بار، ءالى 2301 ورىن بوس، بۇل جاعداي نەگىزگى ساتىلاردا ەمدەۋدەن قىزمەت كورسەتۋدىڭ ورىستەتىلۋىنە جانە دارەجە بويىنشا ەمدەۋ ءتۇزىمىن تياناقتاندىرۋعا تۇساۋ بولىپ وتىر. وسى ولقىلىقتارعا ساي، «اتقارۋ جوباسىندا» 2018 - جىلدان 2020 - جىلعا دەيىن رايونىمىزدا كاسىپ ەرەكشەلىگىنە ۇيلەسەتىن بەساسپاپ شيپاگەرلەردى باۋلۋ ءتۇزىمىن نەگىزىنەن ورناتىپ، بەساسپاپ شيپاگەرلەردى جەتىلدىرۋدىڭ ىنتالاندىرۋ مەحانيزمىن نەگىزىنەن كەمەلدەندىرىپ، ءار 10 مىڭ تۇرعىنعا 2دەن 3كە دەيىن بەساسپاپ شيپاگەر تۋرا كەلۋىن، بەساسپاپ شيپاگەرلەردىڭ سانىن 7000عا جەتكىزىپ، ءار اۋىل، قالاشىق ەمحانالارى مەن الەۋمەتتىك اۋماقتارداعى دەنساۋلىق ساقتاۋدان قىزمەت كورسەتۋ ورتالىقتارىندا، از دەگەندە، 2 بەساسپاپ شيپاگەر بولۋىن جۇزەگە اسىرۋ ايقىن ورتاعا قويىلدى.
«اتقارۋ جوباسىندا» مىنالار ايقىن ورتاعا قويىلدى: رايونىمىز مەكتەپتەردەگى بەساسپاپ شيپاگەرلەردى وقىتۋ رەفورماسىن تەرەڭدەتىپ، شينجياڭ مەديتسينا داشۋەسى سياقتى جوعارى دارەجەلى شيپاگەرلىك مەكتەپتەردى بەساسپاپ شيپاگەر وقىتۋىن زەرتتەۋ كەڭسەلەرىن، بەساسپاپ شيپاگەر فاكۋلتەتتەرىن نەمەسە بەساسپاپ شيپاگەر شۋەيۋاندارىن قۇرۋعا شابىتتاندىرادى. 2018 - جىلدان باستاپ جاڭادان مولايعان كلينيكالىق شيپاگەرلىك، جۇڭگوشا شيپاگەرلىك ماگيستر اسپيرانتتارىن قابىلداۋ جوسپارىندا بەساسپاپ شيپاگەر سياقتى كەمشىل ماماندىقتارعا ءتۇيىندى ءمان بەرىلەدى. سونىمەن بىرگە، تولىق كۋرس ساتىسىندا اۋىل - قىستاقتاردان تاپسىرىس بويىنشا، باعىتتامالى قابىلدانعان شيپاگەرلىك ماماندىعى وقۋشىلارىن اقىسىز تاربيەلەۋ جانە ەگىن، مال شارۋاشىلىق رايوندارىنا باعىتتالعان تولىق ورتا دەڭگەيىندەگى ارناۋلى ماماندىق ساتىسىنداعى وقۋ ماعلۇماتى وقىتۋى ۇزدىكسىز اتقارىلادى.
جوعارى تەحنيكۋم كلينيكالىق شيپاگەرلىگى، جۇڭگوشا شيپاگەرلىك سياقتىلار بويىنشا كاسىپتىك دارىندىلاردى جەتىلدىرۋ ۇلگىسىنە رەفورما جاسالىپ جانە كەمەلدەندىرىلىپ، وقۋ - اعارتۋ، ءبىلىم بەرۋ ولشەمى مەن بەساسپاپ كومەكشى شيپاگەرلەردى باۋلۋ ولشەمىن ورگانيكالى ۇشتاستىرىپ، 2020 - جىلى رايونىمىزدىڭ بەساسپاپ شيپاگەر بويىنشا وقۋشى قابىلداۋ مولشەرىن سول جىلعى وقۋشى قابىلداۋ جالپى جوسپارىنىڭ %20ىنە جەتكىزۋگە كۇش سالىنادى ءارى بۇل كورسەتكىش جىل سايىن جوعارىلاتىلادى.
«اتقارۋ جوباسىندا» مىنالار العا قويىلدى: بەساسپاپ شيپاگەرلەردىڭ ەڭبەكاقى تۇزىمىنە رەفورما جاساپ جانە ونى كەمەلدەندىرىپ، نەگىزگى ساتىلارداعى ۇكىمەت قۇرعان ەمدەۋ - دەنساۋلىق ساقتاۋ قۇرىلىمدارىنىڭ جۇمىس ونىمدىلىگى ەڭبەكاقىسىنىڭ جالپى مولشەرىن ۇيلەسىمدى تۇراقتاندىرىپ، ەڭبەكاقى ولشەمىن جەرگىلىكتى اۋدان، رايون دارەجەلى ۋنيۆەرسال شيپاحانالارداعى ۇقساس شارت - جاعدايداعى كلينيكالىق شيپاگەرلەردىڭ ەڭبەكاقى ورەسىمەن ۇشتاستىرۋ كەرەك. ىشكى جاقتاعى جۇمىس ونىمدىلىگى ەڭبەكاقىسىن بولۋدە بەساسپاپ شيپاگەرلەرگە ۇستەمە قاراجات بەرۋدى جولعا قويۋ كەرەك. وتباسى شيپاگەرلەرىنىڭ كەلىسىم بويىنشا قىزمەت كورسەتۋىن ىلگەرىلەتىپ، كەلىسىم بويىنشا قىزمەت كورسەتۋ اقىسىن وتباسى شيپاگەرلەرى قوسىنى تۇرعان نەگىزگى ساتى ەمدەۋ - دەنساۋلىق ساقتاۋ قۇرىلىمدارى كىرىسىنىڭ قۇرامداس بولىگى ەتىپ، قىزمەتكەرلەردىڭ ەڭبەكاقى بولىسىنە پايدالانۋعا بولادى.
«اتقارۋ جوباسىندا» تاعى مىنالار العا قويىلدى: بەساسپاپ شيپاگەرلەردى قىزمەتكە قابىلداۋ، باسقارۋ ادىستەرىن كەمەلدەندىرىپ، نەگىزگى ساتىلارداعى ەمدەۋ قۇرىلىمدارىنىڭ بەساسپاپ شيپاگەرلەردى قىزمەتكە قابىلداۋ، باسقارۋ ءتۇزىمىن ورناتۋ كەرەك، نەگىزگى ساتىلارداعى ۇكىمەت اشقان ەمدەۋ - دەنساۋلىق ساقتاۋ قۇرىلىمدارى تولىقتاپ قىزمەتكەر قابىلداعاندا بەلگىلى سانداعى بەساسپاپ شيپاگەرلەر قىزمەت ورنى بولۋ، شيپاحانادا تۇراتىن شيپاگەرلەردى ولشەمدى تاربيەلەۋدە تولىمدى بولعان بەساسپاپ شيپاگەرلەردى الدىمەن ورنالاستىرىپ، قابىلداۋ ءتارتىبىن جەڭىلدەتىپ، بەتپە - بەت ەمتيحان الۋ، تەكسەرۋ جۇرگىزۋ سياقتى فورمالار ارقىلى جاريا قابىلداۋ كەرەك.
بەساسپاپ شيپاگەرلەردىڭ جەتىلۋ ارناسىن كەڭەيتۋ ءۇشىن، «اتقارۋ جوباسىندا» مىنالار العا قويىلدى: نەگىزگى ساتىلارداعى ەمدەۋ - دەنساۋلىق ساقتاۋ قۇرىلىمدارى كلينيكالىق شيپاگەرلەر قوسىنى قۇرىلىسىندا، شيپاحانادا تۇراتىن شيپاگەرلەردى ولشەمدى تاربيەلەۋدە تولىمدى بولعان تولىق كۋرس ماعلۇماتىنا يە بەساسپاپ شيپاگەرلەردى قىزمەتكە قابىلداۋ، كاسىپتىك اتاعىن جوعارىلاتۋ، قىزمەت ورنىنا قابىلداۋ سياقتى جاقتاردا كلينيكالىق شيپاگەرلىك، جۇڭگوشا شيپاگەرلىك ماگيستر اسپيرانتتارمەن تەڭ مامىلە جاساپ، ەڭبەكاقى سياقتى قاتىستى مامىلەلەرىن تياناقتاندىرۋ كەرەك. كەدەي اۋدان، اۋىل - قىستاقتاردا، نەگىزگى ساتىلاردا ۇزاق ۋاقىت قىزمەت ىستەگەن بەساسپاپ شيپاگەرلەردىڭ وقۋ ماعلۇماتى شەكتەمەسىن، ولشەمىن بۇزىپ اتاعىن جوعارىلاتۋىنا بولادى.
