تيانشان تورابى   ›   ۇيرەنۋ   ›   شولۋ

ۇلەس قوسۋ ارقىلى ءومىرىمىزدىڭ قۇنىن ايگىلەيىك

  بەيجيڭدىك ءبىر جۇپ ەرلى - زايىپتى ەشتەڭەدەن تايسالماي شينجياڭعا كەلىپ، حوتاننىڭ قۇرىلىسىنا كومەكتەسىپ، شىنايى سۇيىسپەنشىلىكتەرىن ارناپ، تەر توگىپ، كورنەكتى ۇلەس قوستى. ولار شينجياڭنىڭ قامىن جەپ، نەگىزگى ساتىعا تامىر تارتىپ، قالتقىسىز ۇلەس قوسىپ، جاي قىزمەت ورنىندا ءماندى ءومىر ءسۇرىپ، شينجياڭعا كومەكتەسۋدىڭ اسەرلى سيمفونياسىن جازدى.

  جاڭ رۇي مەن حاۋ ۋاڭحۇڭ وزدەرىنىڭ شينجياڭداعى ءار ۇلت حالقىنا دەگەن تەرەڭ سۇيىسپەنشىلىگى مەن ۇلى ماحابباتىن ايگىلەدى، اۋەلگى ماقساتتى ۇمىتپاي، بورىشتى ەستە بەرىك ساقتاپ، ىنتىماقتاسىپ ۇلەس قوساتىن، شىنايى سۇيىسپەنشىلىكپەن ناقتى ءىس تىندىراتىن وتانشىلدىق - وتباسىلىق ماحابباتتى ايگىلەدى.

  57 جاستاعى جاڭ رۇي ەش ەكىلەنبەي شينجياڭعا كومەككە كەلدى، ول شينجياڭعا كومەكتەسۋ مىندەتىن قابىلداپ «لاۋازىمىن وسىرۋمەن»، «دارەجەسىن جوعارىلاتۋمەن» ەش ساناسقان جوق، ول: 20 جىلدىق پارتيا ستاجى بار پارتيا مۇشەسى رەتىندە، پارتيا ۇيىمى قاجەت ەتسە، ءسوز جوق، وعان شارتسىز بويسۇنۋىم كەرەك، - دەيدى.

  وسىلايشا جاڭ رۇيدىڭ جۇرەگى پارتيانىڭ ۇندەۋى مەن الدىڭعى شەپتىڭ شاقىرۋىن قالادى. حوتانعا ءدال وزىندەي جەمىس ورمانى مامانى كەرەك ەكەنىن ءبىلىپ، شينجياڭعا كومەكتەسۋ ساپارىنا ەش ەكىلەنبەي قادام تاستادى.

  ونىڭ شابىتتاندىرۋىندا ۇشىراپ، 7 ايدان كەيىن جاڭ رۇيدىڭ ايەلى حاۋ ۋاڭحۇڭ دا جايلى زەينەتكەرلىك تۇرمىسىن تاستاپ، حوتانعا كەلىپ، وقۋ - اعارتۋعا كومەك بەردى.

  حوتان بەيجيڭنەن 10 مىڭ شاقىرىم شالعايدا، جاڭ رۇي مەن حاۋ ۋاڭحۇڭ ۇلكەن قالادان، جايلى ۇيىنەن كەتىپ، وڭتۇستىك شينجياڭداعى ەڭ جاپالى ايماققا كەلىپ، قۇمدى بوراننان، قۋاڭشىلىقتان قورىقپاي، جۇرەكتىلىكپەن قامال الىپ، قيىنشىلىقتى جەڭىپ، كوكىرەك تولى ىستىق ىقىلاستارىن حوتان توپىراعىنا ارناپ، قۇمدى شولدە جاسىل ورمان تۇرعىزىپ، وتاننىڭ گۇل - بايشەشەگىن سۋاردى.

  جاڭ رۇي مەن حاۋ ۋاڭحۇڭنىڭ ءومىر تاڭداۋىن كەيبىرەۋلەر تۇسىنە الماۋى مۇمكىن. ءبىراق، ولار بۇعان بولا ەشقاشان قىنجىلعان، قاباق شىتقان ەمەس. سەبەبى ولاردىڭ سۇيىسپەنشىلىگى شينجياڭمەن تەرەڭ توعىسقان - دى، ولار مەملەكەتتىڭ شينجياڭعا كومەك ىستەرى ءۇشىن اقىل - دارىنىن ارناۋمەن بىرگە، ءوز ومىرلەرىنىڭ دە جاڭا كوورديناتىن تاپتى. سۇيىسپەنشىلىكتىڭ جاڭا جۇرەك ءلۇپىلى ولاردى كۇشتى تابىس سەزىمگە جانە باقىت سەزىمگە بولەدى.

  ولار تىنىم الماي قىزمەت ەتىپ، ەڭبەگىنىڭ جەمىسىن تاتتى، ولار ۇلەس قوسىپ، قۋانىشقا بولەندى.

  ەرلى - زايىپتىلاردىڭ ىزگى ىستەرى بەيجيڭ قالاسىنىڭ شينجياڭعا كومەككە كەلگەن قالىڭ كادر - دارىندىلارىنىڭ «شەكارا وڭىرگە تامىر تارتىپ، قالتقىسىز ۇلەس قوسقان» رۋحاني بەينەسىنىڭ شوعىرلى بەينەسى، بەيجيڭ قالاسىنداعى ءار سالانىڭ شينجياڭعا كومەكتەسۋ ىستەرىنە بىلەك سىبانا ارالاسۋىنىڭ، «بەيجيڭ مەن حوتان ءبىر شاڭىراق» كوزقاراسىنىڭ جۇرت جۇرەگىنە تەرەڭ ۇيالاۋىنىڭ جاندى مىسالى ەدى.

  ەرلى - زايىپتى جاڭ رۇي مەن حاۋ ۋاڭحۇڭ شينجياڭعا 9 - توپتا كومەككە كەلگەن بارشا كادر - دارىندىلاردىڭ تاڭداۋلى ۋاكىلى. تيانشاننىڭ تۇستىگى مەن تەرىستىگىندە، ورتالىقتىڭ، مەملەكەتتىڭ ورگاندارىنان، ورتالىق كاسىپورىنداردان، شينجياڭعا كومەك بەرەتىن 19 ولكە، قالادان شينجياڭعا كومەككە كەلگەن تالاي كادر - دارىندىلار جاڭ رۇي مەن حاۋ ۋاڭحۇڭ سياقتى ماڭىزدى مىندەت ارقالاپ، شينجياڭعا كەلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سانالى تۇردە جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ءوز وتباسىن قايىرا تۇرىپ، وتاننىڭ ءۇمىت اقتايتىن، ادال بولىپ، جاۋاپكەرلىك ارقالايتىن، ىنتىماقتاسىپ ۇلەس قوساتىن، جاڭالىق اشىپ، جىگەرلەنە العا باساتىن شينجياڭعا كومەك رۋحىن اسقاقتاتىپ، ساياسيدى دارىپتەپ، جالپى جاعدايمەن ساناسىپ، كوپ ءۇشىن ءوز مۇددەسىن قيىپ، شينجياڭداعى ءار ۇلت حالقىمەن بەينەت پەن زەينەتتە بىرگە بولىپ، يىق تۇيىستىرە كۇرەس جاساپ، شينجياڭ قىزمەتىنىڭ باس نىساناسىن جۇزەگە اسىرۋعا تىڭ قوزعاۋشى كۇش ۇستەدى.

  ەرلى - زايىپتى جاڭ رۇي مەن حاۋ ۋاڭحۇڭ شەكارا وڭىرگە ۇلەس قوسىپ، بار ىنتا - پەيىلمەن حالىق ءۇشىن قىزمەت ەتكەن ىزگى ىستەرى شينجياڭداعى ءار ۇلت بۇقاراسىنىڭ جۇرەگىنە تۇنىق كاۋسار بۇلاقتاي ءنار بەردى، بۇل شينجياڭعا كومەككە كەلگەن اناعۇرلىم كوپ كادر - دارىندىلاردىڭ ادالدىق سەنىمدى شينجياڭنىڭ بايتاق دالاسىنا جازىپ قالدىرۋعا، ومىردەگى ۇلى ماحابباتتى وتاننىڭ شەكارا وڭىرىنە ارناۋعا، شينجياڭعا سىڭۋگە، شينجياڭعا قىزمەت ەتۋگە، شينجياڭدى كوركەيتۋگە، شينجياڭعا ۇلەس قوسۋعا ىنتالاندىراتىنى ءشۇباسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى