تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

تيانشاننىڭ تۇستىگى مەن تەرىستىگىندە ىنتىماق گۇلى شەشەك اتتى

  اۆتونوميالى رايوندىق پارتكوم كەڭسەسى: ىنتىماقتى كۇشەيتۋدە الدا ءجۇردى

  ءتىلشىمىز شى شين

  5 - ايدىڭ 28 - كۇنى اۆتونوميالى رايوندىق پارتكوم كەڭسەسىنىڭ ۇلتتار ىنتىماعىنىڭ «تۋىستاسۋ اپتالىعى» قيمىلىنا قاتىناسقان كادرلارى جاۋاپكەرشىلىكتەرىن ارقالاي، اۋىلداستارعا دەگەن ساعىنىشپەن تاعى ءبىر رەت ۇرىمجىدەن قاشقارعا باراتىن پويەزعا شىقتى، ول «ۇيگە قايتاتىن» باعىت ەدى...

  اۆتونوميالى رايون «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلىن ورىستەتكەننەن بەرى، اۆتونوميالى رايوندىق پارتكوم كەڭسەسى باستان - اياق باستاماشى بولىپ، الدا ءجۇرىپ، ونەگە كورسەتىپ، نازاردى باس نىساناعا مىقتاپ شوعىرلاندىرىپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باستاماشىلدىقپەن دايەكتىلەندىرىپ، تياناقتاندىرىپ، ءونىمدى شارا قولدانىپ، قيمىلدى مىقتى، ناقتى شىنايى يگەرىپ، ەرەكشەلىكتى، ونىمدىلىكتى ايگىلەپ، تىڭعىلىقتى قيمىلمەن ۇلتتار ىنتىماعى، العاباسارلىعىنىڭ، بىرگە گۇلدەنىپ دامۋدىڭ تىڭ داستانىن جازدى.

  تاسىلدە جاڭالىق اشىپ، قيمىل مازمۇنىن بايىتتى

  − ەندى قاي كەزدە قيمىل وتكىزەمىز؟ مەن تاعى دا ۇرىمجىگە بارىپ مەيمانحانانىڭ جەڭىل دە جۇمساق كورپەسىن جامىلعىم كەلەدى، قويدى قايتكەندە كوپ تولدەتۋ، جىلىجايدا كوكونىستى قالاي ەگۋ جونىندە ءبىلىم ۇيرەنىپ قايتسام دەيمىن... مەن باقىتتىڭ بالزامىن تاتتىم، - دەدى 5 - ايدىڭ 29 - كۇن اسيماگۇل داۋىت اۆتونوميالى رايوندىق پارتكوم كەڭسەسى قارت كادرلار قيمىل باسقارماسىنداعى جۇپ قۇراعان تۋىسى ليۋ شياۋشياعا.

  اسيماگۇل يىڭىسار اۋدانى سيتلا اۋىلى ايكول قىستاعىنىڭ تۇرعىنى. بىلتىر 8 - ايدا ول 44 كادرمەن تۋىس بولعان اۋىلداستارىمەن بىرگە اۆتونوميالى رايوندىق پارتكوم كەڭسەسى ورىستەتكەن ۇلتتار ىنتىماعىنىڭ بىرلەسكەن دوستىق قيمىلىنا قاتىناسقان ەدى. 3 كۇندە ولار ءۇرىمجى قالاسىن ارالاپ، قالانىڭ بەت - بەينەسىن، وسىزاماندانعان قاتىناس جەلىسىن كورىپ، سانجى قالاسىنىڭ وسىزاماندانعان قۇرىلعىلى اۋىل شارۋاشىلىعىن جانە ءۇرىمجى قالاسى ميدۇڭ رايونىنىڭ وسىزاماندانعان باعىمشىلىق فەرماسىن ەكسكۋرسيالادى.

  ۇلكەن قالانىڭ قويلارى تۇگەل ەكىدەن تولدەيدى ەكەن! ۇلكەن قالادا كوكونىستى بىلاي ەگەدى ەكەن! وتكەندە الىستاپ شىققاندا قاشقاردان وزباعان اسيماگۇلدىڭ وسى رەت كوز اياسى كەڭەيىپ، تەرەڭ وي الىپ قايتقان ەدى. قىستاققا قايتقاننان كەيىن، ول ۇيرەنگەن بىلىمدەرىمەن ۇشتاستىرىپ ۇيىندەگى كوكونىس جىلىجايىن باپتادى، 15 قويىن باقتى. كوكونىس ءونىمى مولايعان، ەتتى قويى سەمىرگەن سايىن اسيماگۇل جادىراپ سالا بەردى، ول ءار كۇنى ۇرىمجىدەن ساتىپ العان ەلەكتر شاش بۇيرالاعىشىمەن شاشىن بۇيرالاپ، سىلانىپ - تارانىپ جاسانىپ جۇرەتىن بولدى.

  ول: ۇلتتار ىنتىماعىنىڭ بىرلەسكەن دوستىق قيمىلى تۋىسىم ەكۋىمىزدىڭ سۇيىسپەنشىلىگىمىزدى تەرەڭدەتىپ قالماستان، ماعان جاڭا ءبىر دۇنيەنىڭ ەسىگىن ايقارا اشتى، - دەدى.

  اۆتونوميالى رايوندا ۇلتتار ىنتىماعى بىرلەسكەن دوستىق قيمىلىن الدىمەن ورىستەتكەن ورىن رەتىندە، اۆتونوميالى رايوندىق پارتكوم كەڭسەسى جۇپ قۇراپ، تۋىس بولۋ نەگىزىندە «ۇلتتار ىنتىماعىنىڭ بەرەكەلى شاڭىراعى» قيمىلىنىڭ فورماسىنا ۇزدىكسىز جاڭالىق جاساپ، مازمۇنىن بايىتىپ، كادر - قىزمەتكەرلەردى اي سايىن الۋان ءتۇرلى، باي مازمۇندى، جۇرت قۋانا تىڭداپ، قىزىعا كورەتىن قيمىلداردى ورىستەتۋگە ۇيىمداستىردى. قاراماعىنداعى ورىندار مەن تاراۋلاردىڭ قىستاقتاردا تۇراتىن قىزمەت اترەتتەرى دە ۇلتتار ىنتىماعىن نەگىزگى تاقىرىپ ەتكەن اڭگىمە ءماجىلىسىن، بىرلەسكەن دوستىق قيمىلىن، جاياۋ ءجۇرۋ، دەنە تاربيە قيمىلدارىن ىركەس - تىركەس وتكىزىپ، «ۇلتتار ىنتىماعى جاقسى» دەگەندى قىزمەت پەن تۇرمىستىڭ بارلىق جاقتارىنا ءسىڭىرىپ، ءار ۇلت كادر - قىزمەتكەرلەرىنىڭ ۇلتتار ىنتىماعى تانىمىن اناعۇرلىم كۇشەيتىپ، بۇقارامەن ەتەنە بايلانىسىن تەرەڭدەتتى.

  بۇقاراعا قىزمەت كورسەتۋدىڭ «ەڭ سوڭعى ءبىر شاقىرىمىن» اشتى

  5 - ايدىڭ 29 - كۇنى «جاڭ اتايدىڭ» كەلەتىنىن ەستىگەن 6 جاستاعى ازاتالي ءشىرالي بالاباقشادان ۇيىنە كەلە سالا، ەڭ الدىمەن قىستاقتا تۇراتىن قىزمەت اترەتى بەرگەن «1 - ماۋسىم مەيىر باعىشتاۋ تارتۋىن» اشىپ كورىپ، ونداعى «راقىمەت» دەپ جازىلعان جاپسىرما قاعازدى وڭ قولىنا جاپسىرىپ الدى.

  بالانىڭ ايتىپ وتىرعان «جاڭ اتايى» اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتىندەگى جۇپ قۇراعان تۋىسى جاڭ زوسىن ەدى. ول ازاتالي وتباسىنىڭ جۇپ قۇراعان تۋىسى بولىپ قالماستان، كىشكەنتاي ازاتاليدىڭ كوڭىلىندە ونىڭ وڭ قولىن امان الىپ قالعان «اتاقتى قاھارمان».

  2 جىلدىڭ الدىندا ازاتالي ويناپ جۇرگەندە ساۋساعى اينالىپ تۇرعان ماشيناعا ءتيىپ كەتىپ، 3 ساۋساعى اۋىر دارەجەدە جارالانادى، قاشقار قالاسىندا وپەراتسيا جاساتقان سوڭ وڭ قولى يكەمگە كەلمەي، ساۋساعى قيمىلداۋدان قالادى.

  جاڭ زوسىن العاش رەت ازاتاليدىڭ ۇيىنە بارعاندا، ونىڭ اكەسى ءشىرالي ابدىرەيىم ءوزىنىڭ ارمانى بالانىڭ قولىن ەمدەپ جازۋ ەكەندىگىن ايتادى. ءشىرالي 2012 - جىلى اۋىر اۆتوكولىك شىرعالاڭىنا ۇشىراپ، ميى زاقىمدالىپ، نەگىزگى ەڭبەك قۋاتىنان ايرىلادى، بالالارى تۇگەلدەي مەكتەپتە وقيتىندىقتان ازاتاليدىڭ ەمدەلۋ قاراجاتىن كوتەرۋگە امالسىز قالعان ەدى.

  بالانىڭ ساۋساقتارىنىڭ قىڭىر - قيسىق بىتكەنىن كورگەن جاڭ زوسىن وعان قاتتى جانى اشيدى. ۇرىمجىگە قايتىپ كەلگەن سوڭ، ول قايىرىمدىلىق قۇرىلىمدارىمەن بەلسەنە بايلانىس جاساپ، 100 مىڭ يۋاندىق قايىرىلىمدىلىق قاراجاتىنا قول جەتكىزەدى ءارى شاڭحايداعى شيپاحانامەن بايلانىس جاسايدى.

  4 - ايدىڭ 12 - كۇنى شاڭحاي قاتىناس داشۋەسى شيپاحاناسىنا قاراستى شينحۋا شيپاحاناسىندا ماماندار ازاتاليدىڭ جاراقاتىنا مۇقيات دياگنوز قويدى، جاراقاتى اۋىر سۇق ساۋساعىنان باسقا قالعان ساۋساقتارىنىڭ قالپىنا كەلۋىنە 2 دە 3 باسقىش وپەراتسيا قاجەت ەدى. بۇل وتباسىنداعىلار مەن بالاعا ۇلكەن سەنىم اكەلەدى. شيپاحانا مەن مەيىربان ەرىكتىلەردىڭ كومەگىندە، ورتانعى قولىنىڭ وپەراتسياسى تەز ارادا ءساتتى جاسالىپ، بالا اۋىلىنا قايتادى.

  جاڭ زوسىننىڭ ازاتاليگە كومەكتەسكەندىگى اۆتونوميالى رايوندىق پارتكوم كەڭسەسىندەگى تۋىس بولعان كادرلاردىڭ بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن، قيىنشىلىعى ەڭ اۋىر بۇقارا الاڭداپ وتىرعان، ەڭ كوكەي تەستى ءىس جۇزىندىك ماسەلەنى ناقتى شەشكەندىگىنىڭ ءبىر شاعىن كورىنىسى عانا ەدى.

  ءار ۇلت بۇقاراسىن رەفورما مەن دامۋدىڭ جەتىستىكتەرىنەن بىرگە يگىلىكتەندىرىپ، ولاردىڭ تاماشا تۇرمىس كەشىرۋىنە مۇمكىندىك جاساعاندا عانا، ۇلتتار ىنتىماعىنىڭ ناقتى جۇمىستارىن ىستەۋگە نەگىز قالاۋعا بولادى. اۆتونوميالى رايوندىق پارتكوم كەڭسەسىندەگى ءار ۇلت كادر - قىزمەتكەرلەرى حالىق بۇقاراسىنىڭ مۇددەسىن بارىنەن جوعارى قويۋدان، حالىق بۇقاراسىن باستان - اياق كوڭىلدەرىنىڭ تورىنە قويۋدان جازباي، قىزۋ سۇيىسپەنشىلىكپەن جاۋاپكەرشىلىك ارقالاي وتىرىپ بۇقارامەن قويۋ ارالاسىپ، بۇقاراعا قىزمەت كورسەتۋدىڭ «ەڭ سوڭعى ءبىر شاقىرىمىن» باسۋعا قۇلشىندى.

  ساندى مالىمەتتە كورسەتىلۋىنشە، «ۇلتتار ىنتىماعىنىڭ بەرەكەلى شاڭىراعى» قيمىلى ورىستەتىلگەننەن بەرى، اۆتونوميالى رايوندىق پارتكوم كەڭسەسى جۇپ قۇراعان تۋىستارىنا 698 مىڭ 789 يۋان اقشا، 77 مىڭ 751 پار كيىم - كەشەك جىلۋعا اتاعان، 500 رەت ەمدەۋ، 257 رەت وقۋعا كومەكتەسۋ، 2919 رەت جۇمىسقا ورنالاستىرۋ، 1376 رەت ءوندىرىستى دامىتۋ جاعىنداعى ماسەلەلەردى شەشكەن، باسقالاي 3493 رەت كومەك كورسەتكەن، بۇل قيمىلعا 7431 كادر - قىزمەتكەر (رەت) قاتىناسىپ، 13 مىڭ 564 ءار ۇلت بۇقاراسى يگىلىكتەنگەن.

  تيپتەردى كورنەكتىلەندىرىپ، ۇلتتار ىنتىماعىنىڭ وڭ ەنەرگياسىن تاراتتى

  سيتلا اۋىلى شياقۇلداما قىستاعىنىڭ 63 جاستاعى تۇرعىنى ايسا حالىق جۋىقتان بەرى سۋ جاڭا 3 دوڭگەلەكتى ەلەكتروسيكلىن ويىنشىقتارىن كورسەتىپ ماقتانعان بالاشا ارى - بەرى جۇرگىزىپ، بىرەۋگە كەزىگە قالسا، گۋدەگىن باسىپ، «مىنە، تۋىسىم حى جيانگو الىپ بەرگەن ماشينا» دەپ ماقتانا كورسەتەتىن بولدى.

  حى جيانگو اۆتونوميالى رايوندىق پارتكوم كەڭسەسىنىڭ كادرى ءارى كوپشىلىكتىڭ كوڭىلىندەگى ۇلتتار ىنتىماعىنىڭ ۇلگىسى. قىستاقتا تۇرعان كەزىندە ۇيعۇر اجەيدىڭ سىرقاتتانىپ قالعانىن ەستىپ، اقشالاي، زاتتاي كومەك بەرگەن، تاعى ۇيلەرىنە بارىپ بىلەگىن ءتۇرىپ تاستاپ، قوي قوراسىن تازالاپ، ءۇي جۇمىستارىنا قولعابىس ەتكەن؛ پويەزدە شيپاحانادان ەندى شىققان ۇيعۇر جەڭگەيگە كەزدەسىپ قالعاندا، دەرەۋ وعان استىڭعى توسەكتى ءوتىنىپ بەرگەن... ونىڭ ىزگى ىستەرىن اۆتونوميالى رايوندىق پارتكوم كەڭسەسى جوعارىعا جولداپ، اۆتونوميالى رايوندىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قيمىلىنداعى تيپتىك ىزگى ىستەر جيناعىنا ەنگىزدى.

  وزات ۇلگىلەردەن كۇش - قۋات العاندا، ۇلتتار ىنتىماعىن جەبەۋدىڭ «وڭ ەنەرگياسىن» اناعۇرلىم تۋىنداتۋعا جانە ۇيىستىرۋعا بولادى. اۆتونوميالى رايوندىق پارتكوم كەڭسەسى «ۇلتتار ىنتىماعىنىڭ بەرەكەلى شاڭىراعى» قيمىلىن تەرەڭدەتۋ بارىسىندا تيپتەردى كورنەكتىلەندىرۋگە دەن قويىپ، راديو، توراپ، مادەنيەت تاقتاسى، ىزگى ىستەردەن لەكسيا جاساۋ جينالىسى سياقتى فورمالارمەن ۇگىت جۇرگىزدى، ويتكەنى ولار سۇيمەندىك، باستاماشىلدىق رول اتقارىپ، قالىڭ كادرلاردىڭ ۇيرەنۋىنە نىسانا، باعىت، قوزعاۋشى كۇش ۇستەيدى.

  اۆتونوميالى رايوندىق پارتكوم كەڭسەسىنىڭ ورىنباسار مەڭگەرۋشىسى، اۆتونوميالى رايوندىق پارتكوم كەڭسەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا يىڭىسار اۋدانى سيتلا اۋىلىندا تۇراتىن قىزمەت اترەتىنىڭ باس جەتەكشىسى، پارشا جاڭا جەر قىستاعىنداعى قىزمەت اترەتىنىڭ باستىعى ابدىجالەل ابدىحالىق: ءبىز اۆتونوميالى رايوندىق پارتكومنىڭ «ۇلتتار ىنتىماعىنىڭ بەرەكەلى شاڭىراعى» قيمىلى جونىندەگى ورنالاستىرۋلارىن ۇزبەي باتىل تياناقتاندىرامىز، اسىرەسە، اۆتونوميالى رايوندىق پارتكوم كەڭسەسىندەگى ءار ۇلت كادرلارىن «تۋىستاسۋ اپتالىعى» قيمىلىن جاقسى ورىستەتىپ، ءار ۇلت بۇقاراسىمەن قويان - قولتىق ارالاسۋعا ۇيىمداستىرىپ، ءاربىر كادر مەن تۋىسىنىڭ سانالى تۇردە ۇلتتار ىنتىماعى تاربيەسىنە ات سالىسۋشى، ونى تاراتۋشى، وعان باستاماشىلىق ەتۋشى بولىپ، ۇلتتار ىنتىماعىنىڭ گۇلىن جايقالتۋىنا مۇمكىندىك جاسايمىز، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى