ءتاڭىرتاۋ تورابى   ›   جاڭالىقتار   ›   اۋىل تىنىسى

وتىرىقتاسىپ، اۋقاتتانۋ جولىنا ءتۇستى

  تاۋلە قۇماش ۇلى حابارلايدى. «بارلىقتىڭ ساي-سالا، جوتا-جىلعالارىن ات تۇياعىمەن توزدىرىپ، سارى اتانعا سان مارتە جۇك ارتىپ كوشىپ-قونىپ جۇرگەنگە ءماز بولىپ، ەسگىن اشىپ، قولىن بۇلعاپ تۇرعان بازار ەكونوميكاسىنان قاراداي قاعىس قالىپپىز»،-دەدى ەڭسەلى دە جارىق ءۇيدىڭ تورىندە قايسشىلىق ىستەپ وتىرعان بەيسەن سەيتقالي ۇلى.

  بەيسەن شاعانتوعاي اۋدانى قارابۋر اۋىلىنىڭ جالپاقتال مالشىلار وتىرىقتاسقان قىستاعىنىڭ تۇرعىنى. 2013-جىلى ۇيىمنىڭ ورنالاستىرۋى بويىنشا وتىرىقتانۋ تۇيىنىنە ءتۇسىپ ەڭسەلى ءۇي، جىلى مال قورا سالىپ قونىستانعان.

  بەيسەن تىلشىگە: «ۇكىمەت 60 شارشى مەتر ءۇي، 150 شارشى مەتر جىلى مال قورا سالىپ، 20 مۋ ەگىستىك جەر بەردى، توك، اۋىز سۋ سياقتى قۇرىلعىلار تولىق، ءتورت ماۋسىم مال باعامىز دەپ توڭىپ، ءتوزىپ ءجۇرىپپىز، وزىمە جەتەرلىك ازىن-اۋلاق ۇساق-ءىرى قارالارىم بار، قىستا قولدا باعىپ، جازدا تۋىس- تۋعاندارعا قوسىپ قويامىن، ەشقانداي قيىنشىلىق جوق، قايتا قىستا تايىنشا-تورپاقپەن ارىق-تۇراق ۇساقتى بورداقىلاپ بازارعا شىعارىپ، ساۋلىقتاردى قىستا ەرتە تولدەتىپ ءتولىن 5-ايلاردا ساتىپ ءجۇرمىن، وتىرىقتاسىپ از مالدان ايرىلساق جاندى قالاي باعامىز دەپ تاياز ويلاپپىز. ‹كوشكەننىڭ دە كوپ بەينەتى› بار، قىس قاتتى جىلدارى شىعىن كوپ، جەم-ءشوپتى قارىزعا الىپ كەلەسى كۇزدە ساتقان مالدىڭ اقشاسى قارىزعا العان جەم-ءشوپتىڭ اقشاسىن قايتارعانعا جەتپەي قالاتىن جىلدار بولعان، قازىر مالىم كوشىپ جۇرگەن كەزدەگىدەن كوپ، ەگىستىكپەن باعىنشىلىقتى تەڭ جۇرگىزىپ جاتىرمىن، قىستاقتا بۇقارالىق كوڭىل اشۋ ورتالىعى، بالالار باقشاسى، شاعىن كىتاپ كورۋ ورىندارى سالىنىپ، قستاق كوشە جولدارى اسفاليتتانىپ، جول جاعالارىنا شىراق ورناتىلىپ، قالادان وزگەشەلىگى جوق»،-دەدى.

  بەيسەننىڭ اتاسى مەيرامعالي قايىستان ءتۇيىن ءتۇيىپ، اعاشتان ورنەك سالاتىن ونەرلى كىسى ەدى، «اكە كورگەن وق جونار» دەمەكشى اتا ونەرى ۇرپاققا دارىپ، بەيسەن دە سەگىز قىرلى، ءبىر سىرلى ونەرلى ازامات بولىپتى.

  مەن بەيسەننەن:  «تەرى يلەپ، قايىسشىلىق ىستەۋ قالاي ويىڭىزعا كەلدى؟ اتتىڭ ورنىن اۆتوكولىك باستى، سوندا قايىستان جاساعان ءونىمىڭىزدىڭ ءوتىمى قانداي؟»،-دەگەنىمدە، بەيسەن: «سيىر تەرىسىن 150 دە 200 يۋان مولشەرىندە ساتىپ الاسىز، يلەپ ءونىم جاراتساڭىز ءبىر تەرىدەن از دەگەندە 1500 يۋان كىرىس كىرسە، تازا پايدا 1300 يۋان بولادى، بۇل كاسىپپەن قىستا شۇعىلدانامىن، ساپاسى جاقسى، باعاسى ۇيلەسىمدى بولسا، الارمان اۋىلدان شىعادى، اۋەلى، الارمانداردى قامداۋعا ۇلگىرە الماي ءجۇرمىن»،-دەدى.

  بەيسەن قىستا قايىسشىلىق ىستەسە، جازدا اۋىلداستارىنىڭ ءۇي جانە مال قورالارىن سالىپ، وتباسىنىڭ كىرسىن ارتتىرىپتى. بىلتىر جازدا ءۇي جانە مال قورا سالىپ، 30 نەشە مىڭ يۋان كىرىس كىرگىزسە، بيىل قىستا ايىل-تۇرمان، قامشى، جۇگەن-نوقتا، شىدەر ءورىپ، تالاي كىرىس كىرگىزگەن ەكەن. 

      ونەرلى ازاماتىمىزدىڭ الداعى ىستەرىنە ساتتىلىك تىلەيمىز. 

  ەرىكتى ءتىلشىمىزدىڭ قىزمەت ورنى : شاعانتوعاي اۋداندىق مادەنيەت، دەنەتاربيە، راديو-كينو-تەلەۆيزيا مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى