ءتاڭىرتاۋ تورابى   ›   جاڭالىقتار   ›   وقۋ-اعارتۋ

لي پىڭشين شينجياڭ داشۋەسىنىڭ «دۇنيە جۇزىلىك ماڭداي الدى داشۋە جانە ماڭداي الدى ءپان» قۇرىلىسى قىزمەتى  جونىندەگى اڭگىمە ماجىلىسىندە دۇنيە ءجۇزى بويىنشا ماڭداي الدى، جۇڭگولىق ەرەكشەلىككە يە، شينجياڭنىڭ قاجەتىنەن شىعاتىن سوتسياليستىك داشۋە قۇرۋدى باسا دارىپتەدى

  ءتىلشىمىز لي ياڭ 6 - ايدىڭ 6 - كۇنى ۇرىمجىدەن حابارلايدى. 6 - ايدىڭ 6 - كۇنى تۇستەن بۇرىن اۆتونوميالى رايون شينجياڭ داشۋەسىنىڭ «دۇنيە جۇزىلىك ماڭداي الدى داشۋە جانە ماڭداي الدى ءپان» قۇرىلىسى قىزمەتى جونىندە اڭگىمە ءماجىلىس وتكىزدى، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اڭگىمە ءماجىلىستى باسقاردى جانە ءسوز سويلەدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، باس شۋجي شي جينپيڭنىڭ بەيجيڭ داشۋەسىنىڭ وقىتۋشى - وقۋشىلارىمەن اڭگىمە وتكىزگەندە سويلەگەن ماڭىزدى ءسوزىنىڭ رۋحىن دايەكتىلەندىرىپ جانە تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ جانە تياناقتاندىرىپ، شينجياڭ داشۋەسىنىڭ «قوس ماڭداي الدى» قۇرىلىسىنا قايتالاي اتتانىسقا كەلتىرىپ جانە ورنالاستىرۋ جاساپ، شينجياڭ داشۋەسىنىڭ ورنىقتىلىق، دامۋ، رەفورما ىستەرىندە قۇلشىنا جاڭا جاعداي اشتى.

  ماجىلىستە مىنالار اتاپ كورسەتىلدى: شينجياڭ داشۋەسىنىڭ مەملەكەتتىڭ العاشقى توپتاعى ماڭداي الدى داشۋە قۇرىلىسىنىڭ قاتارىنا ەنگىزىلۋى وقۋ - اعارتۋ مينيسترلىگىنىڭ ەرەكشە قولداۋىنىڭ ناتيجەسى، بۇل شينجياڭنىڭ جوعارى وقۋ - اعارتۋىنىڭ كەزەڭدىك ماڭىزدى ىلگەرىلەۋشىلىگىن ىسكە اسىرادى. ءسوز جوق، ماڭىزدى ءمانىن جىعا تانىپ، تەرەڭ ءمانىن عىلمي تۇردە يگەرىپ، ارتىقشىلىقتارىن جاپپاي ساۋلەلەندىرىپ، ورىن تەپكەن ايىرماشىلىقتاردى سەرگەكتىكپەن تانىپ جەتىپ، جاۋاپكەرشىلىك پەن بورىشتى شىن مانىندە ايقىنداپ، «4 ءۇشىن» بورىشتىلىق تانىمىن كۇشەيتىپ، «قوس ماڭداي الدى» قۇرىلىسىن قوعام ورنىقتىلىعى مەن باياندى تىنىشتىق باس نىساناسىمەن ساباقتاستىرىپ، دۇنيە ءجۇزى بويىنشا ماڭداي الدى بولۋ، جۇڭگولىق ەرەكشەلىككە يە بولۋ، شينجياڭنىڭ قاجەتىنەن شىعۋعا كۇش سالىپ، شينجياڭ داشۋەسىن قاشاندا پارتيا باسشىلىعىنا تاباندى بولاتىن پارمەندى شەپ، ماركسيزم يدەيالارىن تاراتاتىن پارمەندى شەپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەيتىن پارمەندى شەپ ەتىپ قۇرىپ شىعۋ كەرەك.

  ماجىلىستە مىنالار باسا دارىپتەلدى: شينجياڭ داشۋەسى جوعارى دەڭگەيلى دارىندىلار تاربيەلەۋ جۇيەسىن قۇرۋدى وزەك ەتىپ، «قوس ماڭداي الدى» قۇرىلىسىن تىڭعىلىقتى ىلگەرىلەتۋى كەرەك. وقىتۋ جۇيەسى قۇرىلىسىن ارناعا ءتۇسىرىپ، وقۋشىلاردى وزەك ەتىپ، دارىندى تاربيەلەۋ قۇرىلىمىن، ساباق جۇيەسىن جانە وقىتۋ مازمۇنىن ساپالىلاندىرىپ، وقىتۋ ءادىسى مەن ءتاسىلىن رەفورمالاپ، وقىتۋ مەن عىلمي زەرتتەۋدى توعىستىرۋدى دارىپتەۋ كەرەك. ءپان جۇيەسى قۇرىلىسىن كەمەلدەندىرىپ، ءتۇزىلىس پەن مەحانيزمدى كەمەلدەندىرىپ، ماماندىق قۇرىلىمىن رەتتەپ، كومەككە كەلگەن كۇشتەردەن ۇتىمدى پايدالانىپ، عىلمي زەرتتەۋدىڭ ۇيىمداستىرۋ ۇلگىسىندە جاڭالىق اشۋدى ىلگەرىلەتىپ، عىلىم - تەحنيكالىق جەتىستىكتەردىڭ تۇرلەنۋىن جەبەۋ كەرەك. وقۋ ماتەريالدارىن باسقارۋدى قاتايتىپ، وقۋلىقتى پارتيا باسقارۋعا بۇلجىماستان تاباندى بولىپ، وقۋلىق باسقارۋ، تاڭداۋ، قۇراستىرۋ، تەكسەرۋ بۋىندارىن ويداعىداي يگەرۋ كەرەك. باسقارۋ جۇيەسى رەفورماسىن تەرەڭدەتىپ، سۋبيەكتتىك جاۋاپكەرشىلىكتى شىن مانىندە اتقارىپ، ىستەۋگە ءتيىستىنى ىستەۋگە، ىستەمەۋگە ءتيىستىنى ىستەمەۋگە تاباندى بولىپ، ءبىر تۇتاس جوسپارلاۋدى كۇشەيتىپ، ماڭىزدى ءتۇيىندى كورنەكتىلەندىرىپ، بىرەگەي، ماماندانعان، ەرەكشەلىككە يە، قۋاتتى ماڭداي الدى داشۋە قۇرۋ كەرەك. يدەيالىق - ساياسي قىزمەت جۇيەسىن كەمەلدەندىرىپ، نەگىزدى بەكەمدەپ، ءتۇيىندى يگەرىپ، ارنا بەلگىلەپ، جاۋاپكەرشىلىكتى تياناقتاندىرىپ، يدەيالىق قۇندىلىق ارقىلى جەتەلەۋدى وقۋ - وقىتۋدىڭ تۇتاس بارىسىمەن جانە ءتۇرلى بۋىنىمەن ساباقتاستىرۋ كەرەك.

  ماجىلىستە مىنالار تالاپ ەتىلدى: پارتيانىڭ باسشىلىعىن جاپپاي كۇشەيتىپ، پارتكوم باسشىلىعىندا مەكتەپ باستىعى جاۋاپتى بولۋ ءتۇزىمىن بەكەمدەپ، يدەولوگيا سالاسىنداعى قىزمەت جاۋاپكەرشىلىگىن تياناقتاندىرىپ، وسى زامانعى داشۋە ءتۇزىمى قۇرىلىسىن قاتايتىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ تىڭعىلىقتى تياناقتانۋىنا كەپىلدىك ەتۋ كەرەك. ۇستازدىق ءمورال، ۇستازدىق ستيل قۇرىلىسىن كۇشەيتىپ، وقىتۋشى قوسىنىنىڭ قۇرىلىمىن ساپالىلاندىرىپ، كادرلار ءتۇزىمى رەفورماسىن ىلگەرىلەتىپ، جوعارى دەڭگەيلى وقىتۋشى - دارىندىلار قوسىنىن دايىنداۋ كەرەك. بەلسەندىلىكپەن جۇمىس جۇرگىزىپ، بىرىككەن كۇش قالىپتاستىرىپ، شينجياڭ داشۋەسىنىڭ «قوس ماڭداي الدى» قۇرىلىسىن جەدەل ىلگەرىلەتۋ كەرەك.

  اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكوم وقۋ - اعارتۋ قىزمەتى كوميتەتىنىڭ ورىنباسار شۋجيى رىن حۋا اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى