ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

گۇلزىننات توكەن: سابيلەردىڭ جۇرەگىنە ۇلتتار ىنتىماعىنىڭ ۇرىعىن سەپتى

  ءتىلشىمىز شى شين

  6 - ايدىڭ 4 - كۇنى اقشي اۋداندىق 3 - بالاباقشانىڭ الدىندا، بالاباقشانىڭ باستىعى گۇلزىننات توكەن كۇندەگىدەي سابيلەردى قارسى الدى.

  ول سابيلەردى تاڭ ارايىندا قارسى الىپ، كەش شاپاعىن جامىلا ۇزاتىپ سالادى، 14 جىلدان بەرى، ول سابيلەر تاربيەسىنە بار ىنتا - جىگەرىن سالىپ، بالالاردى قارشادايىنان «ۇلتتار ىنتىماعىن كوز قاراشىعىنداي قورعاپ، جانىنداي ايالاپ، اناردىڭ دانىندەي تىعىز ۇيىساتىن» سەنىم مەن سەزىم ورناتۋعا تاربيەلەپ كەلەدى.

  2004 - جىلى قىزىلسۋ قىرعىز اۆتونوميالى وبلىستىق پەداگوگيكالىق مەكتەپتەن وقۋ تاۋىسقاننان كەيىن، ءبۇلدىرشىن شاعىنان بالاباقشا تاربيەشىسى بولۋدى ارماندايتىن گۇلزىننات اقشي اۋداندىق بالاباقشاعا جۇمىسقا تۇرادى.

  العاش مىنبەگە كوتەرىلگەندە، مۇمكىن ساسقالاقتاعان بولار، ول وقۋ قۇرالىن ەدەنگە ءتۇسىرىپ الادى، 5 مينۋت وتەر - وتپەستە، بالالار بەتالدىنا جۇگىرىپ، ساباقحانانى باسىنا كوشىرەدى، گۇلزىننات نە ىستەرىن بىلمەي داعدارادى.

  بالاباقشانىڭ سول كەزدەگى باستىعى ۋاڭ شۋرۇڭ كىرىپ كەلەدى. ول گۇلزىنناتتىڭ ساباق ۇستىندەگى ولقىلىقتارىن كورسەتىپ بەرەدى، سويتسە، ول بالالاردىڭ ەرەكشەلىگىن بىلمەگەندىكتەن، ولاردى وزىنە تارتا الماعان ەكەن. سونان بىلاي، سابيلەر ۇيگە قايتقاننان كەيىن، گۇلزىننات ۇنەمى ۋاڭ شۋرۇڭنان ساباق الىپ، سويلەۋ، وقۋ ادىستەرىنەن پيانينو شالۋ، ءبي بيلەۋ، ءان ايتۋ، سۋرەت سالۋ، وقۋ جوسپارىن دايىنداۋ، جوبا دايىنداۋعا دەيىنگى جۇمىستىڭ قىر - سىرىن قۇنتتاپ ۇيرەنە باستايدى، ۋاڭ شۋرۇڭ ءوزىنىڭ ونداعان جىلدار بويى جيناقتاعان تاجىريبەسىن گۇلزىنناتپەن ەش بۇكپەسىز ورتاقتاسادى.

  «جاس تاربيەشىدەن تىرەكتى قىزمەتكەر بولىپ جەتىلگەنشە، مەن نەشە جىل عانا ۋاقىت جۇمسادىم، وسىنىڭ ءبارى ۇستازىم ۋاڭ شۋرۇڭنىڭ ىنتالاندىرۋى مەن تاربيەلەۋىنىڭ ارقاسى»، - دەيدى گۇلزىننات.

  قارت تاربيەشىلەر باۋلۋ، كومەكتەسۋ، جەتەكتەۋ جۇمىستارىن جاقسى ىستەگەندە عانا، جاس تاربيەشىلەر تەز قاتارعا قوسىلا الدى. سونان كەيىن، گۇلزىننات تا ۇستازدان كورگەن ونەگەسى بويىنشا، ءوزىنىڭ جاقسى تاجىريبەلەرى مەن ادىستەرىن جاس تاربيەشىلەرمەن ۇنەمى ورتاقتاسىپ وتىرادى. ول: ۇستاز − بالاعا جول سىلتەيتىن ادام، ءبىز بەرەكەلى، ءبىر - بىرىمىزگە جان اشىر بولعاندا عانا، بالالار ۇلتتار ىنتىماعىنىڭ ماڭىزدىلىعىن شىن جۇرەكتەن سەزىنە الادى، سوندا عانا ولار بەلسەندى تۇردە ۇيرەنىپ جانە قايتالاپ، ۇلتتار ىنتىماعىن نىعايتادى، - دەدى.

  2013 - جىلى گۇلزىننات جاڭادان سالىنعان اقشي اۋداندىق 3 - بالاباقشانىڭ باستىعى بولىپ تاعايىندالادى.

  اقشي اۋداندىق 3 - بالاباقشا − ۇلتتار ىنتىماعىنىڭ قارا شاڭىراعى، بۇندا 450 بالا بار، ولار 4 ۇلتتان قۇرالعان. ءار ۇلت سابيلەرىنىڭ «بىرگە ويناپ، بىرگە وقىپ، بىرگە جەتىلۋىنە» مۇمكىندىك جاساۋ ءۇشىن، گۇلزىننات مەملەكەتتە ءبىر تۇتاس قولدانىلاتىن ءتىلدى ۇيرەنۋ مەن بالالاردى جاقسى ادەتكە باۋلۋمەن ۇشتاستىرىپ، سابيلەردىڭ تاماقتانۋ، دارەتكە بارۋ، جۋىنۋ جانە وتىرۋ، تۇرۋ، وقۋ، سۋرەت سالۋ سياقتى جاقتارىنا ءسىڭىرىپ، بالالاردى تۇرمىس جانە وقۋ جاعىندا جاقسى ادەت قالىپتاستىرۋمەن قاتار، مەملەكەتتە ءبىر تۇتاس قولدانىلاتىن ءتىلدى ويداعىداي يگەرۋگە تاربيەلەيدى.

  51 جاستاعى دايراحان قاسىم − گۇلزىنناتتىڭ جۇپ قۇراعان تۋىسى، ءۇيى بالاباقشادان الىس ەمەس، گۇلزىننات قولى بوساي قالسا، ۇنەمى بارىپ تۇرادى، گۇلزىننات بىرنەشە كۇن كەلمەي قالسا، دايراحان ونى بالاباقشاعا ارنايى ىزدەپ كەلەدى.

  دايراحاننىڭ وتباسى جاعدايى تومەندەۋ، ەكى ۇلىنىڭ بىرەۋى اقسۋدا جۇمىس ىستەيدى، ەندى بىرەۋى شي - اندا جوعارى مەكتەپ وقيدى. دايراحان جالعىز تىرشىلىك ەتەدى، ايلىق كىرىسى 700 يۋاننىڭ اينالاسىندا.

  «گۇلزىننات ماعان ۇنەمى اقشا بەرىپ تۇرادى، وقۋداعى بالاما تۇرمىس قاراجات تا بەرەدى، ۇنەمى مەنىڭ حال - جاعدايىمدى ۇعىسىپ، وڭاشادا اقتارىلا سىرلاسادى، تۋعان قىزىمنان كەم ەمەس». دايراحاننىڭ ىستىق لەبىزى رازىلىققا تولى.

  تاربيەشى دەيتىن داڭقتى جۇمىسقا جەگىلگەن گۇلزىننات شۋاقتى كۇندەردى قالتقىسىز ەڭبەك، وكىنىشسىز ماعىنامەن وتكىزىپ كەلەدى. سوڭعى جىلدارى، قىزىلسۋ وبلىسى جانە اقشي اۋدانى بويىنشا تالاي مارتە ۇزدىك تاربيەشى سياقتى داڭقتى اتاقتارعا يە بولدى. 2017 - جىلى ول پارتيا 19 - قۇرىلتايىنا ۋاكىل بولىپ سايلاندى، مەملەكەتتىك 1 - مامىر ەڭبەك مەدالىمەن ماراپاتتالدى.

     گۇلزىننات ايتادى: بارلىق داڭق − وتكەن شاقتىڭ ەنشىسى، الداعى جەردە اينالامداعى جاس تاربيەشىلەرگە جەتەكشى بولىپ، ۇدايى كۇرەس جۇرگىزىپ، جاس وركەندەردىڭ ساۋ - سالامات جەتىلۋىنە جارشى بولىپ، ولاردىڭ كوڭىل جايلاۋىنا ۇلتتار ىنتىماعىنىڭ ۇرىعىن سەبە بەرەمىن. ماحاببات تاربيەسىمەن سۋارىلعان گۇل قالايدا ونان سايىن جايناي تۇسپەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى