ءتاڭىرتاۋ تورابى   ›   جاڭالىقتار   ›   ەل ءىشى حابارى

چيڭداۋ: سالتاناتتى باس قوسۋعا قۇشاق جايىپ، ەسىك اشۋدىڭ جاڭا بەلەسىنەن كورىندى

  تىلشىلەرىمىز سۇي يۇننان، چين يۇڭ

  باستالۋ الدىندا تۇرعان شاڭحاي ىنتىماقتاستىق ۇيىمىنىڭ چيڭداۋداعى باس قوسۋى شاڭحاي ىنتىماقتاستىق ۇيىمىنىڭ ۇزدىكسىز العا دامۋىنىڭ تىڭ ساپارىنا جول اشپاق. باس قوسۋدى حابارلاۋعا شينجياڭنان بارعان بىردەن - ءبىر بىرىككەن مەديا ءتىلشىسى رەتىندە، ءبىز باس قوسۋدىڭ ومىرىمىزبەن سونشا ەتەنە، سونشا جاقىن ەكەنىن شىنايى سەزىندىك.

چيڭداۋ رەفورما جاساۋ، ەسىك اشۋدا قانداي تابىستارعا قول جەتكىزدى؟ ول وتاعاسى بولۋعا قالاي دايىندالدى، قاي جاعىنان كوز تارتپاق؟ شينجياڭ مەن چيڭداۋ «ءبىر بەلدەۋ، ءبىر جول» باستاماسىنا قايتكەندە ىشكەرىلەي توعىسادى؟ شاڭحاي ىنتىماقتاستىق ۇيىمىنىڭ چيڭداۋ باس قوسۋىندا قانداي ماڭىزدى جەتىستىكتەرگە قول جەتەدى؟ ءتىلشى باس قوسۋعا جاقىننان ءجىتى نازار سالىپ، رەفورما مەن جاڭالىقتاردى ءتۇيسىنىپ، ەسىك اشۋ مەن ءوزارا تيىمدىلىكتىڭ نارقىن سەزىنەدى.

6 - ايدىڭ 7 - كۇنى چيڭداۋ ءتىپتى دە قۇلپىرا ءتۇستى، تەڭىزدەن كوتەرىلگەن سەلدىر تۇماننىڭ ەتەك جايۋىنا وراي، جاسىل تاۋ، كوك ورمان بىردە كوگىلدىر تەڭىز، زەڭگىر اسپاننىڭ ساعىمىنا ورانسا، بىردە بوز تۇماننان ءشالى جامىلىپ، ارايلى كەلبەت، قوڭىر ىرعاقپەن وزگەشە سۇلۋلىق بايقاتادى.

  شاڭحاي ىنتىماقتاستىق ۇيىمىنىڭ چيڭداۋ باس قوسۋى باستالۋ الدىندا تۇر، بۇل قالانىڭ تۇس - تۇسىنان گۇل دەستەلەرى كوز ارباپ، جۇرتتىڭ جۇزىنەن شاتتىق لەبى ەسەدى، عيماراتتاردىڭ قابىرعا ەكرانىنان «چيڭداۋعا مارحابات»، «بەرەكە - بىرلىك پەن ىنتىماقتاستىقتى جەبەپ، تاعدىرلاس ورتاق تۇلعا ورناتايىق»، «شاڭحاي رۋحىن ساۋلەلەندىرەيىك» دەگەن جازۋلار كوزگە شوقتاي باسىلىپ، وتاعاسى قالانىڭ شار تاراپتان كەلگەن قوناقتارعا جايىلعان ىستىق قۇشاعى مەن كەڭ پەيىلىن اڭداتادى.

  بۇعان دەيىن، چيڭداۋ باس قوسۋدى وتكىزۋدىڭ ماقساتىن الەمدىك دەڭگەي، جۇڭگولىق سالتانات، شاندۇڭدىق مانەر، چيڭداۋلىق ەرەكشەلىك دەپ ايقىنداعان بولاتىن، بۇگىندە دايىندىق جۇمىستارى تاپ - تۇيناقتاي ورىندالعان، ەندى سالتاناتتى جينالىستىڭ اشىلۋى عانا قالدى.

  6 - ايدىڭ 7 - كۇنى باس قوسۋدىڭ اقپارات ورتالىعى كوپ مارتە اقپارات قۇرالدارىنىڭ تىلشىلىك قيمىلدارىن ۇيىمداستىردى، بۇل الداعى بىرنەشە كۇندە ۇزدىكسىز جالعاسادى، ەل ءىشى - سىرتى اقپارات قۇرالدارى ارقىلى رەفورما جاساۋ، جاڭالىق اشۋدىڭ جاڭا ۇدەۋىن جانە ەسىك اشۋ، دامۋدىڭ جەتىستىكتەرى ايگىلەنىپ، چيڭداۋدىڭ اسەم كەلبەتى باس قوسۋدىڭ مورتىمەن بۇكىل الەمگە جاريا ەتىلمەك.

  سول كۇنى تۇستەن بۇرىن حاي - ىر توبىنىڭ ونەركاسىپ باقشا رايونىندا ءتىلشى مىنالاردى ۇعىستى: كاسىپورىن شارۋاشىلىق قۇرۋ، جاڭالىق اشۋ بارىسىندا ستراتەگيالىق دامۋدىڭ 5 كەزەڭىن باستان وتكەرىپتى، زاتتىق ينتەرنەت داۋىرىندە جۇمىسشى - كليەنت بىرلىگى دەپ اتالاتىن ساۋدا مودەلىن العا قويىپ، ءداستۇرلى ءۇي ەلەكتر جابدىقتارى كاسىپورىنىنان اشىق شارۋاشىلىق تۇعىرىنا تۇرلەنىپ، الەمدىك ساحنانىڭ كىندىگىنە تۋ تىككەن جۇڭگو كاسىپورىنىنىڭ ۋاكىلىنە اينالىپتى.

  سوڭعى جىلدارى، حاي - ىر پاكيستان ونەركاسىپ باقشاسى ءۇي ەلەكتر جابدىقتارى بويىنشا ارناۋلى تەحنيكتەرىنىڭ مول شوعىرىن جەتىلدىرىپ، جەرگىلىكتى ورىننىڭ ءۇي ەلەكتر جابدىقتارىنىڭ تەحنيكالىق ولشەمىن جوعارىلاتتى ءارى جەرگىلىكتى ورىنداعى سايكەستى كاسىپورىنداردىڭ جاساۋ دەڭگەيىن زور دارەجەدە ءوسىردى؛ 2016 - جىلى حاي - ىر رەسي توڭازىتقىش زاۆودى وندىرىسكە ءتۇسىپ، ءوندىرىستىڭ وزىندىك قۇنىنىڭ پەريودى تومەندەپ، ورتا ازيا ەلدەرىمەن ارالىعى، ۋاقىتى قىسقارىپ، ءونىمنىڭ باسەكەلىك قابىلەتى ۇزدىكسىز ءوستى؛ 2017 - جىلى حاي - ىر ءۇندىستاندا توڭازىتقىشتى سول جەردىڭ وزىندە ءوندىرۋ ىسكە اسىپ 10 جىلدان كەيىن، ساتۋدىڭ ارتۋ مولشەرى كاسىپ سالاسىنىڭ ارتۋ مولشەرىنىڭ 4 ەسەسىندەي بولىپ، ءۇندىستاننىڭ جوعارى دەڭگەيلى توڭازىتقىش نورماسىنىڭ ءبىرىنشى ورنىن يەلەدى.

  چيڭداۋ جوباسى كورمە زالىندا، ءتىلشى وسى قالانىڭ «ەسەيۋ تاريحىن» كورىپ، جانعا جايلى، باقىتتى، جاڭاشىل حالىقارالىق قالانىڭ دامۋ جوباسىن ءتۇسىندى. جۇڭگونىڭ ءىرى ەلدىڭ وسىزاماندانعان قالاسىن كورسەتەتىن ۋاكىل رەتىندە، چيڭداۋ كەلەشەكتە «ءبىر بەلدەۋ، ءبىر جول» دارىپتەمەسىندەگى تىرەكتىك ورنى مەن شاڭحاي ىنتىماقتاستىق ۇيىمى باسشىلارى باس قوسۋىن وتكىزۋدىڭ عانيمات ورايىنا سۇيەنە وتىرىپ، دۇنيە جۇزىلىك ارنامەن ونان ارى توعىساتىن بولادى. كاسىپورىنداردىڭ دا «ءبىر بەلدەۋ، ءبىر جولمەن» تەرەڭ توعىسىپ، ءوزارا ءتيىمدى ىنتىماقتاستىقتىڭ تاماشا اۋەنىن اسقاقتاتىپ، بەرەكە - بىرلىكتى، ءوزارا سەنىمدىلىكتىڭ جاڭا جاعدايىن اشاتىندىعىندا داۋ جوق.

  سالتاناتتى باس قوسۋدى وتكىزۋشى اسابا قاشاندا تيىمدىلىكتەرگە كەنەلىپ، وبرازىن كوتەرىپ، ىقپالىن كەڭەيتىپ، ورايعا يە بولادى، سول ارقىلى باسەكەلىك قابىلەتىن جوعارىلاتادى، بۇل جونىندە ءتىلشىنىڭ اسەرى بولەك. 5 كەزەكتى جۇڭگو − ازيا - ەۆروپا كورمەسىن حابارلاۋعا قاتىناسىپ، جۇڭگو مەن ازيا، ەۆروپا ەلدەرىنىڭ باسشىلار ديپلوماتياسىن ورىستەتەتىن وسى ماڭىزدى تۇعىردىڭ شينجياڭ مەن توڭىرەكتەگى ەلدەردىڭ ىنتىماقتاستىعىن ىلگەرىلەتىپ، شينجياڭنىڭ وبرازىن كورسەتۋ جاعىندا وراسان زور رولىن ساۋلەلەندىرگەنىن تەرەڭ سەزىنگەنبىز.

  5 كەزەكتى كورمەدە جۇڭگو - ەۆروپا كەزەكشى پويەزى شاپشاڭ دامۋدىڭ كۇرە تامىرىن اشقاننان حالىقارالىق ەكونوميكالىق سەلبەستىكتەردى قامتىعان قاڭقالار بىرتىندەپ قالىپتاسقانعا دەيىن، «ءبىر بەلدەۋ، ءبىر جول» دارىپتەمەسىن دايەكتىلەندىرۋ جاعدايىندا، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى سىندى باسىمدىعى ونان ارى كورنەكتىلەنىپ، سىرتقا ەسىك اشۋ ورەسى ۇزدىكسىز جوعارىلادى.

  «جىبەك جولى ەكونوميكالىق بەلدەۋى» بولسىن، الدە «21 - عاسىرداعى تەڭىز جىبەك جولى» بولسىن؛ تيانشان بوكتەرىندە بولسىن، الدە حۋاڭحاي جاعاسىندا بولسىن، باسشىلار باس قوسۋىنىڭ وتۋىنە ىلەسە، شاڭحاي ىنتىماقتاستىق ۇيىمىنا مۇشە ەلدەر تۇرعان «ءبىر بەلدەۋ، ءبىر جولدىڭ» ءتۇيىندى ءوڭىرىنىڭ ءوزارا سەنۋ، ءوزارا پايدا جەتكىزۋ، تەڭدىك، كەڭەسۋ، كوپ ءتۇرلى وركەنيەتكە قۇرمەت ەتۋ، بىرگە دامۋعا تالپىنۋداي «شاڭحاي رۋحىن» اناعۇرلىم ساۋلەلەندىرەتىندىگىن، ءىرى ەلگە ءتان اشىق تانىسقىنىڭ بارعان سايىن كوبەيىپ، بارعان سايىن ايشىقتالا تۇسەتىندىگىن ويعا كەلتىرۋگە قاقىلىمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 3-كەزەكتى «ەرتەگى قالا، بۋىرشىن ءدامى» اتىنداعى ءدامدى تاعامدار مەرەكەسىنىڭ شىمىلدىعى اشىلدى
  • نارات كورىنىستىك اۋماعى ساياحاتتىڭ قاۋىرت ماۋسىمىنا ءوتتى
  • [شينجياڭ جاقسى جەر] ۇلۋجان كورىنىس رايونىندا ساياحاتشىلاردىڭ اياعى ۇزىلمەدى
  • كوركەم شينجياڭدا كوڭىلدى ساياحات
بىزبەن بايلانىس جارناما قىزمەتى لەبىز قالدىرۋ ءبىز تۋرالى