باس شۋجي شي جينپيڭنىڭ حالىق قۇرىلتايى ءتۇزىمى جونىندەگى يدەياسىن تەرەڭ ۇيرەندى
ءتىلشىمىز جاۋ جىيۇن 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 8 - كۇنى اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ وزەكتى گرۋپپاسى توپتىق ۇيرەنۋ وتكىزىپ، باس شۋجي شي جينپيڭنىڭ حالىق قۇرىلتايى ءتۇزىمى جونىندەگى يدەياسىن تەرەڭ ۇيرەنىپ، 6 - ايدىڭ 4 - كۇنى وتكىزىلگەن اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ رۋحىن جەتكىزدى جانە ۇيرەندى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، تۇراقتى كوميتەتتىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
ماجىلىستە مىنالار باسا دارىپتەلدى: پارتيانىڭ 18 - قۇرىلتايىنان بەرى، باس شۋجي شي جينپيڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ، سوتسياليستىك دەموكراتيالىق ساياسيدى دامىتۋ جونىندە ءبىر قاتار جاڭا ۇستانىم، جاڭا يدەيا، جاڭا ستراتەگيالاردى العا قويىپ، حالىق قۇرىلتايى ءتۇزىمىنىڭ ىشكى عىلمي ءمانىن، نەگىزگى بوگەنايىن جانە ماندىك تالابىن كەڭىتە ءتۇستى، بۇل پارتيانىڭ حالىق قۇرىلتايى ءتۇزىمىنىڭ زاڭدىلىعى جونىندەگى تانىمىنىڭ تىڭ بيىككە كوتەرىلگەنىن ءبىلدىرىپ، جاڭا داۋىردە حالىق قۇرىلتايى قىزمەتىن جاقسى ىستەۋگە باعىت ايقىنداپ، باسشىلىققا الار نەگىز ۇسىندى. ۇيرەنۋ ارقىلى كوپشىلىك باس شۋجي شي جينپيڭنىڭ حالىق قۇرىلتايى ءتۇزىمى جونىندەگى يدەياسىنىڭ كەڭ دە تەرەڭ ەكەنىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى ەكەنىن تاني ءتۇستى. كوپشىلىك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن جەتەكشى ەتىپ، جاڭا داۋىردەگى حالىق قۇرىلتايى قىزمەتىندە تىڭ جاعداي اشاتىندىقتارىن ءبىلدىردى.
ماجىلىستە مىنالار اتاپ كورسەتىلدى: اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن تەرەڭ ۇيرەنۋدى، دايەكتىلەندىرۋدى قاشاندا ماڭداي الدى ساياسي مىندەت جانە قىزمەتتىڭ نەگىزگى تاقىرىبى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ جانە تياناقتاندىرىپ، اۆتونوميالى رايوننىڭ حالىق قۇرىلتايى قىزمەتىنە قوعام ورنىقتىلىعى مەن باياندى تىنىشتىق باس نىساناسى ارقىلى ءبىر تۇتاس باسشىلىق ەتۋگە تاباندى بولىپ، زاڭ شىعارۋ، باقىلاۋ، ۋاكىلدەر قىزمەتىن ماڭىزدى ءتۇيىن ەتىپ، قىزمەت جاۋاپكەرشىلىگىن وتەۋ قابىلەتىن جوعارىلاتۋدى كەپىلدىك ەتىپ، يدەيادا تىڭ جوعارىلاۋ، قىزمەتتە تىڭ ىلگەرىلەۋ، كادرلار قوسىنىندا تىڭ بەينە، زاڭ بويىنشا قىزمەت جاۋاپكەرشىلىگىن وتەۋدە جاڭا ناتيجە، ءار جاقتا تىڭ تىنىس بولۋعا قۇلشىنىپ، حالىق قۇرىلتايى قىزمەتىنىڭ دەڭگەيىن جاپپاي جوعارىلاتىپ، اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتىنىڭ قاشاندا اۆتونوميالى رايوندىق پارتكومنىڭ باسشىلىعىنداعى ساياسي ورگان، نەگىزگى زاڭ مەن زاڭدا كورسەتىلگەن ءتۇرلى قىزمەت جاۋاپكەرشىلىگىن جاپپاي ارقالايتىن جۇمىس ورگانى، حالىق جۇرتشىلىعىمەن ەتەنە بايلانىستى ساقتايتىن ۋاكىلدىك ورگان بولا بەرۋىنە كەپىلدىك ەتۋ كەرەك.
ماجىلىستە مىنالار تالاپ ەتىلدى: باس نىسانانى نازارعا الىپ، جاڭا دامۋ ۇستانىمىن بەرىك ورناتىپ، جوعارى ساپالى دامۋ تالاپتارىن تياناقتاندىرىپ، اۋىل - قىستاقتاردى كوركەيتۋ ستراتەگياسىن اتقارۋدى، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدى جانە جاڭالىق اشۋدى جەتەكشى ەتكەن دامۋ ستراتەگياسىن اتقارۋدى ارقاۋ ەتە وتىرىپ، حالىق قۇرىلتايىنىڭ ارتىقشىلىعىن ونان ارى ساۋلەلەندىرىپ، زاڭ شىعارۋ، باقىلاۋ، ۋاكىلدەر قىزمەتىن كۇشەيتىپ، اۆتونوميالى رايوندىق پارتكومنىڭ شەشىم - ورنالاستىرۋلارىن تىڭعىلىقتى تياناقتاندىرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، تۇراقتى كوميتەتتىڭ ورىنباسار مەڭگەرۋشىسى لي شۋەجۇن، پارتيا باسشىلىق گرۋپپاسىنىڭ مۇشەلەرى، تۇراقتى كوميتەتتىڭ ورىنباسار مەڭگەرۋشىلەرى ءمۇتالىپ قاسىم، گۇلشات ءابدىقادىر، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ سىرتتاي قاتىناستى.
