ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق ءوندىرىس حاۋىپسىزدىگى كوميتەتى 3 - رەتكى جالپى ءماجىلىسىن وتكىزدى

  شوكىرات زاكىر ماجىلىسكە قاتىناستى ءارى ءسوز سويلەدى

  ءتىلشىمىز يۋان لەي 6 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق ءوندىرىس حاۋىپسىزدىگى كوميتەتى 6 - ايدىڭ 8 - كۇنى 3 - رەتكى جالپى ءماجىلىسىن اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، بيىل 4 - ايدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «جەرگىلىكتى پارتيا، ۇكىمەت ورىندارىنداعى باسشى كادرلاردىڭ ءوندىرىس حاۋىپسىزدىگى جاۋاپكەرلىك ءتۇزىمى بەلگىلەمەسىن» (تومەندە قىسقاشا «بەلگىلەمە» دەلىنەدى) جاپپاي تياناقتاندىرۋ جونىندە اتتانىسقا كەلتىردى، ورنالاستىرۋ جاسادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى.

  شوكىرات زاكىر مىنالاردى باسا دارىپتەدى: «بەلگىلەمە» باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى يدەياسىنىڭ ناقتىلانۋىنىڭ، تۇزىمدەنۋىنىڭ بەينەسى، ورتالىق كوميتەتتىڭ جەرگىلىكتى پارتيا، ۇكىمەت ورىندارىنداعى باسشى كادرلاردىڭ ءوندىرىس حاۋىپسىزدىك جاۋاپكەرلىگى جونىندەگى العاش جاريالاعان پارتيانىڭ ىشكى زاڭ - ەرەجەسى، ەلىمىزدىڭ ءوندىرىس حاۋىپسىزدىگى سالاسىنداعى كەلەلى تۇزىمدىك ورنالاستىرۋى. جەر - جەر، تاراۋلار، ورىندار يدەيا مەن ارەكەتتى باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى يدەياسىن «بەلگىلەمەنى» دايەكتىلەندىرۋمەن، تياناقتاندىرۋمەن باتىل بىرلىككە كەلتىرىپ، «4 تانىمدى» ۇزدىكسىز كۇشەيتىپ، ساياسي دەڭگەيدى جوعارىلاتىپ، «بەلگىلەمە» تالابىمەن مۇقيات سالىستىرۋ كەرەك، نەگىزگى باسشىلار الدىمەن ۇلگى بولىپ، ارناۋلى جاۋاپتى باسشىلار مىندەتىن مۇقيات اتقارىپ، پارتيا، ۇكىمەت ورىندارىنىڭ باسشىلىق القاسىنداعى باسقا دا مۇشەلەر ءوز جاۋاپكەرلىگىن ادا ەتىپ، «بەلگىلەمەدەگى» ءتۇرلى شارالاردىڭ، تالاپتاردىڭ دايەكتىلەنۋىن، تياناقتانۋىن قاز - قالپىندا ويداعىداي يگەرىپ، «ءبىر جاقتىڭ دامۋىن جەبەۋ، ءبىر جاقتىڭ تىنىشتىعىن ساقتاۋ» ساياسي جاۋاپكەرلىگىن شىنايى ارقالاپ، ءار ۇلت بۇقاراسىنىڭ حاۋىپسىزدىك سەزىمىنىڭ اناعۇرلىم نىعايۋىنا، اناعۇرلىم كەپىلدىككە يە بولۋىنا، اناعۇرلىم باياندى بولۋىنا مۇمكىندىك جاساۋ كەرەك.

  شوكىرات زاكىر مىنالاردى اتاپ كورسەتتى: ءوندىرىس حاۋىپسىزدىگى قوعام ورنىقتىلىعىن قورعاۋ مەن ەكونوميكالىق، قوعامدىق دامۋدى جەبەۋدىڭ ماڭىزدى قۇرامداس بولەگى، مىندەت جاپالى، جاۋاپكەرلىك اۋىر. جەر - جەر، تاراۋلار، ورىندار رايونىمىزدىڭ ءوندىرىس حاۋىپسىزدىگى قىزمەتىن ويداعىداي ىستەۋدىڭ كوكەي تەستىلىگىن، ماڭىزدىلىعىن جانە قاجەتتىلىگىن جەتە تانىپ، ۇلكەن حاۋىپ - قاتەرلەردى باتىل تەكسەرىپ، ۇلكەن كومەسكى قاتەرلەردى باتىل الاستاپ، ۇلكەن شىرعالاڭداردان باتىل ساقتانىپ، بەرىك بەكىم، تەمىردەي ءتارتىپ، قاتاڭ شارا، مىزعىماس ءادىس ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن، اۆتونوميالى رايوندىق پارتكومنىڭ ءتۇرلى تالاپتارىن قاز - قالپىندا تولىق تياناقتاندىرىپ، ءوندىرىس حاۋىپسىزدىگى حاۋىپ - قاتەرىنەن ۇتىمدى ساقتانىپ، ونى باسەڭدەتىپ، ەرەكشە اۋىر حاۋىپسىزدىك شىرعالاڭدارىن باتىل تەجەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ جۇزەگە اسۋىن پارمەندى قامتاسىزداندىرۋ كەرەك.

  شوكىرات زاكىر مىنالاردى اتاپ كورسەتتى: قازىر رايونىمىزدىڭ ءوندىرىس - تيجاراتى، قۇرىلىسى، ساياحاتى جوعارى ورلەۋگە كوتەرىلگەن كەز، تاسقىن مەزگىلى ءوندىرىس حاۋىپسىزدىگى ۋاقيعالارىنان ساقتانۋدىڭ شەشۋشى كەزەڭى. جەر - جەر، تاراۋلار، ورىندار قاتاڭ باسقارۋدىڭ تەگەۋرىندى كۇيىن باستان - اياق ساقتاپ، شىرعالاڭداردىڭ كومەسكى قاتەرىن قاتاڭ جونگە سالىپ، زاڭسىزدارىن، بەلگىلەمەگە قايشىلارىن قاتاڭ تەكسەرىپ، جاۋاپكەرلىكتى قۋزاستىرۋدى، جاۋاپقا تارتۋدى قاتايتىپ، ءتۇيىندى كاسىپ سالالارىنداعى ءوندىرىس حاۋىپسىزدىگى قىزمەتىن ويداعىداي يگەرۋدى كورنەكتىلەندىرىپ، حاۋىپسىزدىك حاۋىپ - قاتەرىن باسقارۋ - باقىلاۋدى جانە كومەسكى قاتەرلەردى جونگە سالۋدى شىنايى كۇشەيتىپ، تاماشا ءوندىرىس حاۋىپسىزدىگى ورتاسىن جاراتۋعا قۇلشىنىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە تيەسىلى ۇلەس قوسۋ كەرەك.

    ءماجىلىس ءۇرىمجى قالالىق حالىق ۇكىمەتىنىڭ، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ نەگىزگى جاۋاپتىلارىن اشىق شاقىرىپ الىپ سويلەستى، «اۆتونوميالى رايوننىڭ <جەرگىلىكتى پارتيا، ۇكىمەت ورىندارىنداعى باسشى كادرلاردىڭ ءوندىرىس حاۋىپسىزدىگى جاۋاپكەرلىك ءتۇزىمى بەلگىلەمەسىنىڭ> اتقارۋ ەرەجەسىن» قارادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى