تيانشان تورى   ›   جاڭالىقتار   ›   شينجياڭ حابارلارى

گاۋ جانچىڭ: سەرىكتەرىمدى اۋقاتتانۋعا باستايمىن

  ان شياۋلۇڭ، ما لين

  «بيىل جەمىس باقشاڭداعى المانى مەن الامىن، ونى باسقاعا ساتۋشى بولما». 5 - ايدىڭ 23 - كۇنى جىڭ اۋدانى باجياحۋ ەگىس الاڭىنداعى شۇندا جەمىس - جيدەك باقشاسىن كوتەرمەگە الۋشى گاۋ جانچىڭ زاكاز قابىلداۋمەن قاربالاستىققا ءتۇستى، المانىڭ پىسۋىنا بىرنەشە اي ۋاقىت قالعانىمەن، ءبىراق جەمىس باقشاسىنداعى الماعا جەمىس - جيدەك تولايىم ساۋداگەرلەرى الدىن الا زاكاز بەرىپ قويدى.

  2010 - جىلى گاۋ جانچىڭ باجياحۋ ەگىس الاڭىنداعى جەمىس باقشاسىن كوتەرمەگە الۋ ويىنا كەلىپ، ايەلىمەن اقىلداسقاننان كەيىن، ەكەۋى اماناتقا قويعان اقشالارىن تۇگەلدەي شىعارىپ الىپ قازىرگى جەمىس باقشاسىن كوتەرمەگە الادى. گاۋ جانچىڭ ىشكى ولكەدە الما اعاشىن ەگىپ تاجىريبەلى بولعانىمەن، ءبىراق شينجياڭنىڭ كليماتى مەن الما اعاشىن ەگۋ ءادىسىن جاقسى بىلمەيتىندىكتەن، الما اعاشىن ەگۋدەن العاشقى جىلى وتە كوپ زيان تارتادى. گاۋ جانچىڭ سول كەزدى ەسكە الىپ، «شينجياڭنىڭ الما اعاشىن ەگۋ مەن ىشكى ولكەنىڭ الما اعاشىن ەگۋ تەحنيكاسىندا وتە زور پارىق بار ەكەن، باستاپ ەگە باستاعاندا تەحنيكانى جەتىك يگەرە الماي، المانىڭ ءتۇسىمى دە، ساپاسى دا جاقسى بولماي قالدى»، - دەدى.

  قيىنشىلىققا گاۋ جانچىڭ ەشقانداي مويىمادى، ول جان - جاقتان كومەك ىزدەپ كوپتەگەن جەرگىلىكتى جەمىس ەگۋ شەبەرلەرىنەن اقىل - كەڭەس سۇرادى، الايدا ولار ماڭايىنا جۋىتپادى. ويتكەنى بارلىعىندا دا ەگىمشىلىك جونىندە ادىستەرى بولعانىمەن، كوپتەگەن ادام ونى سىرتقا شىعارعىسى كەلمەيدى. الايدا گاۋ جانچىڭ مەن ايەلىنىڭ ىشكى ولكەدەن شينجياڭعا كەلىپ جاپالى ەڭبەكتەنگەنىن كورىپ، ولارعا جەرگىلىكتى تۇرعىندار كەيبىر تاجىريبەلەردى اقىرىن - اقىرىن ۇيرەتە باستادى.

  گاۋ جانچىڭ مەن ايەلى كۇندىز جەمىس باقشاسىندا ەگىمشىلىكتى زەرتتەۋمەن اينالىسسا، كەشتە ينتەرنەتكە شىعىپ ەگىمشىلىك تەحنيكاسىن ۇيرەندى، ولار تىنباي قۇلشىنۋ ارقىلى جەمىستەن اقىرى مول ءونىم الدى. اعاشتا المالاردىڭ سامسىپ تۇرعانىن كورگەن گاۋ جانچىڭ ىشتەي ەرەكشە قۋاندى.

  المادان مول ءونىم العانىمەن، ونى ساتۋ تاعى ءبىر ماسەلەگە اينالدى. جەرگىلىكتى الما ەگىمشىلىگىمەن شۇعىلداناتىنداردا ءوز ساۋدا جولى بولادى، تالاي جىلدان بەرى وزدەرىنىڭ ساتۋ ارناسىن قالىپتاستىرىپ العان، بۇل گاۋ جانچىڭدى تىعىرىققا تىرەدى. ول المالارىم جاقسى تۇرسا، ءسوز جوق، ساتىلىپ كەتەدى دەپ ويلادى. «مەن المالارىمدى كوتەرىپ، جەمىس - جيدەك دۇكەندەرىن ءبىر - بىردەن ارالادىم، بازارلاردى قالدىرماي ارالاپ شىقتىم، اقىرى المالاردى جەمىس - جيدەك دۇكەنىنە قويىپ، الارماندار قانشالىق السا سونشالىق بەردىم، المالارىم ەرەكشە ءدامدى بولعاندىقتان، ونى ساتا المايتىنىما سەنبەدىم»، - دەدى گاۋ جانچىڭ.

  قۇلشىنىس جاساۋدىڭ ارقاسىندا گاۋ جانچىڭنىڭ المالارىنىڭ ءتۇرى ادەمى، ەرەكشە ءدامدى بولعاندىقتان، بازاردا بىرتە - بىرتە ءوز ماركاسىن جاراتتى. ءار جىلى الما ءونىم بەرگەن كەزدە تولايىم ساتۋ ساۋداگەرلەرى جەمىس باقشاسىنا الدىمەن كەلىپ، الماعا زاكاز بەردى.

  جەمىس - جيدەك تولايىم ساتۋ ساۋداگەرى كاڭ زۇڭجۇن: گاۋ جانچىڭنىڭ المالارىن ەل تالاسا - تارماسا ساتىپ الادى، ونىڭ 20 نەشە مۋ كەلەتىن جەمىس باقشاسىندا ءار جىلى الما ءونىم مولشەرى كوپ بولماعانىمەن، ءبىراق الماسىنىڭ ءدامى، ءتۇسى ەرەكشە جاقسى، ەرتە باستان زاكاز بەرمەسەڭ، جەر سيپاپ قالاسىڭ، - دەدى.

  2017 - جىلى باجياحۋ ەگىس الاڭى ءوز جاعدايىنا قاراي ورمان، جەمىس - جيدەك شارۋاشىلىعىن بار كۇشپەن دامىتىپ، 5000 نەشە مۋ جەرگە جەمىس اعاشىن وتىرعىزدى، گاۋ جانچىڭ ەگىمشىلىك تەحنيكاسىنا جەتىك بولعاندىقتان، ەگىس الاڭىنىڭ تەحنيكا اقىلشىسى بولىپ، الما اعاشى قالامشاسىن، تىڭايتقىشتى تاڭداۋ سياقتىلاردىڭ بارلىعىن ءوزى ىستەدى. جەمىس باقشاسىن باسقارۋ جۇمىسشىلارعا مۇقتاج، مۇنى ويلاستىرعان گاۋ جانچىڭ ماڭايداعى قىستاق، اترەتتەردەن ارتىق ەڭبەككۇشتەر مەن كەدەي وتباسىلارىن جەمىس باقشاسىنا كەلىپ كۇندىك ىستەۋگە قابىلدادى، ولاردىڭ ءاربىرى كۇنىنە 200 يۋانعا جۋىق كىرىس تابادى، قىستاقتا اۋلا شارۋاشىلىعىن دامىتۋ، جەمىس اعاشىن وتىرعىزۋ سياقتى جۇمىستاردا تەحنيكالىق جاقتان قينالعاندارعا گاۋ جانچىڭ كومەك قولىن سوزدى.

     گاۋ جانچىڭ: مەن وسى اراعا كەلگەن سوڭ، تۇرمىسىمدا وتە زور وزگەرىستەر تۋىلدى، قازىر باقىتتى تۇرمىس كەشىرىپ جاتىرمىن، مەن زور قۇلشىنىس جاساپ، سەرىكتەرىمدى اۋقاتتانۋعا باستايمىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى