تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايونىمىزدىڭ ءبىلىم مەنشىگى جاسامپازدىعى، ونان پايدالانۋ، ونى قورعاۋ جانە باسقارۋ قابىلەتى ۇزدىكسىز جوعارىلادى

  ءتىلشىمىز شيە حۇيبيان 6 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق ءبىلىم مەنشىك ۇقىعى مەكەمەسىنەن ۇعىسۋعا قاراعاندا، 2017 - جىلعى 19 - كەزەكتى جۇڭگو پاتەنت سيلىعىن باعالاۋدا اۆتونوميالى رايونىمىز جولداعان «قويۋ مايدى ءۇرتىس كوبىكتەندىرۋ ادىسىنە پايدالانىلاتىن جابدىق» جۇڭگو پاتەنت التىن سيلىعىن الىپ، اۆتونوميالى رايونىمىزدىڭ جۇڭگو پاتەنت التىن سيلىعىن الىپ كورمەۋ جاعدايىن وزگەرتتى. بۇل اۆتونوميالى رايونىمىز 2010 - جىلى 4 - ايدا «شينجياڭ ۇيعۇر اۆتونوميالى رايونىنىڭ ءبىلىم مەنشىگى ۇقىعىنىڭ ستراتەگيالىق جوباسىن» جاريالاپ اتقارعاننان بەرى رايونىمىز قول جەتكىزگەن ەڭ ماڭىزدى ءبىلىم مەنشىگى ۇقىعى جەتىستىكتەرىنىڭ ءبىرى، بۇل رايونىمىزدىڭ ءبىلىم مەنشىگى جاسامپازدىعى قابىلەتىنىڭ ۇزدىكسىز جوعارىلاعانىن تولىق تۇسىندىرەدى.

  2010 - جىلى 4 - ايدا «شينجياڭ ۇيعۇر اۆتونوميالى رايونىنىڭ ءبىلىم مەنشىگى ۇقىعى ستراتەگيالىق جوباسى» (تومەندە قىسقارتىلىپ «جوبا» دەلىنەدى) جاريالانىپ اتقارىلدى. «جوبا» اتقارىلعان 8 جىلدان بەرى، رايونىمىزدىڭ ءبىلىم مەنشىگى جاسامپازدىعى، ونان پايدالانۋ، ونى قورعاۋ، باسقارۋ جانە قىزمەت كورسەتۋ ورەسى جەدەل جوعارىلادى.

  ءبىلىم مەنشىگى ۇقىعى قىزمەتىن اناعۇرلىم ىلگەرىلەتۋ ءۇشىن، 2016 - جىلى اۆتونوميالى رايونىمىز « 10 مىڭ ادامنىڭ پاتەنتكە يە بولۋىنىڭ ارتۋ قارقىنىن» باعالاۋداعى ماڭىزدى كورسەتكىش ەتىپ، «شينجياڭ ۇيعۇر اۆتونوميالى رايونىنىڭ جاڭالىق اشۋ ارقىلى دامۋعا جەتەكشىلىك ەتۋ ونىمدىلىگىن باعالاۋ ادىسىنە (سىناق رەتىندە اتقارىلادى)» ەنگىزدى؛ 2017 - جىلى 6 - ايدا اۆتونوميالى رايوندىق حالىق ۇكىمەتى كەڭسەسى «مەملەكەتتىك كەڭەستىڭ جاڭا جاعدايدا ءبىلىم مەنشىگىندە قۋاتتى ەل قۇرۋدى جەدەلدەتۋ تۋرالى پىكىرلەرىن تياناقتاندىرۋ جونىندەگى اتقارۋ پىكىرى» سياقتىلاردى باسىپ تاراتتى. قاتىستى ساياساتتاردىڭ شابىتتاندىرۋىندا، اۆتونوميالى رايونىمىزدىڭ ءبىلىم مەنشىگى جاسامپازدىعىنىڭ كورسەتكىشى ۇزدىكسىز جوعارىلادى.

  قازىرگە دەيىن، بۇكىل رايونىمىزدا اۆتونوميالى رايون مويىندايتىن كاسىپورىن تەحنيكالىق ورتالىعىنان 245ى بار، مۇنىڭ 17سى مەملەكەت دارەجەلى؛ اۆتونوميالى رايون دارەجەلى تەحنيكالىق جاڭالىق اشۋدان ۇلگى كورسەتەتىن 51 كاسىپورىن، مەملەكەت دارەجەلى 16 كاسىپورىن بار. مۇنان سىرت، پاتەنت ءبىلىم مەنشىگى ۇقىعى ساۋداسى قيمىلىن جەبەۋ ءۇشىن، شينجياڭ پاتەنت تەحنيكاسىن جەتىلدىرۋ ورتالىعى، شينجياڭ پاتەنت تەحنيكاسىن كورمەلەۋ، اۋىس - كۇيىس جاساسۋ ورتالىعى سياقتىلاردى ارت - ارتىنان قۇردى.

     ۇعىسۋعا قاراعاندا، «جوبا» اتقارىلعاننان بەرى، اۆتونوميالى رايونىمىزدىڭ ءبىلىم مەنشىگى ۇقىعىن قورعاۋ ءتۇزىمى كۇننەن - كۇنگە كەمەلدەنىپ، قورعاۋ جۇيەسى ۇزدىكسىز اقاۋسىزدانىپ، قورعاۋ سەرپىنى ءۇرتىس كۇشەيتىلگەن. ءبىلىم مەنشىگى اكىمشىلىك زاڭ اتقارۋ جانە ءادىليالىق قورعاۋ جاعىندا، اۆتونوميالى رايوندىق جوعارى حالىق سوتى مەكەمەسى، ءۇرىمجى قالالىق ورتا حالىق سوتى مەكەمەسى سياقتى 7 سوت مەكەمەسى ءبىلىم مەنشىگى ۇقىعى سوتىن قۇرعان، بۇكىل رايونىمىزداعى قوعام حاۋىپسىزدىگى تاراۋلارىنداعى ءار دارەجەلى ءبىلىم مەنشىگى ۇقىعى قىلمىسىن بارلاۋ، تەكسەرۋ اترەتتەرى بۇكىل رايونىمىزداعى ءبىلىم مەنشىگى ۇقىعىن قىلمىستىق ىستەر بويىنشا قورعاۋ جۇيەسىن قالىپتاستىرعان. 2010 - جىلدان باستاپ، اۆتونوميالى رايوندىق، سونداي - اق ايماقتىق (وبلىس، قالا) ءبىلىم مەنشىگى ۇقىعىنا سۇعاناقتىق جاساۋ جانە جالعان، جارامسىز تاۋارلاردى جاساۋعا، ساتۋعا سوققى بەرۋ قىزمەتىنە باسشىلىق ەتۋ گرۋپپاسى ىركەس - تىركەس قۇرىلىپ، ءبىلىم مەنشىگى ۇقىعىن قورعاۋداعى ءبىر تۇتاس جۇيە قالىپتاسقان. سونىمەن قاتار، «جۇڭگو (شينجياڭ) ءبىلىم مەنشىگى ۇقىعىن قورعاۋعا كومەكتەسۋ ورتالىعى» دا قۇرىلعان ءارى ىلە، قاشقار سياقتى 6 ايماقتان (وبلىس، قالا) 5 بولىمشە ورتالىق پەن ءبىر قىزمەت پۋنكتىن قۇرعان، ءبىلىم مەنشىگى ۇقىعىن قورعايتىن جانە اشكەرەلەيتىن، ارىز بەرەتىن، قىزمەت كورسەتەتىن «12330» تەلەفونىن ىسكە قوسقان، بۇقارانىڭ ءبىلىم مەنشىگى ۇقىعىنا قۇرمەت ەتۋ جانە ونى قورعاۋ زاڭدىق تانىمى ۇزدىكسىز جوعارىلاعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.