راسميات ىقشامدالىپ، يمپورت - ەكسپورت كاسىپورىندارى تاعى دا يگىلىككە كەنەلدى
ءتىلشىمىز چىن چياڭۋي 6 - ايدىڭ 6 - كۇنى ۇرىمجىدەن حابارلايدى. شينجياڭ «نانياتۇڭ» حالىقارالىق جۇك تاسىمالى ۋاكىلاتتى جۇمىس اتقارۋ شەكتى سەرىكتەستىگىنىڭ مالىمدەۋشىسى يىن زىفاڭ 6 - ايدىڭ 6 - كۇنى يمپورتقا قاتىستى 3 راسمياتتى ءساتتى بىتىرگەننەن كەيىن، قۋانىشتى بەينەدە بىلاي دەدى: «بيىل يمپورت - ەكسپورت كاسىپورىندارىمىز جونىندە شات حابار مولىنان تارالدى. كەدەننىڭ وسى جولى كەدەننەن وتكىزۋ انىقتاماسىن كۇشىنەن قالدىرىپ، مالىمدەۋ بارىسىن قىسقارتۋى جۇك وتكىزۋ قارقىنىن تەزدەتىپ، كەدەننەن وتۋدەگى وزىندىك قۇندى تومەندەتتى».
6 - ايدىڭ 1 - كۇنىنەن باستاپ، كەدەن باس مەكەمەسى «شەكارادان كىرگىزىلگەن - شىعارىلعان زاتتاردى كەدەننەن وتكىزۋ انىقتاماسىن» جاپپاي كۇشىنەن قالدىرۋدى ۇيعاردى، ءۇرىمجى كەدەنى دە تەڭ قادامدا كەدەننەن وتكىزۋ انىقتاماسىن كۇشىنەن قالدىردى.
ۇعىسۋعا قاراعاندا، كەدەننەن وتكىزۋ انىقتاماسى بۇرىنعى شەكارالىق تەكسەرۋ - كارانتيندەۋ قۇرىلىمدارىنىڭ زاڭدا بەلگىلەنگەن تەكسەرىلىپ، كارانتيندەلەتىن تاۋارلار جونىندە تەكسەرۋگە مالىمدەۋ راسمياتىن وتەگەندىگى جونىندەگى انىقتاماسى ەكەن. شەكارالىق تەكسەرۋ - كارانتيندەۋ مەكەمەسىنىڭ مىندەت جاۋاپكەرشىلىگى كەدەنگە وتكىزىپ بەرىلۋدەن ىلگەرى زاڭدا بەلگىلەنگەن يمپورت - ەكسپورت ونىمدەرىن تەكسەرىپ، كارانتيندەۋدە يمپورت - ەكسپورت كاسىپورىندارى بۇرىنعى شەكارالىق تەكسەرۋ - كارانتيندەۋ قۇرىلىمدارىنىڭ تەكسەرۋىنە مالىمدەپ، كەدەننەن وتكىزۋ انىقتاماسىن العاننان كەيىن كەدەننەن وتكىزۋگە جولدايدى، كەدەن اسىلگى شەكارالىق تەكسەرۋ - كارانتيندەۋ قۇرىلىمدارى تاراتقان زاتتى كەدەننەن وتكىزۋ انىقتاماسى نەگىزىندە كەدەننەن وتكىزۋ راسمياتىن بىتىرەدى. كەدەننەن وتكىزۋ انىقتاماسى شىن مانىندە بۇرىنعى شەكارالىق تەكسەرۋ - كارانتيندەۋ قۇرىلىمدارىنىڭ كەدەن قىزمەتىمەن بايلانىس ورناتۋىنداعى كاسىپتىك سىپاتى سانالادى.
قازىر كاسىپورىندار كەدەننەن وتكىزۋ راسمياتىن بىتىرۋدە «ينتەرنەت كەدەن» جانە حالىقارالىق ساۋداداعى «جالعىز تەرەزە» ارقىلى كەدەنگە مالىمدەۋ مەن تەكسەرۋگە مالىمدەۋ بىرىكتىرىلگەن ينتەرفەيسكە كەدەنگە مالىمدەۋ مەن تەكسەرۋگە مالىمدەۋ مالىمەتتەرىن ەنگىزىپ، كەدەنگە ءبىر جولدا مالىمدەيدى، اسىلگى كەدەننەن وتكىزۋ انىقتاماسىنىڭ شارتتى شيفرى مەن ءنومىرىن قايتا تولتىرۋدىڭ قاجەتى جوق. مالىمدەگەن كەزدە تەك العاشقى ەلەكتروندى ەسەپ - قيساپ ساندى مالىمەتتەرىنە قاتىستى نومىرلەر تولتىرىلسا عانا بولعانى. «جالعىز تەرەزە» وسى بويىنشا تەكسەرۋ، كارانتيندەۋ ەلەكتروندى ساندى مالىمەتى مەن كەدەنگە مالىمدەۋ انىقتاماسىن اۆتوماتتى تۇردە بايلانىستىرىپ تۇيىستىرەدى.
«سوڭعى جىلداردان بەرى، راسميات ىقشامدالىپ، يمپورت - ەكسپورت كاسىپورىندارى ءتىپتى دە مول يگىلىككە كەنەلدى، حالىقارالىق ساۋدادا جالاڭ تەرەزەنىڭ قولدانىلۋى، كەدەننەن وتكىزۋ انىقتاماسىن كۇشىنەن قالدىرۋ سياقتى ساياسات، شارالار يمپورت - ەكسپورت تاۋارلارىن كەدەننەن وتكىزۋ قارقىنىن اناعۇرلىم جەدەلدەتتى»، - دەدى يىن زىفاڭ.
ساناققا قاراعاندا، 2017 - جىلى مەملەكەت بويىنشا كەدەن مەكەمەلەرى 78 ميلليون 140 مىڭ نۇسقادان استام يمپورت - ەكسپورت تاۋارلارىن كەدەنگە مالىمدەۋ انىقتاماسىن ءبىر جاقتى ەتكەن، مۇندا كەدەننەن وتۋگە قاتىستى كەدەنگە مالىمدەۋ انىقتاماسى 7 ميلليون 930 مىڭ نۇسقادان استام بولىپ، كەدەنگە مالىمدەۋ انىقتاماسى جالپى مولشەرىنىڭ %15. 10ىن ۇستاعان.
ءۇرىمجى كەدەنى كەدەننەن ءوتۋ ىستەرىن باقىلاپ - باسقارۋ باسقارماسىنىڭ باستىعى سۇي شينپيڭ بىلاي دەدى: كەدەننەن ءوتۋ انىقتاماسىن جاپپاي كۇشىنەن قالدىرۋ كەدەننىڭ كەدەنگە جانە تەكسەرۋگە مالىمدەۋدى ۇشتاستىرۋىن جەبەيتىن ءىس جۇزىندىك شارا، كەدەنگە جانە تەكسەرۋگە مالىمدەۋدى ۇشتاستىرۋدان بۇرىنعى بارىسپەن سالىستىرعاندا، كەدەننەن ءوتۋ انىقتاماسىن جاپپاي كۇشىنەن قالدىرۋ كاسىپورىنداردىڭ ءوتىنىش ەتۋ، كەدەننەن ءوتۋ بارىسىن قىسقارتىپ، جۇكتەردى جونەلتۋ قارقىنىن تەزدەتىپ، زاڭعا بويسۇناتىن كاسىپورىنداردىڭ كەدەننەن وتۋىنە قولايىلىلىقتار جاراتىپ، كەدەننەن ءوتۋ قۇنىن تومەندەتىپ، كاسىپورىنداردىڭ تابىس سەزىمىن شىن مانىندە جوعارىلاتادى. مەجەگە قاراعاندا، كەدەننەن ءوتۋ انىقتاماسى كۇشىنەن قالدىرىلعاننان كەيىن، %10تەن استام يمپورت - ەكسپورت تاۋارلارىن جونەلتۋ تيىمدىلىككە يە بولادى ەكەن.
