ءتاڭىرتاۋ تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق پارتكوم تۇراقتى كوميتەتىنىڭ ءماجىلىسى اۆتونوميالى رايوننىڭ پارتيا، ۇكىمەت قۇرىلىمدارى رەفورماسى قىزمەتىن اقىلداسىپ، ورنالاستىردى

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرىپ، رەفورما مىندەتتەرىن تابىسپەن ورىنداپ، باس نىسانانى جۇزەگە اسىرۋعا پارمەندى كەپىل ازىرلەيىك

  چىن چۋانگو ءماجىلىستى باسقاردى

  تىلشىلەرىمىز ياۋ تۇڭ، دۇڭ شاۋحۋا 6 - ايدىڭ 9 - كۇنى ۇرىمجىدەن حابارلايدى. 6 - ايدىڭ 9 - كۇنى تۇستەن بۇرىن، اۆتونوميالى رايوندىق پارتكوم تۇراقتى كوميتەت ءماجىلىسىن اشىپ، ورتالىقتىڭ قاتىستى حۇجاتىنىڭ رۋحىن جەتكىزىپ، اۆتونوميالى رايوننىڭ پارتيا، ۇكىمەت قۇرىلىمدارى رەفورماسى قىزمەتىن اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس بىلاي دەپ اتاپ كورسەتتى: پارتيا مەن ۇكىمەت قۇرىلىمدارى رەفورماسىن تەرەڭدەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، جاڭا داۋىردەگى جۇڭگوشا سوتسياليزمنىڭ دامۋىنا سايكەسە وتىرىپ جاساعان كەلەلى شەشىم - ورنالاستىرۋى، رەفورمانى جاپپاي تەرەڭدەتۋ باس نىساناسىن جۇزەگە اسىرۋدى كوزدە ۇستاعان كەلەلى تۇزىمدىك ورنالاستىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتەتىن تەرەڭ وزگەرىس، سوندىقتان پارتيا، ۇكىمەت قۇرىلىمدارى رەفورماسىن ىلگەرىلەتۋدىڭ ماڭىزدىلىعى مەن كوكەي تەستىلىگىن تەرەڭ ءتۇسىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا تاباندى بولىپ، رەفورما مىندەتتەرىن تولىق ورىنداۋ كەرەك.

  ءبىرىنشى، «4 تانىمدى» كۇشەيتۋ كەرەك. يدەيا مەن ارەكەتتى پارتيا ورتالىق كوميتەتىنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى شەشىم - ورنالاستىرۋلارىمەن باتىل تۇردە بىرلىككە كەلتىرىپ، «4 تانىمدى كۇشەيتىپ»، «4 سەنىمدى» بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، رەفورما، دامۋ، ورنىقتىلىقتىڭ قاتىناسىن ويداعىداي يگەرىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن بۇلجىماستان ويداعىداي يگەرۋ كەرەك.

  ەكىنشى، نەگىزگى پرينسيپتى يگەرۋ كەرەك. پارتيانىڭ جاپپاي باسشىلىعىنا تاباندى بولۋ، نازاردى باس نىساناعا شوعىرلاندىرۋعا تاباندى بولۋ، حالىقتى وزەك ەتۋگە تاباندى بولۋ، سوتسياليستىك بازار شارۋاشىلىعىنىڭ رەفورما بەتالىسىنا تاباندى بولۋ، ساپالىلاندىرۋعا، سايكەستىلىككە، جوعارى ونىمدىلىككە تاباندى بولۋ، ءار دارەجەلى ورىنداردىڭ بەلسەندىلىگىن تولىق ساۋلەلەندىرۋگە تاباندى بولۋ، شينجياڭدى جاپپاي زاڭمەن جونگە سالۋعا تاباندى بولۋ كەرەك.

  ءۇشىنشى، قامتاماسىزداندىرۋ شارالارىن كۇشەيتۋ كەرەك. رەفورما مىندەتتەرىن ارقاۋ ەتە وتىرىپ، سايكەستى شارالاردى اقىلداسىپ بەلگىلەپ، رەفورمانى زاڭ بويىنشا، ەرەجە بويىنشا قامتاماسىز ەتىپ، رايونىمىزدىڭ قۇرىلىم رەفورماسىنىڭ ءتۇرلى قىزمەتتەرىنىڭ ورنىقتى، ءتارتىپتى جۇرگىزىلۋىنە شىنايى كەپىلدىك ەتىپ، رەفورمانىڭ جۇيەلىلىگىن، جالپى تۇلعالىعىن، سايكەستىلىگىن كۇشەيتىپ، ءتۇرلى رەفورمانىڭ ءبىرىن - ءبىرى جەبەۋىنە، ءبىر - ءبىرىن ايشىقتاي تۇسۋىنە مۇمكىندىك جاساپ، جالپىلىق اسەر قالىپتاستىرۋ كەرەك.

  ءتورتىنشى، ۇيىمدىق باسشىلىقتى كۇشەيتۋ كەرەك. اۆتونوميالى رايوندىق پارتكوم اۆتونوميالى رايوننىڭ پارتيا، ۇكىمەت قۇرىلىمدارى رەفورماسى قىزمەتىنە ءبىر تۇتاس باسشىلىق ەتەدى، اۆتونوميالى رايوندىق پارتكومنىڭ پارتيا، ۇكىمەت قۇرىلىمدارى رەفورماسىن تەرەڭدەتۋگە باسشىلىق ەتۋ گرۋپپاسى ءوزى باستاپ باس بولىپ يگەرىپ، ءبىر تۇتاس سايكەستىرىپ، رەفورما جوباسىن عىلمي جوبالاۋى، ءار دارەجەلى ورىندار، تاراۋلار پارتيا ورتالىق كوميتەتىنىڭ پارتيا جانە مەملەكەت قۇرىلىمدارى رەفورماسىن تەرەڭدەتۋ جونىندەگى شەشىم - ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكوم بەلگىلەگەن پارتيا، ۇكىمەت قۇرىلىمدارى رەفورماسىن تەرەڭدەتۋ مىندەتىن مۇقيات تياناقتاندىرۋى كەرەك.

  بەسىنشى، ءتۇرلى تارتىپتەرگە قاتاڭ بويسۇنۋ كەرەك. قاتىستى بەلگىلەمەلەردى قاتاڭ اتقارىپ، ساياسي ءتارتىپتى، ۇيىمدىق ءتارتىپتى، قۇرىلىم شتاتى ءتارتىبىن، كادرلار ءىسى ءتارتىبىن، قازىنا - ەكونوميكا ءتارتىبىن، قۇپيالىقتى ساقتاۋ ءتارتىبىن قاتايتۋ كەرەك، ءوز بەتىمەن قيمىلداماي، ءدۇر ەتىپ قوزعالماي، رەفورمانىڭ ءساتتى، ورنىقتى ىلگەرىلەۋىنە شىنايى كەپىلدىك ەتۋ كەرەك.
 التىنشى، ءبىر تۇتاس جوسپارلاپ، تەگىس ءمان بەرۋگە تاباندى بولۋ كەرەك. رەفورمانى تەرەڭدەتۋ مەن قازىرگى قىزمەتتەردى جاقسى ىستەۋدى ەكەۋىن بىردەي يگەرۋگە، ەكى جاعىنان دا اعاتتىق جىبەرمەۋگە، ەكەۋىن دە جەبەۋگە تاباندى بولۋ، ءبىر جاعىنان، رەفورما مىندەتتەرىن تولىق ورىنداپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىل ازىرلەۋ؛ ءبىر جاعىنان، ورنىقتىلىق، دامۋ قىزمەتتەرىن ءبىر تۇتاس جاقسى ىستەپ، قۇرىلىم رەفورماسىنا تاماشا ورتا ازىرلەۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، لي پىڭشين، لي ۋي، شۇي حايرۇڭ، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى