تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭنىڭ شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋى قارسى الۋ قوناعاسىنداعى توست ءسوزى

  (2018 - جىلى 6 - ايدىڭ 9 - كۇنى چيڭداۋ)

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

   قۇرمەتتى كاسىپتەستەر،

   قوناقتار، حانىمدار، مىرزالار، دوستار:

   قايىرلى كەش!

  سىزدەرمەن حۋاڭحاي تەڭىزىنىڭ بويىنداعى شاندۇڭنىڭ چيڭداۋ قالاسىندا باس قوسىپ وتىرعانىما ەرەكشە قۋانىشتىمىن. الدىمەن، جۇڭگو ۇكىمەتى مەن جۇڭگو حالقى اتىنان ءارى ءوز اتىمنان، شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ ماجىلىسىنە قاتىناسۋ ءۇشىن جۇڭگوعا كەلگەن ءار ەل باسشىلارى مەن حالىقارالىق ۇيىمداردىڭ جاۋاپتىلارىن، قوناقتاردى قىزۋ قارسى الامىن.

  شاندۇڭ − كۇڭزىنىڭ اتا مەكەنى جانە تاعىلىمشىلدىق مادەنيەتتىڭ بەسىگى. تاعىلىمشىلدىق يدەياسى − جۇڭحۋا وركەنيەتىنىڭ ماڭىزدى قۇرامداس ءبولىمى. تاعىلىمشىلدار «دۇرىس جول ۇستانۋدى، دۇنيەنىڭ كوپكە ورتاق بولۋىن» دارىپتەيدى، «مەملەكەتتەر اراسىنداعى بەرەكە - بىرلىكتى، ءبىر جاعادان باس، ءبىر جەڭنەن قول شىعارۋدى، كۇللى دۇنيەنىڭ ءبىر وتباسىنداي بولۋىن» قۋاتتايدى. مۇنداي «تاتۋلىق - بىرلىك» ۇستانىمىنىڭ «شاڭحاي رۋحىمەن» كوپتەگەن بايلانىستى تۇستارى بار. «شاڭحاي رۋحى» ءوزارا سەنۋگە، ءوزارا پايدا جەتكىزۋگە، تەڭدىككە، كەڭەسۋگە، كوپ ءتۇرلى وركەنيەتكە قۇرمەت ەتۋگە، بىرگە دامۋعا تالپىنۋعا تاباندى بولىپ، پارىقتاردى ساقتاپ ورتاقتىققا ۇمتىلۋدى، ىنتىماقتاسىپ، تەڭ يگىلىككە كەنەلۋدى دارىپتەپ، حالىقارادا جاپپاي مويىندالدى جانە قولداۋعا يە بولدى.

  «شاڭحاي رۋحىنىڭ» جەتەكشىلىگىندە، ۇيىم حاۋىپسىزدىك، ەكونوميكا، گۋمانيتارلىق سياقتى ىنتىماقتاستىق سالالارىندا مول جەتىستىكتەرگە قول جەتكىزىپ قانا قويماي، مەحانيزم قۇرىلىسى جاعىندا دا تاريحي قادام تاستادى. بۇگىندە شاڭحاي ىنتىماقتاستىق ۇيىمىنىڭ قۇرامىندا 8 مۇشە ەل، 4 باقىلاۋشى ەل، 6 ديالوگتاسۋشى سەرىك بار، ول ءوڭىر حاۋىپسىزدىگىن قورعاۋداعى، بىرگە دامۋدى جەبەۋدەگى، الەمدىك جونگە سالۋدى كەمەلدەندىرۋدەگى ماڭىزدى كۇش.

  چيڭداۋ − دۇنيە ءجۇزى بويىنشا اتاقتى «جەلكەندى قايىق مەكەنى»، كوپتەگەن كەمە وسى ارادا جەلكەن جايىپ ساپارعا اتتانىپ، ارمانعا قانات قاعادى. ەرتەڭ ءبىز وسى ارادا شاڭحاي ىنتىماقتاستىق ۇيىمىنىڭ مۇشە سانى كوبەيتىلگەننەن كەيىنگى العاشقى باس قوسۋىن وتكىزىپ، ۇيىمنىڭ بولاشاقتاعى دامۋ جوباسىن جاسايمىز.

  چيڭداۋ باس قوسۋىن جاڭا باستاما ەتە وتىرىپ، «شاڭحاي رۋحىنىڭ» جەلكەنىن جايىپ، جۇدىرىقتاي جۇمىلا سەلبەسىپ، تولقىن جارىپ، شاڭحاي ىنتىماقتاستىق ۇيىمى دامۋىنىڭ تىڭ جورىعىن بىرگە باستايىق!

  قانەكي، چيڭداۋ باس قوسۋىنىڭ تابىستى بولۋى، ءار ەلدىڭ دامىپ گۇلدەنۋى، حالىقتارىنىڭ باقىتتى، امان - ساۋ بولۋى، شاڭحاي ىنتىماقتاستىق ۇيىمىنىڭ كوركەم بولاشاعى، قوناقتار مەن ولاردىڭ وتباسىنداعىلاردىڭ دەنساۋلىعى ءۇشىن توست كوتەرەيىك!

  (شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.