ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

[تيانشاننىڭ تۇستىگى مەن تەرىستىگىندە گۇلدەر شەشەك اتتى] ساۋساق بىرىكپەي ينە ىلىكپەيدى

  العى ءسوز : 5-اي انار شەشەك اتاتىن مەزگىل. ءتاڭىرتاۋ تورابىنىڭ «تيانشاننىڭ تۇستىگى مەن تەرىستىگىندە گۇلدەر قۇلپىرا اشىلدى» جەلىلەس حابارى. ءتىلشىمىز 2017-جىلى ۇلتتار ىنتىماعىندا العاباسار كوللەكتيۆتەر مەن جەكەلەردىڭ تۇرعان جەرلەرىنە بارىپ سۇحباتتاسىپ، تيانشاننىڭ تۇستىگى مەن تەرىستىگىندەگى «ۇلتتار ىنتىماعىنىڭ بەرەكەلى شاڭىراعىنىڭ» جۇرەكتى جىلىتار ىستەرىن اڭگىمەلەپ، قوعامعا وڭ ەنەرگيا تاراتتى.

  حويانشان الەۋمەتتىك اۋماعى «6:30 مەكتەبىندە» ەرىكتى وقىتۋشى ءمارزيا سىمايىل ءديليار ءماردانعا سۇراۋ قويۋدا.

  6-ايدىڭ 9-كۇنى كەشتە، تۇرپان قالاسى ءىدىقۇت رايونى حويانشان الەۋمەتتىك اۋماعى «قارتتار قيمىل الاڭىندا» 50 دەن استام تۇرعىن دەنە شىنىقتىردى.

  شىنىعۋ اقىرلاسقاننان كەيىن، 66 جاستاعى جەتەكشى چىن ليانيڭ گيمناستيكانى اقىرىن-اقىرىن ىستەپ، 55 جاستاعى امانگۇل ماحمۇتكە ۇيرەتتى.

  ادەتتە، ولار الاڭ بيىندەگى جاقسى «سەرىكتەر» عانا ەمەس، الەۋمەتتىك اۋماقتاعى «مەيىربان انالار ۇيىرمەسىندەگى» جاقسى اپەكەلى-سىڭىلىلەر. الەۋمەتتىك اۋماقتا كىم قيىنشىلىققا ۇشىراسا، كورشىلەر كوپ بولىپ كومەكتەسەدى.

  «ساۋساق بىرىكپەي ينە ىلىكپەيدى». بۇل حويانشان الەۋمەتتىك اۋماعى 1101 تۇرعىننىڭ ۇنەمى ايتاتىن ءسوزى.

  2014-جىلى حويانشان الەۋمەتتىك اۋماعى قۇرىلىپ، تۇرپان قالاسى ءىدىقۇت رايونىنداعى بەيقۇت ءۇي سالىپ، حالىقتى اۋقاتتاندىرعان اۋماق بولدى. «ۇلتتار ىنتىماعىنىڭ بەرەكەلى شاڭىراعى» قيمىلى ورىستەتىلگەننەن بەرى، حويانشان الەۋمەتتىك اۋماعى «بىرگە بولۋدى» تاقىرىپ ەتىپ، جەلىلەس قيمىلدار ورىستەتتى. ءار ۇلت حالقى ءوزارا تاتۋ-ءتاتتى، جاراسىمدى، اناردىڭ دانىندەي تىعىز ۇيىستى.

  باقىت لەبى ەسكەن جۇزدەر، جان تەبىرەنتەرلىك كورىنىس، جاراسىمدى حيكايا، حويانشان الەۋمەتتىك اۋماعىنىڭ نەگىزگى اۋەنى بولىپ كەلەدى.

  ۇيرەنۋدە بىرگە بولىپ، ىنتىماقتى ساناسىنا ءسىڭىردى

  ساعات 19 دان 10 مينۋت وتكەندە، «6:30 مەكتەبىندە» تۇرپان قالالىق 5-باستاۋىش مەكتەپ 4-جىلدىعىنىڭ وقۋشىسى ءديليار ءماردان مەن ۋان حۇيلين دوستارىنىڭ شابىتتاندىرۋىندا ءتىل-ادەبيەت ساباعىنىڭ تەكستى «7-ايداعى تيانشاندى» وقىدى.

  ءمارزيا سىمايىل تۇرپان قالالىق 4-ورتا مەكتەپتىڭ ماتەماتيكا وقىتۋشىسى ءارى الەۋمەتتىك اۋماق «6:30 مەكتەبىنىڭ» ەرىكتى وقىتۋشىسى. ءار كۇنى قىزمەتتەن تۇسكەن سوڭ، الەۋمەتتىك اۋماق قۇرعان «6:30 مەكتەبىنە» كەلىپ، الەۋمەتتىك اۋماقتاعى تومەن جىلدىقتا وقيتىن بالالارعا ساباق پىسقتاتىپ، تۇرعىنداردىڭ جاقسى باعاسىنا يە بولدى.

  ساباق پىسىقتاتۋدان سىرت، بالالاردىڭ ۇيرەنۋ اۋەسىنە قاراي، الەۋمەتتىك اۋماقتا نەگىزدىك ءبي كلاسىن قۇردى. مول تاجىريبەگە يە بالاباقشانىڭ باستىعى، ءبي كاسىبىن وقىعان انالار، قىسقى، جازعى دەمالىستاردا اۋىلىنا قايتقان ستۋدەنتتەر «6:30 مەكتەبىنە كەلىپ» ساباق ءوتتى.

  مادەنيەت تانىمى — ەڭ تۇپكىلىكتى تانىم، ۇلتتار ىنتىماعىنىڭ جان تامىرى، ۇلتتار جاراسىمدىلىعىنىڭ رۋحى. «6:30 مەكتەبى» ەڭ العاشقى بىرنەشە وقۋشىدان 3 كلاسقا ارتتى، ۇلتتار ىنتىماعى يدەياسى بالالاردىڭ جۇرەگىنە ءسىڭىرىلدى.

  ءار ۇلت بالالارى بىرگە ۇيرەنىپ، بىرگە وينادى، ۇلكەندەردە قالىسپاي كاسىپتىك تەحنيكا ۇيرەندى.

  الەۋمەتتىك اۋماق پارتيا ياچەيكاسى ديقانداردىڭ قالاعا كىرگەننەن كەيىن كاسىپتەنۋ ماسەلەسىن شەشۋ ءۇشىن، «حۋنان-تۇرپان بەرەكەلى شاڭىراعى» شينجياڭعا كومەكتەسۋ قارجىسىنا قول جەتكىزىپ الەۋمەتتىك اۋماقتا تامىر تارتتى، «كاسىپتىك تەحنيكا كۋرسىن» اشتى.

  ىلگەرىندى-كەيىندى الەۋمەتتىك اۋماقتاعى تۇرعىنداردى توقىماشىلىق، تىگىنشىلىك، كەستەشىلىك، بالكۇلشە پىسىرۋ، توكپەن دانەكەرلەۋ، ۇلتتىق قولونەرگە باۋلۋ قاتارلى تەحنيكالىق كۋرستاردى 822 ادام رەت اشتى، حۋناننىڭ شينجياڭداعى ءوندىرىس باقشاسى، فىڭحۋاڭ قۇرىلىس ماتەريالدارى، ساياحات توقىماشىلىق كيىم-كەشەك كاسىپ باقشاسى رايونىندا 334 ادام تاربيەلەندى، ورنىقتى كاسىپتەنۋدى جۇزەگە اسىرۋمەن بىرگە ديقاندار جۇمىسشىلارعا اينالدى.

  قىزمەتتە بىرگە بولىپ، دوڭگەلەك داۋلەتكە جەتۋ ارمانىن قول ۇستاسا جۇزەگە اسىردى

  تۇرپان قالاسى ءىدىقۇت رايونى اتلاس جولىنداعى شينجياڭ شىڭليدا كيىم-كەشەك شەكتى سەرىكتەستىگى بولىمشە زاۆودىندا 200 دەن ارتىق جۇمىسكەردىڭ ىشىندە 50 دەن استامى حويانشان الەۋمەتتىك اۋماعىنىڭ تۇرعىنى، قالعان 100 نەشەسى وڭتۇستىك شينجياڭعا بارعان جۇمىسكەرلەر.

  كوپشىلىك بىرگە ۇيرەنىپ، بىرگە تۇرمىس كەشىرىپ، ارالاسۋ بارىسىندا ءوزارا دوستىق ورناتتى.

  28 جاستاعى ۇگۇلجان ابلات بۇرىن وتباسى ايەلى بولاتىن. 2016-جىلدىڭ سوڭىندا، الەۋمەتتىك اۋماقتىڭ ۇيىمداستىرۋىمەن كۇيەۋى ەكەۋى كاسىپتىك تەحنيكا كۋرسىنا قاتىناسىپ، ءپىشۋ، تىگۋ تەحنيكاسىن ۇيرەنىپ، كيىم-كەشەك زاۆودىنىڭ ءبىرىنشى توپتاعى جۇمىسكەرى بولدى.

  «باسىندا، ەشتەڭە بىلمەيتىنمىن، ‹ءسىڭىلىم› ىجداعاتپەن ۇيرەتتى. قازىر مەن ءۇشىنشى گرۋپپانىڭ باستىعى بولدىم، وعان العىس ايتامىن»،-دەدى ۇگۇلجان. ول ايتىپ وتىرعان «ءسىڭىلىسى» زاۆودتىڭ كادرلار ءىسىنىڭ جاۋاپتىسى ياڭ يان ەدى، ەكەۋى قىزمەتكە بىرگە شىعىپ، تۇسەدى.

  ياڭ يان : «ۇگۇلجان اپەكەمنىڭ بالاسى ءالى كىشكەنە، ونىڭ ۇيىندە جۇمىس شىعىپ قالعاندا مەن ءۇشىنشى گرۋپپانىڭ ‹ۋاقىتتىق باستىعى› بولامىن، ولاردىڭ گرۋپپاسىنداعى 47 جۇمىسكەرمەن ابدەن تانىسپىن، كورشى ەمەسپىز بە، كىم بولسا دا قول ۇشىن بەرەدى»،-دەدى.

  الەۋمەتتىك اۋماقتىق سىرتىندا، تۇرعىندار بىرگە قىزمەت ىستەيدى. الەۋمەتتىك اۋماقتىڭ ىشىندە تىزە قوسىپ كاسىپ جاراتتى.

  ۇلتتىق كيىم-كەشەك كەڭسەسى حويانشان الەۋمەتتىك اۋماقتىڭ تۇرعىنداردىڭ جەتەكشىلىگىندە قۇرىلعان، ارزىگۇل ناجىمدىن تيجاراتقا جاۋاپتى، نەگىزىنەن 16 ۇلتتىڭ ۇلتتىق ءبي كيىم-كەشەكتەرىن وڭدەۋ، ساتۋ، جالعا بەرۋمەن شۇعىلدانادى.

  باسىندا ارزىگۇل الەۋمەتتىك اۋماقتاعى ەكى بولمەلى جەر استى ۇيىندە كيىم-كەشەك تىگەتىن. 20 شارشى مەتر عانا بولمەنىڭ ەڭسەسى دە بيىك ەمەس ەدى، كيىم-كەشەك كورسەتەتىن ورىن دا جوق بولاتىن. بۇدان حاباردار بولعان الەۋمەتتىك اۋماق «ەكى كوميتەتى» اقىلداسا كەلىپ، الەۋمەتتىك اۋماقتاعى قيمىل ءۇيىن اقىسىز پايدالانۋعا بەرەدى.

  ارزىگۇل قاتتى تەبىرەندى ءارى قاراستى اۋماقتاعى 12 ايەلدى كاسىپتەندىردى. ول بىلاي دەدى : «بۇدان كەيىن الەۋمەتتىك اۋماقتى ساۋىق كەش كيىمدەرىمەن اقىسىز قامدايمىن». ساۋداسى كۇننەن-كۇنگە كۇسەت بولعان ارزىگۇل جاڭا كيىم-كەشەك زاۆودىن قۇرماقشى.

  «جالعىزدىڭ شاڭى شىقپاس». قىسقا عانا بىرنەشە جىلدا، الەۋمەتتىك اۋماق پارتيا ياچەيكاسىنىڭ قۇلشىنۋى مەن كوپ جاق سەلبەسىپ، 2000 نان استام قىستاق تۇرعىنى قونىستانىپ، شارۋادان جۇمىسشى مەن كاسىپ جاراتۋشىعا اينالدى.

  ەكى وتباسى اپتا سوڭىندا ءبىر-ءبىرىنىڭ ۇيىنە قىدىردى، كىشكەنتاي ءاديلا شياڭ شۋچيڭنىڭ ۇيىندەگى انار جەمىسىنە قادالا قارادى.

  بىرگە تۇرمىس كەشىرىپ، ءبىر وتباسىنىڭ ادامدارىنداي بولدى

  استىڭعى-ۇستىڭگى قابات، وڭ-سول جاقتاعى كورشىلەر بىرگە قونىستاندى.

  كوزالدا، الەۋمەتتىك اۋماقتا 1101 سەميا، 3212 جان سانى بار، بارلىعى ماڭايداعى اۋىل، قالاشىقتام كەلگەن ەگىنشى-مالشىلار، كوپتەگەن ۇلتتان قۇرام تاپقان، ءبىر-ءبىرىنىڭ جۇرەگىنەن ورىن العان ءبىر وتباسىنىڭ ادامدارىنان بولدى.

  حويانشان الەۋمەتتىك اۋماعى 19 بينا 2-ەسىگىندە «ۇلتتار ىنتىماعىنداعى العاباسار ۇلگىلى ەسىك» دەگەن تاقتا بار.

  وسىندا تۇراتىن 101 ءنومىرلى بولمە مەن 102 ءنومىرلى بولمەدەگى وتباسىنداعىلار «جاقسى تۋىستار».

  العاش كوشىپ كەلگەندە، ەكى وتباسى تەك سالەمدەسىپ قانا جۇرەتىن. ءبىر جولى ءامينا مۇقاننىڭ بالاسى ءاديلا ءتۇن ورتاسىندا قىزىپ اۋرادى، كورشىسىنىڭ امبالاتوريا شيپاگەرى ەكەندىگى ەسىنە تۇسكەن ول كورشىسىنە بارادى. بالانىڭ ناۋقاسىنا قاراي ءدارى بەرىپ، ەمدەپ جازادى. سودان باستاپ ەكى وتباسىنىڭ بايلانىسى قويۋلاي تۇسەدى.

  «امبالاتوريانىڭ قىزمەتى قاربالاس، قىزمەتتەن تۇسەتىن ۋاقىتى دا تۇراقتى ەمەس، مەنىڭ ەكى بالام وقۋدان تاراي سالا ءامينانىڭ ۇيىنە بارادى. ءوز ۇيىنە كەلگەندەي ەسىكتەن كىرە سالا قولىن جۋىپ، تاپسىرماسىن ورىنداۋعا كىرىسەدى»،-دەدى شياڭ شۋچيڭنىڭ ايەلى كۇلە سويلەپ. شياڭ شۋچيڭ ادەتتە كىتاپ ساتىپ العاندا ءاديلاعادا بىرگە الادى.

  شياڭ شۋچيڭ : «تەك ەكى وتباسى عانا ەمەس، الەۋمەتتىك اۋماقتاعى ‹ۇلتتار ىنتىماعىنداعى العاباسار ۇلگىلى كورپسىندەگى› بارلىق وتباسىلار كورشىلەرىمەن ‹تۋىس› بولىپ كەتتى»،-دەيدى.

  ۇلتتار ىنتىماعىنىڭ حيكاياسى حويانشان الەۋمەتتىك اۋماعىندا تولاسسىز جارىققا شىعۋدا، ىلگەرىندى-كەيىندى قۇراستىرىلعان «ۇلتتار ىنتىماعىنىڭ شاعىن حيكاياسى» الەۋمەتتىك اۋماقتىڭ ءىشى-سىرتىنا تاراتىلدى.

  سوڭعى جىلداردان بەرى، حويانشان الەۋمەتتىك اۋماعى باستان-اقىر وسى زامانعى مادەنيەتتى جەتەكشى ەتىپ، الەۋمەتتىك اۋماق قيمىل ۇيىنەن، يىنتەرنەت قىزمەت وتەۋ پۋنكتى، كىتاپ وقۋ ءۇي قاتارلى يقۋاتتاردى تولىق پايدالانىپ، ءار ۇلت حالقىنىڭ مادەني تۇرمىسىن بايىتۋ، مادەنيەتتى قابىلداۋىنا جەتەكشىلىك ەتتى.

  ۇلتتار ىنتىماعىنىڭ شاعىن الاڭىن قۇرۋ، سونداي-اق مادەنيەت ءدالىزى، مادەنيەت قابىرعاسى، ۇگىت تاقتاسى قاتارلى فورمالار ارقىلى تۇرعىنداردىڭ ۇيرەنۋ، تۇرمىستىق كوڭىل اشۋ، قاجەتىن قاناعاتتاندىرىپ، جاراسىمدى ورتا قۇردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى