ءتاڭىرتاۋ تورابى   ›   ۇيرەنۋ   ›   شولۋ

حالىقارالىق قاتىناس نازارياسى مەن امالياتىنداعى ماڭىزدى جاڭالىق

  ءتوراعا شي جينپيڭنىڭ شاڭحاي ىنتىماقتاستىق ۇيىمى چيڭداۋ باسشىلار باس قوسۋىنداعى ماڭىزدى ءسوزى تۋرالى (1)

  جاسىل تاۋمەن ۇندەسكەن كوگىلدىر تەڭىز الىستان كەلگەن سيلى قوناقتارعا قۇشاق اشتى. 6 - ايداعى چيڭداۋ جاسىل ءپۇلىس جامىلىپ، تىڭ تىرشىلىك تىنىسىن اڭداتتى. شاڭحاي ىنتىماقتاستىق ۇيىمىنا مۇشە ەلدەردىڭ، باقىلاۋشى ەلدەردىڭ باسشىلارى جانە قاتىستى حالىقارالىق ۇيىمداردىڭ جاۋاپتىلارى حۋاڭحاي جاعالاۋىندا باس قوسىپ، ىنتىماقتاستىق ۇلى جوباسىن بىرگە اقىلداستى. شاڭحاي «چيڭداۋ ساتىنە» اياق باستى، دۇنيە ءجۇزى «شاڭحاي ىنتىماقتاستىعى اقىل - پاراساتىن» اسىعا كۇتتى.

  «بۇل حالىقارالىق قاتىناس نازارياسى مەن امالياتىنداعى ماڭىزدى جاڭالىق، وڭىرلىك ىنتىماقتاستىقتىڭ جاڭا ۇلگىسىن اشتى، وڭىرلىك بەيبىتشىلىك پەن دامۋعا جاڭا ۇلەس قوستى». شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ماجىلىسىندە ءتوراعا شي جينپيڭ ماڭىزدى ءسوز سويلەپ، شاڭحاي ىنتىماقتاستىق ۇيىمىنىڭ ەرەكشە دامۋ بارىسىنا قورىتىندى جاساپ، قايىرىلا قاراپ، شاڭحاي ىنتىماقتاستىق ۇيىمى قول جەتكىزگەن كەلەلى ناتيجەلەردى جوعارى باعالاپ، «شاڭحاي رۋحىنىڭ» دارالىق قۇنىن تەرەڭ بايانداپ، شاڭحاي ىنتىماقتاستىق ۇيىمى تاعدىرلاس ورتاق تۇلعاسىن قۇرۋ تۋرالى 5 ءتۇرلى ۇسىنىس قويدى. بيىكتە تۇرىپ، الىسقا كوز جىبەرۋدەي تۇجىرىم، ناقتى، جاراستىقتى دارىپتەمە جاڭا باستامادا تۇرعان شاڭحاي ىنتىماقتاستىق ۇيىمىنا دامۋ ومىرشەڭدىك كۇشىن ۇستەپ، ماجىلىسكە قاتىناسقان سيلى قوناقتاردىڭ وسكەلەڭ مويىنداۋىنا قول جەتكىزدى.

  ۋاقىت ەرەكشە ەستەلىككە الۋشى. باستاپقى قۇرىلۋدان، تولىسۋدان دامۋعا دەيىن، «ءۇش ءتۇرلى كۇشكە» بىرگە سوققى بەرۋدەن جان - جاقتى ىنتىماقتاستىق ورىستەتكەنگە دەيىن، شاڭحاي ىنتىماقتاستىق ۇيىمىنا مۇشە ەلدەر شىنايى تىزە قوسىپ، بولاشاقتى بەتكە الىپ، حالىقارالىق جانە وڭىرلىك ىستەردە سىندارلى رولىن بەلسەندى ساۋلەلەندىرىپ، وداقتاسپايتىن، قارسىلاسپايتىن، 3 - تاراپقا باعىتتامايتىن ناتيجەلى سەرىكتەستىك قاتىناس ورناتىپ، ءوزارا قۇرمەت ەتەتىن، ءادىل، تۋراشىل، ىنتىماقتاسىپ، تەڭ يگىلىككە كەنەلەتىن جاڭاشا حالىقارالىق قاتىناس ۇلگىسىن ورناتتى. قازىرگى تاڭدا، شاڭحاي ىنتىماقتاستىق ۇيىمىندا 8 مۇشە ەل، 4 باقىلاۋشى ەل، 6 ديالوگ سەرىكتەس بار، مۇشە ەلدەردىڭ ەكونوميكاسى مەن حالىق سانىنىڭ جالپى مولشەرى شامامەن جەكە - جەكە بۇكىل الەمنىڭ %20ىن جانە %40ىن ۇستاپ، دۇنيە جۇزىندەگى اۋماعى ەڭ كەڭ، حالىق سانى ەڭ كوپ ۋنيۆەرسال وڭىرلىك ىنتىماقتاستىق ۇيىمىنا اينالىپ، حالىقارالىق ىقپالى ۇزدىكسىز جوعارىلادى. اماليات شاڭحاي ىنتىماقتاستىق ۇيىمى الەمنىڭ بەيبىتشىلىگى مەن دامۋىن جەبەۋدە، حالىقارالىق ادىلدىك پەن تەڭدىكتى قورعايتىن، نەمقۇرايدى قاراۋعا بولمايتىن ماڭىزدى كۇشكە اينالعانىن دالەلدەدى.

  قازىرگىنى كوزدەپ، بولاشاقتى ويلاعان شاڭحاي ىنتىماقتاستىق ۇيىمى گۇلدەنگەن ومىرشەڭدىك كۇش پەن قۋاتتى ىنتىماقتاستىق قوزعاۋشى كۇشتى نەلىكتەن باستان - اياق ساقتاي الدى؟ ونىڭ ءتۇبىرلى سەبەبى «شاڭحاي رۋحىن» جاسامپازدىقپەن العا قويىپ ءارى باستان - اياق امالياتتا ايگىلەپ، قۇدىرەتتى ۇيىستىرۋ قۋاتىن جارىققا شىعارۋىندا، بەلسەندى ىنتىماقتاستىق تىلەگىن تاسقىنداتۋىندا. ءوزارا سەنىمدىلىك،ءوزارا تيىمدىلىك، تەڭدىك، ءوزارا اقىل - كەڭەس، مادەنيەتتەردىڭ سان الۋاندىعىنا قۇرمەت ەتۋ، بىرلەسىپ دامۋعا دەگەن ۇمتىلىس سىندى «شاڭحاي رۋحى» مادەنيەت قاقتىعىسى، قىرعي قاباقتىق سوعىس يدەياسى، ىمىراعا كەلمەيتىن ەسكىلىكتى كوزقاراس شەڭبەرىنەن شىعىپ، حالىقارالىق قاتىناستىڭ شىت جاڭا پاراعىن اشىپ، حالىقارالىق قوعامنىڭ كۇن سايىن كەڭەيگەن شىنايى مويىنداۋىنا قول جەتكىزدى. بۇل رۋحقا شاڭحاي ىنتىماقتاستىق ۇيىمىنىڭ دامۋ بارىسى باستان - اياق توعىستىرىلعان، ءداۋىر جانە ءوڭىر اتتاعان ومىرشەڭدىك كۇشكە جانە قۇنعا يە. ول ءار ەلدىڭ ورتاق كۇرەس جاسايتىن يدەيالىق نەگىزىنە جانە رۋحاني دانەكەرىنە اينالۋمەن بىرگە، تاعدىرلاس ورتاق تۇلعانى ورناتۋ جولىن دا بارعان سايىن كەڭەيتە ءتۇستى.

  اۋەلگى ماقساتتى ۇمىتپاۋدى جالپى بارىسقا توعىستىردى. «<شاڭحاي رۋحى> ءبىزدىڭ ورتاق بايلىعىمىز، شاڭحاي ىنتىماقتاستىق ۇيىمى ءبىزدىڭ ورتاق مەكەنىمىز». كەزەكتە حالىقارالىق جاعداي كۇردەلى دە قۇبىلمالى، قورعانىمپازدىق يدەيالىق اعىمى، قولامتالى ماسەلەلەر ىركەس - تىركەس تۋىلۋدا، حاۋىپسىزدىك حاۋىپ - قاتەرى ءالى دە اۋىر، دۇنيە ءجۇزىنىڭ قارىشتاپ دامۋى، ۇلى وزگەرىسى، ۇلى رەتتەۋى سىندى جاڭا جاعداي الدىندا، شاڭحاي ىنتىماقتاستىق ۇيىمى بەيبىتشىلىك پەن دامۋدى جەبەۋدىڭ داۋىرلىك ماڭىزدى مىندەتىن ارقالاۋدا. قازىرگى كەز بىزدەن بيىكتە تۇرىپ، الىسقا كوز جىبەرىپ، «شاڭحاي رۋحى» تۋىن بيىك ۇستاپ، ىنتىماقتاستىقتى، سايكەستىكتى كۇشەيتۋدى قاجەت ەتەدى. ءتوراعا شي جينپيڭنىڭ وسى رەتكى باس قوسۋدا ورتاعا قويعان 5 ءتۇرلى ۇسىنىسىن تياناقتاندىرىپ، ءبىر جاعادان باس، ءبىر جەڭنەن قول شىعارىپ، ىزگى نيەتپەن ىنتىماقتاستىق جاساسىپ، جۇدىرىقتاي جۇمىلا وتىرىپ، شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرىپ، جاڭاشا حالىقارالىق قاتىناستى قۇرۋدى ىلگەرىلەتكەندە عانا، ءبىز باياندى بەيبىتشىلىك، جاپپاي حاۋىپسىزدىك، ورتاق گۇلدەنىپ - كوركەيۋ، اشىق، قامتىمدى، تازا، كورىكتى دۇنيە ءجۇزىن قول ۇستاسا ىلگەرىلەتە الامىز.

  شەكسىز تەڭىزدە جەلكەندى جايىپ، نىساناعا قاراي ۇدەرە العا باسايىق! الەمنىڭ دامۋى ۇمىتكە تولى ءارى سىن - سايىسقا ءدوپ كەلۋدە؛ ءبىزدىڭ بولاشاعىمىز شەكسىز نۇرلى، ايتسەدە الداعى جولىمىز داڭعىل ەمەس. الەمدىك جالپى اۋقىم مەن ءداۋىر اعىمىن دۇرىس تانىپ جانە يگەرىپ، «شاڭحاي رۋحىن» اناعۇرلىم اسقاقتاتقاندا عانا، ءبىز ءداۋىردىڭ قيىن تاقىرىبىن شەشىپ، حاۋىپ - قاتەرلەر مەن سىن - سايىستاردى باسەڭدەتىپ، حالىقارالىق ءتارتىپتىڭ اناعۇرلىم ءادىل دە ۇيلەسىمدى بەتالىسقا قاراي دامۋىن ىلگەرىلەتىپ، حاۋىپسىزدىك پەن گۇلدەنىپ - كوركەيۋ شۋاعىنىڭ ادامزاتتىڭ ورتاق اتا مەكەنىن نۇرلاندىرۋىنا مۇمكىندىك جاساي الامىز.

  (شينحۋا اگەنتتىگىنىڭ 6 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى