ءتاڭىرتاۋ تورابى   ›   جاڭالىقتار   ›   اۋىل تىنىسى

شىڭگىل اۋدانى 3-كەزەكتى جۇمىسشىلار ساۋىتى «كورىكتى شينجياڭ، تەرەڭ سۇيىسپەنشىلىك» اتتى اڭگىمە ايتۋ جارىسىن وزدىردى

  قۇرمانگۇل اسپەن قىزى حابارلايدى. 6-ايدىڭ 8-كۇنى، «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، ۇلتتار ارا ارالاسۋ، ىشتەسۋ، توعىسۋدى ىلگەرىلەتىپ، ورتاق العا باسۋدى ماقسات ەتكەن شىڭگىل اۋدانىنىڭ 3-كەزەكتى جۇمىسشىلار ساۋىتى «كورىكتى شينجياڭ، تەرەڭ سۇيىسپەنشىلىك» اتتى اڭگىمە ايتۋ جارىسى اۋداندىق ۇگىت ءبولىمى، اۋداندىق وركەنيەت كەڭسەسى، اۋداندىق جۇمىسشىلار ۇيىمى، اۋداندىق ايەلدەر بىرلەستىگى سىندى ورىنداردىڭ سەلبەسۋىندە وتكىزىلدى. ءارقايسى اۋىل، قالاشىقتاردان، اۋدانعا قاراستى ورىنداردان 30 شاباندوز جارىسقا قاتىناستى.

  جارىسقا قاتىناسقان شاباندوزدار ءوز باستارىنان كەشكەن، سونداي -اق، ماڭىنداعىلاردىڭ باستان كەشىرگەن اسەرلى اڭگىمەلەرىن مايىن تامىزا بايانداپ، ۇلتتار ىنتماعىنىڭ بەرەكەلى شاڭىراعى استىندا جاساپ جاتقان ءار ۇلت حالقىنىڭ بالىق پەن سۋداي ەتەنە قاتىناسىن، شينجياڭنىڭ ەجەلدەن ۇلتتارى ىنتىماقتى، قوعامى جاراسىمدى مەكەن ەكەنىن، كادرلاردىڭ حالىقپەن ەتەنەلىك بايلانىسىن تىلگە تيەك ەتتى. اڭگىمە ايتۋ بارىسىندا، تىڭدارمانداردى باۋراۋمەن قوسا، بەينە بايان، سۋرەت، مۋزىكا ارقىلى شىنايى سەزىمدى ناقتى جەتكىزىپ، تىڭداۋشى جۇرتشىلىققا شىنايى اسەر قالدىردى.

  اڭگىمە جارىسىندا شىڭگىل اۋدانىنان شىققان مەملەكەتتىك ءمورال ۇلگىسى ءانيپا الىماحۇندى، ءۇش ءجۇز بالانىڭ كىندىك شەشەسى اتانعان شيۇڭ رۋلاندى وزدەرىنە ونەگە تۇتقان ۋ شۋچين، ناعيما، ناقاش قاتارلى اۋدان كولەمىندەگى ءمورال ۇلگىلەرىنىڭ اسەرلى اڭگىمەلەرى دە باياندالىپ، ۇلىلىقتىڭ قاراپايىمدىلىقتا ەكەنى بەينەلەندى.

  اڭگىمە جارىسى ارقىلى شاباندوزدار تىڭداۋشىلارعا ۇلتتار ىنتىماعى مەن جاراسىمدىلىقتىڭ بارشا جانعا اۋاداي قاجەت ەكەنىن تەرەڭ سەزىندىرىپ، جانىمىزداعى ۇلگىلەردەن ۇيرەنىپ، جاراسىمدى قوعام قۇرۋعا بىرلىكتە ات سالىسۋدىڭ ماڭىزىن ۇعىندىردى.

     اۋداندىق وركەنيەت كەڭسەسىنىڭ مەڭگەرۋشىسى يوۋ گۇيچين بىلاي دەدى : «جارىس ارقىلى جانىمىزداعى جارقىن جانداردىڭ ىزگى ىستەرى جيناقتالىپ، جۇرتشىلىقتى بەرەكەلى، ورنىقتى، دامىعان اۋدان قۇرۋعا مەدەت بەردى». 

ەرىكتى ءتىلشىمىزدىڭ قىزمەت ورنى : شىڭگىل اۋداندىق ۇگىت ءبولىمى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • حالىقتىڭ مۇڭىنا ورتاق بولىپ، قيىنشىلىعىن شەشىم ەتتى
  • مادەنيەت قيمىلدارى ارقىلى قوس مەرەكەنى قۇتتىقتادى
  • زاڭ كادرلارى ورتا جايلاۋدا
  • ەلەكتر حاۋىپسىزدىگى بىلىمدەرىن ۇگىتتەدى
  • قابا اۋدانى سارتام اۋىلدىعى مال ۆاننالاۋ قىزمەتىن مىقتى ۇستادى
بىزبەن بايلانىس جارناما قىزمەتى لەبىز قالدىرۋ ءبىز تۋرالى