ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس ايلىق اڭگىمە ءماجىلىسىن اشتى

اۋىل - قىستاق كەدەيلەرى اراسىنداعى كوزىن شەل باسقان ناۋقاسى بارلاردى تەگىن ەمدەۋدى ىلگەرىلەتەيىك

  ءتىلشىمىز جاۋ جىيۇن 6 - ايدىڭ 12 - كۇنى ۇرىمجىدەن حابارلايدى. 6 - ايدىڭ 12 - كۇنى تۇستەن بۇرىن اۆتونوميالى رايوندىق ساياسي كەڭەس ايلىق اڭگىمە ءماجىلىسىن اشىپ، «اۋىل - قىستاق كەدەيلەر اراسىنداعى كوزىن شەل باسقان ناۋقاسى بارلاردى تەگىن ەمدەۋدى بەلسەنە ىلگەرىلەتۋدى» ارقاۋ ەتىپ كەڭەستى، اڭگىمەلەستى.

     اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.

  اڭگىمە ماجىلىسىندە 10 مۇشە جانە مامان كەدەيلەردى دالمە - ءدال سۇيەمەلدەۋ، ساقتانۋدى نەگىز ەتۋ، مەحانيزمدى ورناتۋ - كۇشەيتۋ، سالاماتتىق جاعىنان كەدەيلەردى سۇيەمەلدەۋ سياقتى جاقتاردى ارقاۋ ەتىپ، اۋىل - قىستاق كەدەيلەرى اراسىنداعى كوزىن شەل باسقان ناۋقاسى بارلاردى تەگىن ەمدەۋدى ىلگەرىلەتۋ جونىندە سىندارلى اقىل - كەڭەس بەردى. كوپشىلىك بىلاي دەپ قارادى: اۋىل - قىستاق كەدەيلەر اراسىنداعى كوزىن شەل باسقان ناۋقاسى بارلاردى تەگىن ەمدەۋ قىزمەتىن ورىستەتۋ اۆتونوميالى رايوندىق پارتكومنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، سالاماتتى شينجياڭ قۇرىلىسىن جەدەل ىلگەرىلەتۋدىڭ ماڭىزدى شاراسى، ول ءبىرشاما جاقسى ناتيجەگە قول جەتكىزدى. كوپشىلىك ءتۇرلى ساياساتتاردى قاز - قالپىندا تياناقتاندىرىپ، سالماقتى ناۋقاستاردى ەڭ تومەنگى شەكتەن تۇسىرمەۋگە قامتاماسىز ەتۋ مەحانيزمىن جاپپاي ورناتىپ، كەدەي وڭىرلەردىڭ ەمدەۋ - دەنساۋلىق ساقتاۋ جاعىنداعى قىزمەت كورسەتۋ قابىلەتىن جاپپاي جوعارىلاتىپ، شينجياڭعا كومەككە كەلگەن شيپاگەرلەردىڭ باسىمدىق رولىن تولىق ساۋلەلەندىرىپ، ۇگىتتەۋدى، جالپىلاستىرۋدى اناعۇرلىم كۇشەيتىپ، تيپتىك ۇلگىلەردىڭ جەتەكتەۋ رولىن ساۋلەلەندىرىپ، بارلىق بەلسەندى فاكتورلاردى جۇمىلدىرىپ، سالاماتتىق جاعىنان كەدەيلەردى سۇيەمەلدەۋدى تۇتقا ەتىپ، كەدەيلىكتەن قۇتىلدىرۋدان قامال الۋدىڭ قيان - كەسكى شايقاسىنىڭ جەڭىسىنە بىرگە قول جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا مىندەت اتقارۋ، جاۋاپكەرلىكتى ادا ەتۋ كەرەك دەگەن ۇسىنىس بەردى.

     اۆتونوميالى رايوندىق ساياسي كەڭەستىڭ ورىنباسار ءتوراعاسى ءىلحام سابىر تاقىرىپتىق ءسوز سويلەدى.

  اۆتونوميالى رايوندىق حالىق ۇكىمەتىنىڭ قاتىستى باسشىلارى ماجىلىسكە قاتىناسقانداردىڭ ۇسىنىس - پىكىرلەرىنە جاۋاپ قايتاردى.

  ءسوزدى تىڭداعاننان كەيىن، نۇرلان ءابىلماجىن ۇلى مىنالاردى اتاپ كورسەتتى: اۆتونوميالى رايوندىق پارتكوم ءار ۇلت بۇقاراسىنىڭ سالاماتتىق ماسەلەسىنە ەجەلدەن بارىنشا ءمان بەرىپ كەلەدى، رايونىمىزدىڭ سالاماتتىق جاعىنان كەدەيلەردى سۇيەمەلدەۋ، اسىرەسە، اۋىل - قىستاق كەدەيلەرى اراسىنداعى كوزىن شەل باسقان ناۋقاسى بارلاردى تەگىن ەمدەۋ قىزمەتىنە مەڭزەس ءبىر قىدىرۋ ۇتىمدى شارا قولدانىپ، وتە تاماشا ونىمدىلىككە قول جەتكىزدى، اۋىل - قىستاقتارداعى بۇقارانىڭ جانە قوعامداعى ءار سالانىڭ جاپپاي القاۋىنا يە بولدى. اۆتونوميالى رايوندىق ساياسي كەڭەس «اۋىل - قىستاق كەدەيلەرى اراسىنداعى كوزىن شەل باسقان ناۋقاسى بارلاردى تەگىن ەمدەۋدى بەلسەنە ىلگەرىلەتۋدى» تاقىرىپ ەتىپ، سالاماتتىق جاعىنان كەدەيلەردى سۇيەمەلدەۋ سالاسىنداعى قولامتالى، قيىن ماسەلەلەردى تىعىز ارقاۋ ەتىپ، ۇكىمەت ءىسىن بەلسەنە كەڭەسىپ، شىنايى سويلەپ، ناقتى ۇسىنىس قويىپ، «شاعىن تاقىرىپ» ارقىلى «ۇلكەن ىستەردى» ويداعىداي ىستەپ، اقىلداسۋ، تالقىلاۋ بارىسىندا ءار جاقتىڭ ورتاق تانىمىن كۇشەيتتى، زەيىن - زەردەسى مەن كۇش - قۋاتىن ۇيىستىردى، وتە تاماشا ونىمدىلىككە قول جەتكىزدى.

  نۇرلان ءابىلماجىن ۇلى مىنالاردى تالاپ ەتتى: ساياسي كەڭەستىڭ كەڭسەسى جانە قاتىستى ارناۋلى كوميتەتتەرى وسى رەتكى ءماجىلىستىڭ تاماشا تاجىريبەلەرىن، جاقسى ادىستەرىن مۇقيات قورىتىندىلاپ، ءماجىلىستىڭ نەگىزگى مازمۇنىن، قالىپتاستىرعان ورتاق تانىمىن جانە ماڭىزدى ۇسىنىس - پىكىرلەرىن دەر كەزىندە جيناقتاپ، رەتتەپ، كەڭەس ۇسىنىسى بايانداماسى تاسىلىندە اۆتونوميالى رايوندىق پارتكومنىڭ، ۇكىمەتتىڭ پايدالانۋىنا جولداۋ كەرەك.

  بۇرىنعى قىزمەتتەردەگى تاماشا تاجىريبەلەرگە، جاقسى ادىستەرگە مۇراگەرلىك ەتۋ نەگىزىندە، اۆتونوميالى رايوندىق ساياسي كەڭەس بۇل رەتكى ءماجىلىستىڭ مازمۇن تاسىلىندە جاڭالىق اشتى: تۇڭعىش رەت ساياسي كەڭەستىڭ ورىنباسار ءتوراعاسى تاقىرىپتىق ءسوز سويلەدى؛ تۇڭعىش رەت سىرت جەردەگى اۆتونوميالى رايوندىق ساياسي كەڭەس مۇشەلەرىن قاتىناسۋعا جوسپارلى تۇردە ۇسىنىس ەتتى؛ تۇڭعىش رەت بەينەءماجىلىس ءتاسىلىن قولدانىپ، ايماق، وبلىستارداعى ساياسي كەڭەس مۇشەلەرىن ءسوز سويلەۋگە ۇسىنىس ەتتى؛ ماجىلىستەن كەيىن ساياسي كەڭەس مۇشەلەرىنىڭ كوزدى شەل باسۋدان ساقتانۋ جانە ونى ەمدەۋ جونىندەگى ارناۋلى لەكسيا لازەر تاباعىن تۇتاس شينجياڭنىڭ ەگىن، مال شارۋاشىلىق رايوندارىنا تىكە تاراتىپ بەرىپ، اۋىل - قىستاقتارداعى كەدەيلەردىڭ كوزىن شەل باسۋدان ساقتانۋىنا جانە ونى ەمدەتۋىنە جەتەكشى قىزمەت كورسەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى