تيانشان تورى
تيانشان تورى   ›   ۇيرەنۋ   ›   شولۋ

قول ۇستاسىپ، اناعۇرلىم جارقىن بولاشاققا جول اشايىق

− ءتوراعا شي جينپيڭنىڭ شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىندا سويلەگەن ماڭىزدى ءسوزى جونىندە (4)

  «جۇدىرىقتاي جۇمىلا وتىرىپ شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرىپ، جاڭاشا حالىقارالىق قاتىناس ورناتۋدى ىلگەرىلەتىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق تا باۋىرمال، كىرشىكسىز دە كوركەم دۇنيەگە قاراي قول ۇستاسا قادام تاستاۋىمىز كەرەك». شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ 18 - رەتكى ماجىلىسىندە، ءتوراعا شي جينپيڭنىڭ ايبىندى، ايرىقشا اسەرلى سوزدەرى كەڭ اڭىس قوزعادى. بەلسەندى، سىندارلى بولۋ، دوستىق ىنتىماقتاستىق ورناتۋ رۋحىن نەگىزگە الىپ، وسى رەتكى ءماجىلىستىڭ ورتاق تانىمىن جاپپاي تياناقتاندىرىپ، الەمنىڭ باياندى بەيبىتشىلىگى مەن بىرلەسىپ دامۋىن جەبەۋ ءۇشىن بىرگە كۇش شىعارۋ ماجىلىسكە قاتىناسقان ءار ەلدىڭ ورتاق جۇرەك ۇنىنە اينالدى.

  دۇنيە جۇزىنە نازار سالساق، قازىر الەمنىڭ زور دامۋ، زور وزگەرىس، زور رەتتەلۋ كەزەڭىندە تۇرعانىن، ادامزات ءدوپ كەلگەن تۇراقسىزدىق، بەلگىسىزدىك فاكتورلاردىڭ ءالى دە كوپ ەكەنىن بايقايمىز. وسىنداي جاعدايدا، شاڭحاي ىنتىماقتاستىق ۇيىمىنىڭ دامۋىن قالاي ونان ارى ىلگەرىلەتۋ، ادامزات وركەنيەتىنىڭ العا باسۋ ىستەرىن قالاي اناعۇرلىم ويداعىداي ىلگەرىلەتۋ جونىندە، ءتوراعا شي جينپيڭ الەمدىك جالپى بەتالىس پەن ءداۋىر اعىمىن يگەرە، ءار ەلدىڭ ورتاق مۇددەسىن كوزدەي وتىرىپ، «شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرۋ» سىندى بەلسەندى دارىپتەمەنى ورتاعا قويىپ، شاڭحاي ىنتىماقتاستىق ۇيىمىنىڭ دامۋىنا تىڭ قوزعاۋشى كۇش ۇستەدى.

  شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرۋ ءۇشىن، ىنتىماقتىڭ، ءوزارا سەنىمنىڭ قۋاتتى كۇشىن ۇيىستىرىپ، بەيبىتشىلىك پەن حاۋىپسىزدىكتىڭ ورتاق نەگىزىن بەرىك قالاپ، بىرلەسىپ دامۋ - كوركەيۋدىڭ قۋاتتى قوزعالتقىشىن قالىپتاستىرۋ كەرەك. اركىمنىڭ ءوزى تاڭداعان دامۋ جولىنا قۇرمەت ەتىپ، ءبىر - ءبىرىنىڭ وزەكتى مۇددەلەرى مەن نازار اۋدارىپ وتىرعان كەلەلى ماسەلەلەرىنە قارايلاپ، ورىن اۋىستىرىپ ويلاۋ ارقىلى ءوزارا تۇسىنىستىكتى ارتتىرىپ، ايىرماشىلىقتاردى سيىرا تۇرىپ، ورتاقتىققا ۇمتىلۋ ارقىلى تاتۋلىق پەن ىنتىماقتى جەبەگەندە عانا، ىنتىماقتاسۋ ارقىلى تەڭ ۇتۋدى جۇزەگە اسىراتىن قۋاتتى كۇش ۇيىستىرۋعا بولادى؛ ورتاق، جان - جاقتى، ىنتىماقتاسقان، باياندى حاۋىپسىزدىك كوزقاراسىن جۇزەگە اسىرىپ، ءداستۇرلى جانە ءداستۇرلى ەمەس حاۋىپسىزدىك قاتەرلەرىنە ءبىر تۇتاس توتەپ بەرىپ، «ءۇش ءتۇرلى كۇشكە» ءونىمدى تۇردە سوققى بەرگەندە عانا، باياندى وڭىرلىك بەيبىتشىلىك، حاۋىپسىزدىك جانە ورنىقتىلىق بولادى؛ اقىلداسۋ، بىرگە قۇرۋ، بىرگە يگىلىكتەنۋ پرينسيبىن نەگىز ەتىپ، «ءبىر بەلدەۋ، ءبىر جول» قۇرىلىسىن ىلگەرىلەتىپ، وڭىردەگى ساۋدانى وڭتايلاندىرۋ ءۇردىسىن جەدەلدەتسەك، ءبىز، ءسوز جوق، اناعۇرلىم جوعارى دەڭگەيدەگى بىرلەسىپ كوركەيۋگە قول جەتكىزە الامىز.

  شاڭحاي ىنتىماقتاستىق ۇيىمىنىڭ تاعدىرلاس ورتاق تۇلعاسىن قۇرۋدا، گۋمانيتارلىق اۋىس - كۇيىستىڭ، ىنتىماقتاستىقتىڭ ورتاق دانەكەرىن بەكەمدەپ، حالىقارالىق ىنتىماقتاستىقتىڭ سەرىكتەستىك تورىن بىرگە كەڭەيتۋ كەرەك. گۋمانيتارلىق ىنتىماقتاستىق حالىقتار ارا ءوزارا تۇسىنىستىكتى، سەنىمدى جانە دوستىقتى تەرەڭدەتۋدە ورنىن باسقا ەشتەڭە باسا المايتىن رول اتقارادى، وركەنيەتتەگى ارازدىقتان گورى وركەنيەتتەگى بارىس - كەلىسكە ءمان بەرۋدە، وركەنيەتتەگى قاقتىعىستان گورى وركەنيەتتە ءبىر - بىرىنەن ۇلگى الۋعا ءمان بەرۋدە، وركەنيەتتە وزىنكىن ابزال ساناۋدان وركەنيەتتىڭ قاتار ءومىر سۇرۋىنە ءمان بەرۋدە، ءبىر - بىرىنەن ۇلگى الاتىن، ديالوگ جۇرگىزەتىن، سيىسىمدى وركەنيەت كوزقاراسىن ورناتۋدى، اناعۇرلىم تىعىز گۋمانيتارلىق اۋىس - كۇيىس پەن ىنتىماقتاستىق ارقىلى مادەنيەتتەردىڭ ءبىر - بىرىنەن ۇلگى الۋىن، حالىقتار تىلەگىنىڭ توعىسۋىن جەبەۋدى قاجەت ەتەدى. بۇگىنگى تاڭدا، گەوساياسي كارتا كۇن سايىن كوپ نەگىزدەنىپ، كوپ ۇيەكتەنىپ، مەملەكەت پەن مەملەكەتتىڭ ءبىر - بىرىنە سۇيەنىپ ءومىر ءسۇرۋى اناعۇرلىم نىعايا تۇسۋدە. ءبىز باقىلاۋ ەل، ديالوگ سەرىك سياقتى وڭىردەگى مەملەكەتتەرمەن اۋىس - كۇيىستى، ىنتىماقتاستىقتى كۇشەيتىپ، ب م ۇ سياقتى حالىقارالىق جانە وڭىرلىك ۇيىمدارمەن سەرىكتەستىك قارىم - قاتىناستى جاقىنداتىپ، حالىقارالىق اقشا قورى ۇيىمى، دۇنيە جۇزىلىك بانكە سياقتى حالىقارالىق فينانس قۇرىلىمدارىمەن ديالوگ جۇرگىزىپ، قولامتالى ماسەلەلەردى شەشۋدى ىلگەرىلەتۋ، الەمدىك جونگە سالۋدى كەمەلدەندىرۋ ءۇشىن ۇلەس قوسۋىمىز كەرەك.

  قۇلشىنىپ ەڭبەك ەتكەن كاسىپتە تابىسقا جەتۋگە بولادى، جۇرە بىلگەندە عانا جول تابۋعا بولادى. جاۋىن - شاشىندا قول ۇستاسىپ قاتار جۇرگەن 17 جىلدا، شاڭحاي ىنتىماقتاستىق ۇيىمى «شاڭحاي رۋحىن» نەگىز ەتىپ، حالىقارالىق جاعدايدىڭ الماعايىپ وزگەرىسىنىڭ قاتاڭ سىناعىنان ءوتىپ، ساياسي، حاۋىپسىزدىك، ەكونوميكا، گۋمانيتارلىق سالالارداعى ىنتىماقتاستىقتى ۇزدىكسىز تەرەڭدەتىپ، قازىرگى زامان حالىقارالىق قارىم - قاتىناس جۇيەسىنىڭ ايرىقشا ىقپالدى قاتىسۋشىسىنا اينالدى. بولاشاقتى بەتكە العاندا، ءبىز ءبىر جاعادان باس، ءبىر جەڭنەن قول شىعارىپ، ىزگى نيەتپەن ىنتىماقتاستىق جاساسىپ، جۇدىرىقتاي جۇمىلىپ، تاعدىرلاس ورتاق تۇلعا تانىمىن ۇزدىكسىز كۇشەيتىپ، تاباندىلىقپەن تىنباي قۇلشىنىپ، كۇندەپ، ايلاپ قاجىماي - تالماي كۇرەس جۇرگىزىپ، اناعۇرلىم تىعىز تاعدىرلاس ورتاق تۇلعا ورناتساق، ءسوز جوق، اناعۇرلىم جارقىن بولاشاققا جول اشا الامىز.

(شينحۋا اگەنتتىگىنىڭ 6 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.