ءتىلشىمىز شى شين
«ولاردىڭ قيىنشىلىعى مەن مۇحتاجى مەنىڭ جۇرەگىمدە ەسەپ داپتەرىندەي انىق جازۋلى تۇر، مەن ولاردىڭ ۇمىتسىزدەندىرمەۋىم، ولاردىڭ ماعان دەگەن سەنىمىن استە جوعالتپاۋىم كەرەك»، - دەيدى قىزىلسۋ قىرعىز اۆتونوميالى وبلىسى اتۇش قالالىق پارتكوم ۇگىت ءبولىمىنىڭ ورىنباسار باستىعى ياڭ يجۇڭ.
ياڭ يجۇڭ قول تەلەفونىنا «ۇلتتار ىنتىماعىنداعى تۋىستارىم» دەپ ەسكەرتپە جازىپ، 22 ادامنىڭ تەلەفون ءنومىرىن ساقتاپ الىپتى. بۇلاردىڭ ىشىندە اق قان اۋرۋىنا شالدىققان قىز بالا، تۇرمىسى قيىنشىلىقتا قالعان قارتتار، ءجۇرىپ - تۇرۋى يكەمسىز زاعيپ جاندار، تاۋدان تۇسكىسى كەلەتىن مالشىلار بار ەكەن، ولاردىڭ بارلىعى ياڭ يجۇڭنىڭ كۇنى - ءتۇنى ويىنان كەتپەيتىن ادامدار.
جۇرەك پەن جۇرەك توعىسىپ، شىنايى سۇيىسپەنشىلىك مازدادى
6 - ايدىڭ 2 - كۇنى ، سەنبى.
اتۇش قالاسى اتۇش قالاشىعى تاقۇت قىستاعىندا تۇراتىن 14 جاستاعى حايرگۇل يۇسۇپ تاڭ اتا ەسىگىنىڭ الدىنا شىعىپ، «ياڭ اكەسىنىڭ» كەلۋىن، ءوتىپ كەتكەن «1 - ماۋسىم» بالالار مەرەكەسىن تولىقتاپ وتكىزىپ بەرۋىن كۇتتى. الدەن ۋاقىتتا، الىستان ياڭ يجۇڭنىڭ كەلە جاتقانىن كورىپ، جۇگىرىپ بارىپ، ونى قۇشاقتاي الدى.
ەكەۋى العاش 2009 - جىلدىڭ 8 - ايىندا كەزدەسكەندە حايرگۇل 5 جاستا ەدى، ياڭ يجۇڭ تاقۇت قىستاعىندا اق قان اۋرۋىنا شالدىققان ءبىر قىز بالانىڭ ءومىرى حال ۇستىندە ەكەنىن ەستىپ، دەرەۋ بارىپ امانداسىپ، 2000 يۋان اقشانى بالانىڭ ۇيىندەگىلەرگە بەرەدى. وسىدان سوڭ، ول قالالىق حالىق ىستەر مەكەمەسى، ايەلدەر بىرلەستىگى سياقتى ورىندارمەن بەلسەنە حابارلاسىپ، قۇتقارۋ - كومەك قارجىسىن قاراستىرادى.
9 جىلدان بەرى، ياڭ يجۇڭنىڭ ءوزى جەكە حايرگۇلگە 20 مىڭ يۋاننان استام كومەك بەردى، حايرگۇل دە ونىڭ وتباسىنىڭ ءبىر مۇشەسىنە اينالدى. بۇل جولى ول حايرگۇلگە كىتاپ، تۇرمىستىق بۇيىمدار جانە ءبىر پار سپورتتىق كيىم الا كەلىپتى.
«ياڭ اكەي وتە قاربالاس، ءبىراق مەن اۋىرىپ، قورىققان كەزىمدە، ول ءارقاشان جانىمنان تابىلدى»، - دەيدى حايرگۇل.
اۋىلدان شىعىپ، ءورىسى كەڭەيدى
اتۇش قالاسى گوليحۋا كيىم - كەشەك شەكتى سەرىكتەستىگىنىڭ ءوندىرىس سەحىندە، 55 جاستاعى گۇلنيسا 29 - ءنومىرلى ماشينانىڭ الدىندا وتىر، قولى تىگىن ماشيناسىنىڭ بەتىندە جەڭىل سىرعيدى. 2016 - جىلى 4 - ايدا اق تاياعىن تاستاپ، سەرىكتەستىككە كەلىپ وسى ورىنعا وتىرعان كۇن ونىڭ ءالى ەسىندە.
اتۇش قالاسى قاراجول اۋىلى گۇركىرە قىستاعىنىڭ تۇرعىنى گۇلنيسا بالا جاسىنان مال باعىپ ءوستى. 2006 - جىلى كۇيەۋى ناۋقاستان كوز جۇمدى. كۇيەۋىنىڭ اۋرۋىن ەمدەتۋ ءۇشىن، ول قويلارىن تۇگەلگە جۋىق ساتىپ جىبەرگەن.
2016 - جىلى ياڭ يجۇڭ گۇركىرە قىستاعىنىڭ ءبىرىنشى شۋجيى بولىپ تۇرعان كەزىندە، گۇلنيسا وعان كەلىپ، ءوزىنىڭ تاۋدان سىرتقا شىعىپ جۇمىس ىستەگىسى كەلەتىنىن، كەدەي بولىپ جۇرە بەرگىسى كەلمەيتىنىن ايتادى.
«اپەكەمىزدىڭ كەدەيلىكتەن قۇتىلۋ تىلەگى ەرەكشە كۇشتى ەكەن، مەن وعان كومەكتەسۋىم كەرەك». ياڭ يجۇڭ گۇلنيسانىڭ تىگىنشىلىك جۇمىسىن جاقسى كورەتىنىن بىلگەن سوڭ، جارتى ايعا جۋىق ادامدارمەن حابارلاسىپ، ىزدەستىرىپ، ونى گوليحۋا كيىم - كەشەك شەكتى سەرىكتەستىگىنە جۇمىسقا تۇرۋعا كورسەتتى.
«العاشىندا جۇمىسقا بىردەن جەتىسە المادىم، ياڭ شۋجي سەحتەگى قىزمەتتەستەرگە ماعان قارايلاسىپ قويۋدى تاپسىردى»، - دەدى گۇلنيسا. ول قىزمەتكە تەز ارادا ۇيلەسۋ ءۇشىن، ىرىقتىلىقپەن كەزەكشىلىك ىستەپ تەحنيكا ۇيرەندى. جاسى كەلىپ قالعاندىقتان ءبىر مەزگىل قىزمەت ىستەگەننەن كەيىن، كورۋ قۋاتى تومەندەپ، ءۇزىلىسسىز جۇمىسقا جەتىسە الماعاندىقتان، ءبىر جىلدىڭ الدىندا سەرىكتەستىك ونىڭ قىزمەت ورنىن اۋىستىرادى.
گۇلنيسا تۇڭعىش 1200 يۋان ايلىعىن العاننان كەيىن، 900 يۋانعا ءبىر توڭازىتقىش ساتىپ الادى، بۇل ونىڭ ومىرىندە تۇڭعىش رەت ءوز ەڭبەكاقىسىمەن وتباسىنا العان مۇلىگى ەدى.
گۋركىرە قىستاعىنان شىعىپ قالاعا بارىپ قىزمەت ىستەگەن تۇڭعىش قىزمەتكەر بولعاندىقتان، قىستاقتاعىلار ونىڭ وزگەرىسىن بايقاپ، سودان باستاپ سىرت جەرلەرگە شىعا باستايدى، تەك بيىلدىڭ وزىندە سىرتقا شىعىپ جۇمىس ىستەگەن قىستاق تۇرعىنى 20دان استى.
بورىشتىلىق سەزىممەن پارتياعا ىلەستى
50 نەشە جىلدىق پارتيا ستاجى بار ءشارىپ ءبورىحان اقساقال بيىل 78 جاسقا شىقتى، ول اتۇش قالاسى اتۇش قالاشىعى يىكساق قىستاعى مەملەكەت ورتاق ءتىل - جازۋىن ۇيرەنۋ كۋرسىنىڭ بەلسەندى مۇشەسى ءارى ياڭ يجۇڭنىڭ «ءازىلى جاراسقان» دوسى.
«ءار جولى ءشارىپ اقساقالمەن جولىققانىمدا، ماعان بۇقارانىڭ حالىققا تيىمدىلىك جاساۋ ساياساتتارىنان يگىلىكتەنىپ جاتقاندىعىن ايتا جونەلەدى، سونداي - اق ول تەلەۆيزور كورۋ، راديو تىڭداۋ سياقتى جولدارمەن پارتيا 19 - قۇرىلتايىنىڭ رۋحىن ۇيرەنەدى»، - دەدى ياڭ يجۇڭ.
ياڭ يجۇڭنىڭ ىقپالى مەن جەبەۋىندە، ءشارىپ وراي بولسا بولدى بۇقاراعا ۇگىت جۇرگىزىپ، كوپشىلىكتى ۇلتتار ىنتىماعىن كوز قاراشىقتارىنداي ايالاۋعا، وڭاي قولعا كەلمەگەن باقىتتى تۇرمىستى ايالاي بىلۋگە ءناسيحاتتايدى.
اعا بۋىن كوممۋنيستەر اۋەلگى ماقساتتى ۇمىتپادى، جاڭا ءداۋىردىڭ جاستارى دا اتتانىسقا كەلدى.
نۇربۇبۇ قادىردىڭ اۋىل - قىستاقتاعى وتباسى ايەلىنەن قىستاقتاعى زاپاس كادرعا اينالۋىنا نە ءبارى 2 جىل ۋاقىت كەتتى.
2016 - جىلى 3 - ايدا ياڭ يجۇڭ گۋركىرە قىستاعىندا حالىققا تيىمدىلىك جاساۋ ساياساتىنا قاتىستى لەكسيا جاسايدى. 37 جاستاعى نۇربۇبۇ ورنىنان تۇرىپ ورتاق تىلمەن ءوزىنىڭ بولاشاق جوسپارىن اڭگىمەلەپ، بالاسىنىڭ قالادان وقۋىن ءۇمىت ەتەتىندىگىن، ەرجەتكەن سوڭ سىرتقا شىعىپ، كوز اياسىن كەڭەيتۋىن قالايتىندىعىن ايتادى.
سودان باستاپ ياڭ يجۇڭ وعان دەم بەرىپ، اتۇش قالاسىنا بارىپ جۇمىس ىستەپ، شارۋاشىلىق قۇرۋعا شابىتتاندىرادى. ياڭ يجۇڭنىڭ شابىتتاندىرۋىندا نۇربۇبۇ وزىنە تولىق سەنىم ارتادى. ول اتۇش قالاسىنا بارىپ ىستەيتىن جۇمىس تابادى، بالالارى دا قالادان وقيدى. «ول قىستاقتاعى بارلىق وتباسىنا كوڭىل بولەدى، وتباسىلارىن قالدىرماي ارالاپ، قيىنشىلىقتارىن سۇراستىرىپ، قانداي كومەك كەرەكتىگىن ۇعىسىپ تۇرادى. ءبىر جولى ونىڭ ەرىندەرىنىڭ جارىلىپ كەتىپ بارا جاتقاندىعىن كوردىم. مەن ودان نەگە وسىنشا جاپا شەگىپ ىستەيسىز دەپ سۇراعانىمدا ول، مەن پارتيا مۇشەسىمىن دەپ جاۋاپ بەرەدى. پارتيا مۇشەسى ءوزى قانشا شارشاسا دا كوپشىلىكتى جاقسى تۇرمىسقا كەنەلتۋى كەرەك پە؟ وندا مەن دە پارتيا مۇشەسى بولامىن»، - دەپ نۇربۇبۇ ياڭ يجۇڭنىڭ بويىنان پارتيا مۇشەلەرىنىڭ وسكەلەڭ قاسيەتىن كورگەندىگىن، سونىمەن پارتيا ۇيىمىنا پارتياعا كىرۋ ءوتىنىشىن تەز ارادا تاپسىرعاندىعىن ەسكە الادى.
قازىر نۇربۇبۇ كانديدات پارتيا مۇشەسى. قىستاق تۇرعىندار كوميتەتى ونى قاجەت ەتكەن كەزدە ول قىستاققا قايتىپ كەلىپ قىزمەت ىستەيدى، سونداي - اق ءارقاشان وزىنە پارتيا مۇشەلەرىنىڭ ولشەمى بويىنشا تالاپ قويادى. ول ياڭ يجۇڭنان ۇيرەنىپ، ۇنەمى قىستاق تۇرعىندارىنىڭ وتباسىن ارالاپ تۇرادى، قىستاقتاعى 433 وتباسىن ول تەگىس ارالاپ شىقتى.
