اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) تۇراقتى مۇشەسى، بايىنعولين موڭعۇل اۆتونوميالى وبلىسى حىشۇنشياڭ ساۋدا سەرىكتەستىگىنىڭ باسالقاسى
بولداي
مەن موڭعۇل مالشى وتباسىندا دۇنيەگە كەلدىم، پارتيانىڭ ابزال ساياساتىنىڭ جەتەكشىلىگىندە كاسىپورىنشى بولىپ جەتىلىپ شىقتىم. وسىلاردىڭ بارلىعى پارتيانىڭ پارمەندى باسشىلىعىنىڭ، پارتيا ورتالىق كوميتەتىنىڭ شينجياڭعا باعىتتاعان حالىققا ءتيىمدى ءبىرسىپىرا ساياساتتارىنىڭ ارقاسىندا ىسكە استى. شينجياڭ − ەجەلدەن بەرى وتانىمىزدىڭ ايىرىلماس ءبىر بولىگى، وسى ارادا ۇزاق ۋاقىت تۇرمىس كەشىرىپ كەلگەن ءار ۇلت حالقى تۋىسقاندىق سۇيىسپەنشىلىك ورناتىپ، ەشكىم دە ءبىر - بىرىنەن ايرىلا المايتىن تاعدىرلاس ورتاق تۇلعا قالىپتاستىردى. الايدا شەكارا ءىشى - سىرتىنداعى «ءۇش ءتۇرلى كۇش» شينجياڭدى وتان قۇشاعىنان ءبولىپ اكەتۋ سۇرقيا ماقساتىنا جەتۋ ءۇشىن، «ءدىندى» جەلەۋ ەتىپ، «ۇلت» تونىن جامىلىپ، تاريحتى بۇرمالاپ، ءدىني ۇشقارى يدەيا تاراتىپ، زورلىقتى كۇش، لاڭكەستىك دەلولارىن جوسپارلاپ، تۋدىرىپ، شينجياڭداعى ءار ۇلت بۇقاراسىنىڭ ءومىرى مەن مال - مۇلىك حاۋىپسىزدىگىنە اۋىر زالال جەتكىزدى. «ءۇش ءتۇرلى كۇش» جونىنەن بىزدە تەك عانا ءبىر تالعام بار، ول − باتىل سوققى بەرىپ، وڭاي قولعا كەلمەگەن باقىتتى تۇرمىسىمىزدى قورعاۋ، جاراسىمدى، كورىكتى شينجياڭعا زورلىقتى كۇش لاڭكەستەردىڭ داق كەلتىرۋىنە استە جول بەرمەۋ.
ءبىز ۇلتتار ىنتىماعى مەن قوعام ورنىقتىلىعىن قورعاۋدىڭ دارىپتەۋشىسى جانە امالياتتا ايگىلەۋشىسى بولىپ، «ءۇش ءتۇرلى كۇشكە» قارسى تۋىمىز ايقىن، تۇرعىمىز بەرىك تۇردە كۇرەس جۇرگىزىپ، ولارعا بارار جەر، باسار تاۋ قالدىرماي، تىعىرىققا تىرەۋىمىز كەرەك. تەك بەرەكە - بىرلىكتى ساقتاپ، جاۋعا قارسى اتتانساق عانا، «ءۇش ءتۇرلى كۇشتىڭ» ورەكپىگەن اپتىعىن، ءسوز جوق، باسا الامىز، ءار ۇلت حالقىنىڭ وتاننىڭ تۇتاستىعىن بىرگە قورعاۋدىڭ، ۇلتتار ىنتىماعىن، قوعام ورنىقتىلىعىن قورعاۋدىڭ قۇرىش قورعانىن، ءسوز جوق، بەرىك سوعا الامىز.
مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرەمىن، تياناقتاندىرامىن، ۇلكەن دۇرىس پەن ۇلكەن بۇرىس ماسەلەسىندە باستان - اياق تانىمدا كۇڭگىرت بولمايمىن، پوزيتسيادا سولقىلداقتىق ىستەمەيمىن، ارەكەتتە اۋىتقىمايمىن، وي - سانامدى قاي - قاشان دا سەرگەك ۇستاپ، تۇرعىمدى تۋىم ايقىن تۇردە ايگىلەيمىن، نازارىمدى باس نىساناعا ونان ارى شوعىرلاندىرىپ، باس نىسانانى ءىس جۇزىندىك ارەكەتىم ارقىلى تياناقتاندىرامىن، قوعام ورنىقتىلىعىنىڭ جانە ۇلتتار ىنتىماعىنىڭ قورعاۋشىسى بولامىن، قوعام ورنىقتىلىعى مەن باياندى تىنىشتىقتى قورعاۋدىڭ، «ءۇش ءتۇرلى كۇشكە» سوققى بەرۋدىڭ قايسار جاۋىنگەرى بولامىن. مەن جالپىلىق مەنشىككە جاتپايتىن شارۋاشىلىق ۇيىمدارىنىڭ قايراتكەرلەرىن ىنتىماقتاستىرىپ جانە باستاپ، جاۋاپكەرشىلىكتى باتىل ارقالاپ، مىندەتتى ادا ەتىپ، ىرىقتىلىقپەن جۇمىس ىستەپ، باتىل ءۇن قاتىپ، ايقىن پوزيتسيا ءبىلدىرۋ قيمىلىن دەن قويا ورىستەتىپ، جالپىلىق مەنشىككە جاتپايتىن شارۋاشىلىق سالاسىنداعى «ەكىبەتكەيلەردى» باتىلدىقپەن الاستاپ، ولاردىڭ جالپىلىق مەنشىككە جاتپايتىن شارۋاشىلىق ۇيىمدارىنىڭ قايراتكەرلەرى قوسىنىنا جاسىرىنۋىنا، داق سالۋىنا مۇلدە جول بەرمەيمىن.
مەن «ۇلتتار ىنتىماعىنىڭ بەرەكەلى شاڭىراعى»، «كاسىپورىندار قىستاقتارعا كومەكتەسۋ» سياقتى قيمىلدارعا بەلسەنە قاتىناسىپ، جالپىلىق مەنشىككە جاتپايتىن شارۋاشىلىق ۇيىمدارىنداعى قايراتكەرلەردى قوعامدىق جاۋاپكەرشىلىكتى بەلسەنە اتقارۋعا تاربيەلەيمىن جانە جەتەكتەيمىن. جاڭا دامۋ ۇستانىمىن مۇقيات دايەكتىلەندىرىپ، جاقسى تياناقتاندىرىپ، جوعارى ساپالى دامۋدى ىلگەرىلەتەمىن. حالىق باسقارۋىنداعى كاسىپورىنداردى اۋىل - قىستاقتاردى كوركەيتۋ ستراتەگياسى مەن كەدەيلەردى دالمە - ءدال سۇيەمەلدەۋدى ارقاۋ ەتىپ، كاسىپ سالاسى بويىنشا كەدەيلەردى سۇيەمەلدەپ، اۋىل شارۋاشىلىق قوسىمشا ونىمدەرىن وندىرەتىن، مانەرلەيتىن ءبىر توپ كاسىپورىندى سۇيەمەلدەپ، جاپپاي دوڭگەلەك داۋلەتتى قوعام ورناتۋعا تيەسىلى ۇلەس قوسامىن.
