اۆتوكولىكتەر شولدەگى تۇڭعىش تاس جولدا زىمىراپ بارادى (6-ايدىڭ 12-كۇنى ۇشقىشسىز ۇشاقپەن تۇسىرىلگەن)
شينجياڭنىڭ تاكلاماكان ءشولى — ەلىمىزدەگى ەڭ ۇلكەن ءشول ءارى دۇنيەدەگى ەكىنشى ۇلكەن كوشپەلى قۇمدى ءشول. 1995-جىلى، تاكلاماكان شولىندەگى تۇڭعىش تاس جولدىڭ تۇتاس لەنياسىندا كولىك قاتىنادى، دۇنيەدەگى كوشپەلى قۇمدى ءشولدى كەسىپ وتەتىن ەڭ ۇزىن دارەجەلى بۇل تاس جولدىڭ جالپى ۇزىندىعى 522 كيلومەتر بولىپ، وڭتۇستىك شينجياڭنىڭ ەكونوميكالىق، قوعامدىق دامۋى مەن تارىمنىڭ مۇناي-گاز بايلىعىن بارلاۋ، اشۋداعى قاتىناس تامىرىن تۇتاستىردى. 2008-جىلى، شينجياڭدا تاكلاماكان شولىندەگى ەكىنشى تاس جول سالىنىپ، كولىك قاتىنادى، 424 كيلومەتر كەلەتىن بۇل تاس جول تاكلاماكان ءشولىنىڭ باتىس بولەگىن ەندەي ءوتىپ، سولتۇستىكتە ارال قالاسىنان حوتان ايماعىنىڭ حوتان قالاسىنا دەيىن تۇتاستى، الدا تاكلاماكان ءشولىنىڭ باتس سولتۇستىگىندەگى اقسۋ ايماعى مەن باتىس وڭتۇستىگىندەگى حوتان ايماعىن جالعاستىرادى. وسىدان كەيىن، بۇل ەكى تاس جول تاكلاماكاندى ۇشكە ءبولىپ، سولتۇستىك شينجياڭ مەن وڭتۇستىك شينجياڭنىڭ اراسىنداعى 500 كيلومەتردەن استام جول قىسقارىپ، تاسىمال جانە قارىم-قاتىناستىڭ توتە جولىنا اينالادى.