ءتىلشىمىز يۋان لەي 6 - ايدىڭ 14 - كۇنى ۇرىمجىدەن حابارلايدى. 6 - ايدىڭ 13 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، «تۇتاس رايوننىڭ جاڭا مەزگىلدەگى ەمدەۋ - دەنساۋلىق ساقتاۋ ىستەرىنە قاتىستى قىزمەتتى جاقسارتۋ، كەمەلدەندىرۋ جونىندەگى اتقارۋ پىكىرىنە» زەرتتەۋ جۇرگىزدى.
ماجىلىستە مىنالار اتاپ كورسەتىلدى: ەمدەۋ - دەنساۋلىق ساقتاۋ ىستەرىنىڭ دامۋى ءار وتباسىنىڭ، ءار ادامنىڭ ءتول مۇددەسىنە سايادى. پارتيا 18 - قۇرىلتايىنان بەرى، تۇتاس رايونىمىزداعى ءار دارەجەلى پارتكومدار، ۇكىمەتتەر ەمدەۋ - دەنساۋلىق ساقتاۋ قىزمەتىنە وسكەلەڭ ءمان بەرىپ، ءبىر قىدىرۋ ءونىمدى شارالاردى جولعا قويىپ، ەمدەۋدەن، دەنساۋلىق ساقتاۋدان قىزمەت كورسەتۋ قابىلەتىن جوعارىلاتىپ، قامتاماسىزدىق شارالارىن كۇشەيتىپ، «جاي سىرقاتتى اۋىلدان شىعارماي، سالماقتى سىرقاتتى اۋداننان شىعارماي، اۋىر، قاتەرلى سىرقاتتى شينجياڭنان شىعارماي ەمدەۋ» سىندى مەجەلىك نىسانانى نەگىزىنەن جۇزەگە اسىردى، رايونىمىزداعى ءار ۇلت بۇقاراسىنىڭ سالاماتتىق ورەسى كورنەكتى جوعارىلادى، دەسەدە ەكونوميكانىڭ، قوعامنىڭ ۇزدىكسىز تەز دامۋىمەن ىلەسە، ەمدەۋ - دەنساۋلىق ساقتاۋ ىستەرىنىڭ دامۋى ءالى دە كوپتەگەن قيىنشىلىقتار مەن ماسەلەلەرگە ءدوپ كەلۋدە. جاڭا مەزگىلدەگى جاڭا ورنالاستىرۋ، جاڭا تالاپتار الدىندا، تۇتاس رايونىمىزداعى ەمدەۋ - دەنساۋلىق ساقتاۋ قىزمەتىن جاقسارتۋ جانە كەمەلدەندىرۋ حالىقتىڭ اقاۋسىزدىعىنا كەپىلدىك ەتۋ، سالاماتتى جۇڭگونى، سالاماتتى شينجياڭدى جۇزەگە اسىرۋ ستراتەگياسىن ىلگەرىلەتۋ جانە قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جونىنەن ماڭىزدى مانگە يە.
ماجىلىستە مىنالار باسا دارىپتەلدى: جاڭا مەزگىلدەگى ەمدەۋ - دەنساۋلىق ساقتاۋ قىزمەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، حالىقتى وزەك ەتكەن دامۋ يدەياسىندا تاباندى بولىپ، دۇرىس دەنساۋلىق ساقتاۋ، سالاماتتىق قىزمەت باعىتىندا تاباندى بولىپ، حالىقتىڭ سالاماتتىق ورەسىن جوعارىلاتۋدى وزەك، ءتۇزىلىس - مەحانيزم رەفورماسىن، جاڭالىق اشۋدى قوزعاۋشى كۇش ەتىپ، سالاماتتىق سالاسى دامۋىنىڭ فورماسىندا جەدەل بۇرىلىس جاساپ، رايونىمىزداعى ءار ۇلت بۇقاراسىنىڭ سالاماتتىعىن جان - جاقتى، تۇتاس پەريود بويىنشا قورعاپ جانە وعان قامتاماسىزدىق ەتىپ، سالاماتتىق ورەسىن ۇزدىكسىز جوعارىلاتىپ، شينجياڭنىڭ قوعام ورنىقتىلىعى مەن باياندى تىنشىتىق باس نىساناسىن جۇزەگە اسىرۋدىڭ سالاماتتىق نەگىزىن بەكەمدەۋ كەرەك.
