تيانشان تورى
تيانشان تورى   ›   جاڭالىقتار   ›   سۋرەتتى حابار

ورتالىقتىڭ تەكسەرۋ - زەرتتەۋ گرۋپپاسى شينجياڭعا كەلىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىن تەكسەردى

چىن چۋانگو، جاۋ كىجى، سۇن جينلۇڭ، جۋ حايلۇن قاتىستى قيمىلدارعا قاتىناستى

  تىلشىلەرىمىز ياۋ تۇڭ، دۇڭ شاۋحۋا، لي شيڭ 6 - ايدىڭ 15 - كۇنى ۇرىمجىدەن حابارلايدى. 6 - ايدىڭ 11 - كۇنىنەن 15 - كۇنىنە دەيىن مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترى جاۋ كىجى تەكسەرۋ - زەرتتەۋ گرۋپپاسىن باستاپ شينجياڭعا كەلىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو قاتىستى قيمىلدارعا قاتىناستى.

  جاۋ كىجى تەكسەرۋ - زەرتتەۋ گرۋپپاسىن باستاپ ىلگەرىندى - كەيىندى ءۇرىمجى قالاسىنا، حوتان ايماعىنا، قاشقار ايماعىنا، قىزىلسۋ قىرعىز اۆتونوميالى وبلىسىنا جانە شينجياڭ ءوندىرىس - قۇرىلىس بيڭتۋانىنىڭ 14 - شىسىنا بارىپ، قوعام حاۋىپسىزدىگى نەگىزگى ساتى ورىندارى مەن شەكارا ءبىرىنشى شەپتەرىن ارالاپ قىزمەت تەكسەردى ءارى كوپ رەتكى اڭگىمە ءماجىلىستى باسقارىپ اشىپ، شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ قىزمەتىن ونان ارى جاقسى ىستەۋ جونىندەگى ۇسىنىس - پىكىرلەردى تىڭدادى.

  6 - ايدىڭ 15 - كۇنى تۇستەن بۇرىن تەكسەرۋ - زەرتتەۋ گرۋپپاسىنداعىلار مەن اۆتونوميالى رايوندىق پارتكوم اڭگىمە ءماجىلىس وتكىزدى. چىن چۋانگو سوزىندە اۆتونوميالى رايوندىق پارتكوم، ۇكىمەت جانە بۇكىل شينجياڭداعى ءار ۇلت حالقى اتىنان قوعام حاۋىپسىزدىگى مينيسترلىگى سياقتى مەملەكەتتىڭ مينيسترلىك - كوميتەتتەرىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا شىنايى العىس ءبىلدىردى. چىن چۋانگو بىلاي دەدى: اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارانى تىڭعىلىقتى جۇرگىزىپ، ءورىس اشا جاڭالىق اشىپ، باس الماي ىستەدى، شينجياڭدا جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي قالىپتاستى. بۇل ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ كورەگەن دانىشپاندىعىنىڭ، قوعام حاۋىپسىزدىگى مينيسترلىگى سياقتى مەملەكەتتىڭ مينيسترلىك - كوميتەتتەرىنىڭ زور كۇشپەن قولداۋىنىڭ ارقاسى. چىن چۋانگو بىلاي دەدى: ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن جان - جاقتى دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، ساقتىق دابىلىن ۇزبەي قاعىپ، قىراعىلىقتى ۇزدىكسىز ارتتىرىپ، كەشەندى شارا قولدانىپ، ۇستىنەن وڭاۋ مەن تۇبىرىنەن وڭاۋدى تەڭ جۇرگىزىپ، ۇزاق ۋاقىت شايقاس جاساۋ يدەياسىن بەرىك ورناتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن تىڭعىلىقتى جۇرگىزىپ، شينجياڭ قوعامىنىڭ جالپى جاعدايىنىڭ ءۇرتىس جاراسىمدى، ورنىقتى بولۋىنا كەپىلدىك ەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتىپ، تۇتاس رايونداعى ءار ۇلت حالقىنا باقىت جاراتامىز.

  جاۋ كىجى سوزىندە مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ جەتەكشىلىگىندە، شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ قىزمەتى ەلەۋلى كەزەڭدىك تابىستارعا قول جەتكىزىپ، بۇكىل ەلىمىزدىڭ قوعام ورنىقتىلىعى مەن لاڭكەستىككە قارسى تۇرۋ كۇرەسىنە ماڭىزدى ۇلەستەر قوستى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «4 تانىمدى» ۇزدىكسىز كۇشەيتىپ، «4 سەنىمدى» ۇزدىكسىز بەكەمدەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، شينجياڭداعى لاڭكەستىككە قارسى تۇرىپ، ورنىقتىلىقتى قورعاۋ قىزمەتىن جاقسى ىستەۋدىڭ ماڭىزدىلىعىن، جاپالىلىعىن جانە ۇزاق ۋاقىتتىلىعىن جەتە تانىپ، شينجياڭدى زاڭمەن جونگە سالۋدان، شينجياڭدى ىنتىماقتاسا ورنىقتىرۋدان، شينجياڭدى باياندى كوركەيتۋدەن جازباي، ۇستىنەن وڭاۋ مەن تۇبىرىنەن وڭاۋدى تەڭ جۇرگىزۋگە، كەشەندى شارا قولدانۋعا تاباندى بولىپ، ورنىقتىلىق بارىسىندا ىلگەرىلەپ، ۇزاق ۋاقىت كۇش سالىپ، شينجياڭنىڭ قوعام ورنىقتىلىعى مەن باياندى تىنىشتىعىن بۇلجىماستان ىلگەرىلەتۋ كەرەك. شينجياڭ قىزمەتىنىڭ باس نىساناسىن مىقتاپ ارقاۋ ەتىپ، لاڭكەستىككە قارسى تۇرۋ سىندى ارقاۋدى باستان - اياق بەرىك شيراتىپ، قاتاڭ سوققى بەرۋ ارناۋلى كۇرەسىن ۇزدىكسىز تەرەڭدەتىپ، «ۇشقارىلىقتى الاستاۋ» قىزمەتىن ىشكەرىلەي ىلگەرىلەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن بار كۇشپەن تىڭعىلىقتى جۇرگىزۋ كەرەك. پارتيا، ۇكىمەت، ارميا، ساقشى، بيڭتۋان، حالىق «6 جاق ءبىرتۇلعالانعان» قىزمەت مەحانيزمىن كەمەلدەندىرىپ، ستەرەولدانعان، زەردەلىلەنگەن شەكارالىق باسقارۋ قۇرىلعىلارىن كەمەلدەندىرىپ، شەكارالىق قورعانىستى كۇشەيتىپ، شەكارانى بەكەمدەۋدىڭ قۇرىش قورعانىن شىن مانىندە ورناتۋ كەرەك. قاتاڭ، ولشەمدى، ءادىل، وركەنيەتتى زاڭ اتقارۋدا تاباندى بولىپ، ءونىمدى شارالاردى ۇزدىكسىز بەكەمدەپ، كەمەلدەندىرىپ، قوعام اماندىعىن جان - جاقتى جونگە سالۋدى جاپپاي كۇشەيتىپ، اناعۇرلىم جوعارى دەڭگەيدەگى زاڭمەن جونگە سالىناتىن شينجياڭدى، تىنىش شينجياڭدى قۇلشىنا قۇرۋ كەرەك. پارتياعا ادال بولۋ، حالىق ءۇشىن قىزمەت ىستەۋ، زاڭدى ءادىل اتقارۋ، ءتارتىپتى قاتايتۋ تالاپتارىن ادالدىقپەن امالياتتا ايگىلەپ، پارتياعا ابسوليۋتتى ادال، پارتيا مەن حالىقتى رازى ەتەتىن ىسىلعان قوعام حاۋىپسىزدىگى قوسىنىن كۇش سالا تۇلعالاپ، جاڭا داۋىردە مەملەكەت حاۋىپسىزدىگى مەن قوعام ورنىقتىلىعىن قورعاۋدىڭ مىندەت - بورىشىن شىن مانىندە ارقالاۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، قوعام حاۋىپسىزدىگى مينيسترلىگى پارتكومىنىڭ مۇشەسى، لاڭكەستىككە قارسى تۇرۋ ارناۋلى قىزمەتكەرى ليۋ يۋەجين، ءادىليا مينيسترلىگىنىڭ ورىنباسار مينيسترى ليۋ جىچياڭ قاتىستى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.