ءۇرىمجى قالالىق پارتكومنىڭ تۇراقتى مۇشەسى
باقىت قىدىرباي ۇلى
پارتيا مەن حالىقتىڭ تالاي جىل باۋلىپ - تاربيەلەۋىندە بولعان، وتان ۇلى شاڭىراعىنىڭ مەيىر - شاپاعاتىن تەرەڭ سەزىنگەن قازاق ۇلتىنان شىققان باسشى كادر رەتىندە، مەن جۇڭگو كوممۋنيستىك پارتياسىنا شىنايى دا تەرەڭ العىس ايتامىن، مەن پارتيانىڭ قامقورلىعى، ۇيىمنىڭ تاربيەلەۋى بولماسا، بۇگىنگى كۇنىمنىڭ بولمايتىنىن ابدەن بىلەمىن. تيانشاننىڭ تۇستىگى مەن تەرىستىگىنە كوز جىبەرەيىك، ەكونوميكا ۇشقان قۇستاي دامىدى، قوعامدىق ىستەر جاپپاي العا باستى، ۇلتتار ىنتىماعى بارعان سايىن بەكەمدەلدى، قوعامدىق تۇرمىس جاراسىمدى، ورنىقتى بولا ءتۇستى، ءار ۇلت حالقى جايلى قونىستانىپ، الاڭسىز تىرشىلىك ەتتى، كوركەيىپ - گۇلدەنگەن، ومىرشەڭدىك كۇشى جالىنداعان جاعداي جۇڭگو كوممۋنيستىك پارتياسىنىڭ دانىشپان باسشىلىعىنىڭ جەمىسى.
«ءۇش ءتۇرلى كۇش» شينجياڭدى ۇلى وتاننان ءبولىپ اكەتۋگە ۇرىنىپ، زورلىقتى كۇش، لاڭكەستىك دەلولارىن تۋدىرىپ، مەملەكەتتىڭ حاۋىپسىزدىگىنە اۋىر زالال جەتكىزدى، زاڭنىڭ بەدەلىن اۋىر دارەجەدە اياققا تاپتادى، ءبىزدىڭ قالىپتى ءوندىرىس، تۇرمىس ءتارتىبىمىزدى اۋىر دارەجەدە بىلىقتىردى، ءار ۇلت بۇقاراسىنىڭ ءومىرى مەن مال - مۇلىك حاۋىپسىزدىگىنە اۋىر زيان جەتكىزدى، ءبىزدىڭ بەيبىت، تىنىش قوعامدىق ورتامىزدى اۋىر دارەجەدە ءبۇلدىردى، «ءۇش ءتۇرلى كۇش» وتاننىڭ تۇتاستىعىنا، ۇلتتاردىڭ ىنتىماعىنا زالال جەتكىزگەن ۋلى وسپەگە اينالدى. «ءۇش ءتۇرلى كۇشتىڭ» بۇلدىرۋىنە مەن استە ءتوزىپ تۇرا المايمىن، «ءۇش ءتۇرلى كۇشپەن» ەشقاشان وتاسا المايمىن، مەن جۇڭگو كوممۋنيستىك پارتياسىنىڭ باسشىلىعىن تاباندىلىقپەن باتىل قورعاپ، بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە سانالىلىقپەن تۇرىپ، بۇقارانى بولشەكتەۋشىلىككە قارسى تۇرۋ كۇرەسىن ورىستەتۋگە باستايتىن اتويشى بولامىن، ءار ۇلت بۇقاراسىن ىنتىماقتاستىرىپ، زاڭمەن ويناۋعا باتىلى بارعان سول ءبىر زاڭسىز قىلمىستى ەلەمەنتتەرگە اياۋسىز سوققى بەرىپ، ولاردى سىلەيتە سوققىلاپ، مۇلدە اياۋشىلىق ىستەمەيتىن پوزيتسيامەن جاۋ اپتىعىن باسامىن. شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتاپ، «ءۇش ءتۇرلى كۇشتىڭ» زالالىن جاپپاي ايقىن تانىپ، «ءۇش ءتۇرلى كۇشتىڭ» ءوسىپ - ونەتىن ورتاسىن باتىل الاستاپ، وڭاي قولعا كەلمەگەن تىنىش تۇرمىسىمىزدى قورعايمىن.
مەن ءوز مىندەتىم مەن جاۋاپكەرشىلىگىمدى قاي - قاشان دا ەسىمدە بەرىك ساقتاپ، ساياسي ءتارتىپ پەن ساياسي قاعيداعا قاتاڭ بويسۇنىپ، باس نىسانا ارقىلى ەرىك - جىگەرىمدى، يدەيامدى، ارەكەتىمدى، قادامىمدى بىرلىككە كەلتىرىپ، از ۇلت كادرىنىڭ ارتىقشىلىقتارىن مۇمكىندىگىنشە ساۋلەلەندىرەمىن، ءار ۇلت بۇقاراسىن مۇمكىندىگىنشە ىنتىماقتاستىرامىن، پارتيا مەن حالىق تۇرعىسىنان باستان - اياق تيتتەي دە اۋىتقىماي، «ءۇش ءتۇرلى كۇشكە» جانە ونىڭ قول شوقپارى «ەكىبەتكەيلەرگە» قارسى باتىل كۇرەس جۇرگىزەمىن. ءبىز قىراعىلىعىمىزدى ارتتىرىپ، اق پەن قارانى انىق پارىقتاپ، تاسادا جۇرگەن «ەكىبەتكەيلەردىڭ» قالدىقتارىن تۇگەلدەي تاۋىپ شىعۋىمىز، ولاردى زاڭ تورىنا ءتۇسىرۋىمىز، زورلىقتى كۇش، لاڭكەستىك قيمىلداردى وربىتەتىن ورتا مەن پەردە ارتىنداعى قارا قولداردى باتىلدىقپەن تىپ - تيپىل قۇرتىپ، ءتۇپ تامىرىمەن تازالاپ، تۇگەلدەي الاستاۋىمىز كەرەك.
