تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

سۇيىسپەنشىلىكتەرى توعىسقان ءبىر ۇيدەگى 4 جان

ءتىلشىمىز سۋ لۋپيڭ

  6 - ايدىڭ 12 - كۇنى تۇستە، تەلەفوندا تايىر ەركىننىڭ تۇماۋراتىپ قالعان داۋىسىن ەستىگەن ليۋ جىجۇن شەشەي ۇيىندە بايىزداپ وتىرا الماي، ءدارى دۇكەنىنەن تۇماۋ ءدارىسىن ساتىپ الىپ، ءۇرىمجى قالاسى سايباق رايونى حۋانۋي جولى اۋماعى شيفۋتۇن الەۋمەتتىك اۋماعىنا باردى. الەۋمەتتىك اۋماقتىڭ مەڭگەرۋشى تايىر ەركىنمەن تۋىستاسقاننان بەرى، ليۋ جىجۇننىڭ 4 جاننان قۇرالعان ءۇيى مەيىر شۋاعىنا بولەنە ءتۇستى.

  2016 - جىلى 11 - ايدا «ۇلتتار ىنتىماعىنىڭ بەرەكەلى شاڭىراعى» قيمىلىندا الەۋمەتتىك اۋماقتا قىزمەت ىستەگەنىنە كوپ ۋاقىت بولماعان تايىر 67 جاستاعى الەۋمەتتىك اۋماق تۇرعىنى ليۋ جىجۇنمەن تۋىس بولدى. ليۋ جىجۇننىڭ بالاسى ۋاڭ چىڭگاڭ سالماقتى ناۋقاسقا شالدىققان، ءار اپتادا 3 رەت شيپاحاناعا بارىپ ەمدەلەدى. وتباسىنىڭ اۋىرتپالىعىن جەڭىلدەتۋ ءۇشىن، ليۋ جىجۇن زەينەتكە شىققاننان كەيىن سىرتقا شىعىپ جۇمىس ىستەيدى، كۇيەۋى ەكەۋى زەينەتاقىسىن تۇگەلدەي بالاسىن ەمدەتۋگە جۇمسايدى.

  تايىر ليۋ جىجۇن وتباسىنا ءتىپتى جاقسى قارايلاسۋ ءۇشىن، ۋاڭ چىڭگاڭدى ەمدەتەتىن شيپاحانا تاۋىپ، ناۋقاس جاعدايىن، ەمدەۋ جوباسىن جانە جۇمسالاتىن قاراجاتتى تاپتەشتەي ۇعىسادى. ساياسات جول بەرگەن كولەمدە تايىر ۋاڭ چىڭگاڭنىڭ ەڭ تومەنگى تۇرمىس قاراجاتىن، سالماقتى ناۋقاس كومەك قاراجاتىن الۋدى ءوتىنىش ەتۋىنە كومەكتەسەدى، تاعى وعان سوزىلمالى سىرقات داپتەرىن الىپ بەرەدى. كوپ جاقتى بايلانىس جاساۋ ارقىلى تايىر ۋاڭ چىڭگاڭدى الەۋمەتتىك اۋماق ماڭىنداعى ەكونوميكالىق قيىنشىلىعى بارلارعا كومەكتەسۋ شيپاحاناسىنا اۋىستىرىپ جاتقىزىپ، قىرۋار شىعىندى ۇنەمدەپ قالادى. ۋاقىتى شىعا قالسا ۋاڭ چىڭگاڭدى كولىككە وتىرعىزىپ شيپاحاناعا اپارىپ ەمدەتەدى، ۋاقىت قىسىلتاياڭ كەزدەرى، ونى شيپاحانا جەتكىزىپ قويادى. ءار جولى كەزدەسكەندە، ەكەۋىنىڭ سوزدەرى تاۋسىلىپ بەرمەيدى، وتكەندى، قازىرگىنى، بولاشاقتى اڭگىمەلەيدى.

  بيىل 1 - ايدىڭ ءمالىم كەشى، قاپالاقتاپ قار جاۋىپ تۇرعان، ۋاڭ چىڭگاڭنىڭ اسحانا ۇيىنە ۇستىڭعى قاباتتاعى ۇيدەن سۋ ءوتىپ كەتەدى. امالى تاۋسىلعان ۋاڭ چىڭگاڭ تايىرعا تەلەفون شالادى. «تاڭعى ساعات 1دەن اسقان كەز ەدى، ءىنىم تەلەفوندى قويا سالا جەتىپ كەلدى دە، بالاعىن تۇرە سالىپ تەگەنەمەن سۋدى توكتى، ونان كورشى لۋ ۇستازبەن بىرگە ۇستىڭگى قاباتتاعى ۇيگە بارىپ، ءۇي يەسىمەن بىرگە جارىلىپ كەتكەن قۇبىردى جوندەدى»، - دەدى ۋاڭ چىڭگاڭ اسەرلى سەزىممەن.

  «تايىردىڭ ءسوزى از ەدى، ونىڭ كوپتەگەن جاقسى ىستەر ىستەگەنىن مەن كورشى - قولاڭداردىڭ اۋزىنان ەستىدىم»، - دەپ ءسوزىن ساباقتاعان ليۋ جىجۇن تايىردى اۋىزعا العاندا ماقتانا ءتىل قاتتى: باستاماشىلدىقپەن جول جوندەدى، داۋ - دامايدى جاراستىردى، قارتتارعا كومەكتەسىپ، بالالاردى ايالاي ءبىلدى... الەۋمەتتىك اۋماقتىڭ بارلىق جەرىنەن تايىردىڭ قاراسىن كورۋگە بولادى، قايدا ماسەلە بولسا، ول سول زامان پايدا بولادى.

  تايىردىڭ جاقسىلىعىن ۇمىتپاعان ليۋ جىجۇن ۇنەمى وعان امانداسىپ بارىپ تۇرادى. «ءبىر رەت اپاي مەنىڭ ابىرجىعان كۇيىمدى كورىپ، مەنەن <قانداي ىسكە كەزىكتىڭ؟> دەپ سۇرادى، مەن ول كىسىگە ايتىپ ەدىم، ول كىسى مەنى <ءبارى دە ءوتىپ كەتەدى> دەپ جۇباتتى. ول كىسىمەن اڭگىمەلەسسەم كوڭىلىم ورنىعىپ قالادى. كەي كەزدەرى ءتىپتى ول كىسىنى شەشەمنەن دە قۇنىتتى ما دەپ قالامىن. ءبىر رەت قىزمەتتەسىم اياعىن قايىرىپ الادى، اپاي تۇسكى دەمالىسى كەزىندە جاراعا جاعاتىن سپيريتتى الىپ الەۋمەتتىك اۋماققا كەلىپ، ونىڭ اياعىن ءدارى جاعىپ ۋقالاپ بەردى، ول كىسى بىزگە ءوز انامىزداي سۇيىسپەنشىلىك باعىشتادى، اسەرلەنگەنىمىزدەن كوزىمىزگە جاس الدىق. ليۋ جىجۇن سياقتى انامىزدىڭ بولۋى ءبىز ءۇشىن ۇلكەن باقىت»، - دەدى تايىر.

  سۇيەمەلدەپ كومەكتەسۋدەن ىشكەرىلەي ارالاسىپ، ءبىرىن - ءبىرى ءتۇسىنىپ، ءوزارا شابىتتاندىرىپ، ءبىر - بىرىنە كومەكتەستى، 4 جاننان قۇرالعان بۇل وتباسىنان ءالى تالاي جۇرەك تەبىرەنتەرلىك اڭگىمەلەر شىعاتىندىعى، ءسوزسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى