وڭتۇستىك اۆياتسيا سەرىكتەستىگىنىڭ وڭتۇستىك شينجياڭ ءوڭىرىن اينالىپ ۇشاتىن تۇڭعىش اۋە جەلىسى اشىلدى

　　ءتىلشىمىز ما ينيڭ 6 - ايدىڭ 15 - كۇنى ۇرىمجىدەن حابارلايدى. 6 - ايدىڭ 15 - كۇنى شينجياڭداعى تۇڭعىش وڭتۇستىك شينجياڭدى اينالىپ ۇشاتىن اۋە جەلىسى − قاشقار - حوتان - اقسۋ اۋە جەلىسى رەسمي ىسكە قوسىلدى، بۇل اۋە جەلىسى وڭتۇستىك اۆياتسيا سەرىكتەستىگىنىڭ شينجياڭ كولەمىندە اينالىپ ۇشاتىن بۇرىنعى اۋە جەلىسىمەن جانە تىزبەكتى اۋە جەلىسىمەن قوسىلىپ، وڭتۇستىك شينجياڭداعى 3 ايماقتىڭ جولاۋشىلارىنا ءجۇرىس - تۇرىس جاعىندا كوپ قولايلىلىق جاراتادى.

　　وڭتۇستىك اۆياتسيا سەرىكتەستىگىنىڭ بۇل جولعى جاڭادان اشقان قاشار - حوتان - اقسۋ اۋە جەلىسىندە قاتىنايتىن كەزەكشى ۇشاقتىڭ ءنومىرى 1/CZ8562، ءار كۇنى ءبىر كەزەك قاتىنايدى. اۋە جەلىسى ىسكە قوسىلعاننان كەيىن، ءاربىر ۇشۋ ارالىعىنا ءبىر ساعاتقا جەتپەيتىن ۋاقىت عانا جۇمسالىپ، ۇشۋ ۋاقىتى بارىنشا قىسقاردى. مۇنان تىس، جاڭا اۋە جەلىسى وڭتۇستىك اۆياتسيا سەرىكتەستىگىنىڭ بۇرىنعى ءۇرىمجى - حوتان، ءۇرىمجى - قاشقار، قاشقار - قۇلجا - التاي، قاشقار - شىحىزى - جىڭجوۋ، قاشقار - كورلا - شي - ان سياقتى شينجياڭ كولەمىندەگى تىزبەكتى جەلىلەرىمەن، شينجياڭنان ىشكى ولكەلەرگە قاتىنايتىن اۋە جەلىلەرىمەن قوسىلىپ، شينجياڭ كولەمىندەگى اۋە جەلىسىن ونان ارى كوبەيتتى، وتە - موتە، اقسۋ، حوتان، قاشقار سىندى 3 ايماقتاعى جۇمىس بابىمەن ساپار شەگەتىن جانە تۋىسشىلايتىن جولاۋشىلارعا زور قولايلىلىق جاراتتى.

　　تاياۋ جىلداردان بەرى، وڭتۇستىك اۆياتسيا سەرىكتەستىگى ازيا - ەۆروپا حالىقارالىق اۋە تورابى قۇرىلىسىن جەدەلدەتۋدىڭ ارقاسىندا، سەرىكتەستىكتىڭ شينجياڭ كولەمىندەگى جولاۋشى تاسىمالداۋ مولشەرى، جۇك تاسىمالداۋ مولشەرى تەز قارقىنمەن ارتتى. وڭتۇستىك اۆياتسيا سەرىكتەستىگى شينجياڭنىڭ جەرى كەڭ، ۇشاق قاتىناعان ورىن بىتىراندى ورنالاسقان ەرەكشەلىگىنە باعىتتاي وتىرىپ، كورلا، قۇلجا، قاشقار 3 جەردىڭ ارالىعىندا قايشالىسا ۇشاتىن اۋە جەلىلەرىن، ءۇرىمجى - قۇلجا - التاي، ءۇرىمجى - قاشقار - قۇلجا سياقتى شينجياڭ كولەمىندە اينالىپ ۇشاتىن اۋە جەلىلەرىن ىركەس - تىركەس اشتى.

　　ساناققا قاراعاندا، 2018 - جىلى جاز، كۇز ماۋسىمدارىندا وڭتۇستىك اۆياتسيا سەرىكتەستىگىنىڭ شينجياڭدا ىسكە قوسقان اۋە جەلىسى 100گە، شينجياڭنان شىعىسقا قاراي تىكە قاتىنايتىن اۋە جەلىسى 22گە، اۋە جەلىسى تۇتاسقان ورىن 78گە جەتىپ، نەگىزگى جەلى مەن قوسالقى جەلى توعىسقان، جول ورتادا دامىلداپ ۇشۋعا بولاتىن توراپ جۇلگەسىن قالىپتاستىردى.