تيانشان تورى   ›   جاڭالىقتار   ›   ساياحات

مەرەكە كەزىندە رايونىمىزدىڭ جەر - جەرى الۋان فورماداعى ساياحات قيمىلدارىن ورىستەتەدى

  ورازا ايت مەرەكەسى، قياق كۇرىش مەرەكەسى كەزىندە رايونىمىزدىڭ ايگىلى كورىنىس تۇيىندەرى ءبىرسىپىرا ساياحات تاقىرىپتىق قيمىلداردى جانە حالىققا ءتيىمدى شارالاردى ورتاعا قويىپ، ءار ۇلت بۇقاراسىنىڭ جانە ساياحاتشىلاردىڭ الۋان فورماداعى ساياحات مادەنيەت قيمىلدارىنان مەيىلىنشە ءلاززات الىپ، مەرەكەنى جاقسى وتكىزۋىنە مۇمكىندىك تۋدىرادى.

  تيانشاننىڭ، بوعدا كولىنىڭ كوركەم كورىنىسىن تاماشالاپ، ۇلتتىق عۇرىپ - ادەت ويىندارىن كورىپ، ءتاتتى قياق كۇرىشتەن تەگىن ءدام تاتتى... مەرەكە كەزىندە، سانجى حۇيزۋ اۆتونوميالى وبلىسى كوپ ءتۇرلى تاقىرىپتىق قيمىلداردى جانە تيىمدىلىك شارالاردى ورتاعا قويدى. سانجى قالاسى «جىبەك جولىنداعى گۇل داۋرەن . سانجىنى ساياحاتتاۋعا ۇسىنىس ەتەمىن» اتىنداعى 100 كۇندىك جەلىلەس ساياحات قيمىلدارىن وتكىزەدى؛ فۋكاڭ قالاسى ۋاڭمۋ شاپتول باقشاسى «اكەممەن بىرگە شاتتانامىن» اتىنداعى قيمىل وتكىزەدى، بۇنىڭ ىشىندە، 60 جاستان اسقان قاريالار ازاماتتىق كۋالىگىن كورسەتسە بولعانى، كورىنىس رايونىنا تەگىن كىرە الادى، ۇل - قىزدارى اكە - شەشەسىمەن بىرگە ۋاڭمۋ باقشاسىنا كەلسە، جارىم باعادان يگىلىكتەنەدى؛ دۋشى ساياحات - ساناتوريا رايونى ەسىك بەلەتىن المايدى، ايداعار قايىق جارىسى، شىراق جۇمباعىن شەشۋ، قياق كۇرىشتەن ءدام تاتۋ، تولقىن قۋماق، زەرتتەۋ، گۇل تاماشالاۋ سياقتى قيمىلداردى وتكىزەدى.

  التايداعى ايگىلى ساياحات ورىندارى نەگىزگى قۇرىلعىلاردى ۇزبەي كەمەلدەندىرىپ، قىزمەت كورسەتۋ ورەسىن كوتەرۋمەن بىرگە، حالىققا ءتيىمدى ءبىرسىپىرا شارالاردى جانە تاقىرىپتىق قيمىلداردى ورتاعا قويدى. 6 - ايدىڭ 16 - كۇنىنەن 18 - كۇنىنە دەيىن، كوكتوعاي كورىنىس رايونى 2018 - جىلعى جاقۇت اڭعارىنان جاقۇت ىزدەۋ . ءۇي كولىگىمەن دەربەس ساياحاتتاۋ قيمىلىن ورتاعا قويدى. ساياحاتشىلار ميكرو بەينە بايان سياقتى شاعىن بەينە بايان ارقىلى كورىنىس رايونىنا قاتىستى مازمۇنداردى بەلگىلەنگەن تۇعىرعا جىبەرىپ، بەينە بايان جالعاماسىن جەرگىلىكتى ورىننىڭ رەسمي سايتىنا جولداسا، سيلىق الۋ ورايىنا يە بولادى. 6 - ايدىڭ 18 - كۇنى، شينجياڭدىق تۇرعىندار ازاماتتىق كۋالىگىمەن كوكتوعاي كورىنىس رايونىنىڭ جارىم باعاداعى ەسىك بەلەتىنەن يگىلىكتەنەدى.

  بايىنعولين موڭعۇل اۆتونوميالى وبلىسىنداعى بايىنبۇلاق كورىنىس رايونىنىڭ ەسىك بەلەتى %20 ارزانداتىلادى، تۋىلعان كۇندەرى 6 - ايدىڭ 16 -، 17 -، 18 -كۇنىنە تۋرا كەلەتىن ساياحاتشىلار ازاماتتىق كۋالىگىمەن كورىنىس رايونىنىڭ ءبىر ەسىك بەلەتىن تەگىن الا الادى، بيىل جوعارى مەكتەپ ەمتيحانىنا قاتىناسقان وقۋشىلار ازاماتتىق كۋالىگى نەمەسە ەمتيحان بەرۋ كۋالىگى ارقىلى كورىنىس رايونىنىڭ ءبىر ەسىك بەلەتىن تەگىن الا الادى. 6 - ايدىڭ 17 - كۇنىنەن 18 - كۇنىنە دەيىن، حوشۇت اۋدانى جينشاتان كورىنىس رايونىندا ايداعار قايىق جارىسى وتكىزىلەدى. وسى كورىنىس رايونىن باسقارۋ كوميتەتىندەگى قىزمەتكەردىڭ تانىستىرۋىنشا، 9 ادام ءبىر قايىققا وتىرىپ 500 مەتر ارالىقتا جارىسادى ەكەن. بۇدان تىس، كورىنىس رايونى بالىق اۋلاۋ، قايىق ەسۋ، سۋعا سۇڭگۋ، سۋ ءۇستى پاروشوتى، ساداق اتۋ، جاعاجاي ۆولەيبولى سياقتى ءتۇرلى قىزىقتى كوڭىل اشۋ نىساندارىن ورنالاستىرعان. يانجي حۇيزۋ اۆتونوميالى اۋدانى بۇكىل ەلدەگى ساياحاتشىلاردى شياڭسىحۋ كورىنىس رايونىنا كەلىپ مادەنيەت ساياحات قيمىلدارىنا قاتىناسۋعا ۇسىنىس ەتتى. قيمىل كەزىندە، حالىقتىق كوركەمونەر ءان - ءبي كونسەرتى جانە ولەڭ جاتتاۋ جارىسىنان تىس، قۇستاردىڭ فوتو تۋىندى كورمەسى، اكەلى - بالالاردىڭ قايىق ەسۋى سياقتى كوپ ءتۇرلى قيمىلدار وتكىزىلەدى.

  «مەرەكە كەزىندە كورىنىس رايونى اشىلعاننان كەيىن ءار كۇنى تالاپ بويىنشا قىسقا بەينە باياندى ەڭ الدىمەن جولداعان 10 ساياحاتشى تاياۋ ماڭداعى كورىنىس رايونى بەلەتىن ساتۋ ورنىنا بارىپ ينفورماتسياسىن تىزىمگە الدىرسا، تۇرپان ساياحات جىلدىق بەلەتىنەن بىرەۋى بەرىلەدى. قىسقا بەينە باياندى جولداعان باسقا دا ساياحاتشىلار تۇرپان جەلىسى بەلەتىنەن بىرەۋىن ساتىپ السا، بىرەۋىن تەگىن بەرۋ سياقتى جەڭىلدىكتەردەن يگىلىكتەنەدى. ساياحاتشىلار ساعات 20دان ساعات 24كە دەيىنگى ارالىقتا كارىز ۇلتتىق سالت - سانا باقشاسى كورىنىس رايونىنا كىرسە، بەلەت باعاسى %20 ارزانداتىلادى جانە باي مازمۇندى ۇلتتىق سالت - سانا ويىندارىن تاماشالاي الادى»، - دەيدى تۇرپان تۇڭ - ي ساياحات شەكتى جارنا سەرىكتەستىگىنىڭ ورىنباسار باس مەڭگەرۋشىسى لي فىڭ.

  ۇرىمجىدەگى كورىنىس رايوندارى تۇرلىشە ساياحاتشىلارعا تۇرلىشە جەڭىلدىك شارالارىن اتقارادى. 6 - ايدىڭ 15 - كۇنىنەن 18 - كۇنىنە دەيىن شينجياڭ بايىرعى ەكولوگيا باقشاسىندا ەرلەرگە بەلەت جارىم باعادا ساتىلادى (ساياحات مەكەمەسىنىڭ ساياحات ۇيىرمەسى قامتىلمايدى). شينجياڭ حالىقارالىق ۇلكەن بازارىندا، جاسى 65 تەن اسقان قارتتار «جىبەك جولى . مىڭ جىلدىق اسەر» اتتى ساۋىق كەشتى تەگىن تاماشالاي الادى.

  (تىلشىلەرىمىز جيا چۇنشيا، جاڭ تيڭ، ەرىكتى تىلشىلەر ياڭ دۇڭدۇڭ، گو گاڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى