حابارىن جازعان ءتىلشىمىز جۋ پىڭ
5 - ايدىڭ 28 - كۇنى ءۇرىمجى قالاسى تيانشان رايونى ىرداۋچياۋ اۋماعىن باسقارۋ كوميتەتى گۋيۋانشياڭ الەۋمەتتىك اۋماعىندا ورتالىق كوميتەتتىڭ ۇگىت ءبولىمى جاعىنان بەرىلگەن «مەملەكەتتىك لەي فىڭنان ۇيرەنۋ قيمىلىنان ۇلگى كورسەتۋ ءتۇيىنى» ۆيۋەسكاسى اسىلدى، گۋيۋانشياڭ الەۋمەتتىك اۋماعى مەملەكەتتىك 4 - توپتاعى «مەملەكەتتىك لەي فىڭنان ۇيرەنۋ قيمىلىنان ۇلگى كورسەتۋ تۇيىنىنە» اينالدى. بيىل 3 - ايدا ورتالىق كوميتەت ۇگىت ءبولىمى 4 - توپتا ەلىمىز بويىنشا 50 لەي فىڭنان ۇيرەنۋ قيمىلىنان ۇلگى كورسەتۋ تۇيىنىنە اتاق بەرگەن بولاتىن، بۇكىل رايونىمىز بويىنشا ەكى مەكەمە بۇل اتاققا يە بولدى، مۇنىڭ ءبىرى گۋيۋانشياڭ الەۋمەتتىك اۋماعى ەدى.
گۋيۋانشياڭ الەۋمەتتىك اۋماعىنا تىزىمدەلگەن ەرىكتى 632 ادام، ادام سانى الەۋمەتتىك اۋماقتاعى تۇراقتى نوپوستىڭ %18ىن ۇستايدى، 6 تارماق اترەتى جىل بويى «ساعات التى جارىم ساباقحاناسىن» اشىپ كەلەدى، بۇل مادەنيەتتى ءجۇرىس - تۇرىس، ساياساتتى ۇگىتتەۋ، ەمدەۋگە، جۇمىستانۋعا قىزمەت كورسەتۋ، ورتا تازالىعى، مادەنيەت، دەنە تاربيە (ۇگىت - لەكسيا، قور، مۋزيكا)، كەدەيلەردى سۇيەمەلدەۋ، كەدەيلەرگە كومەكتەسۋ سياقتى قيمىلداردى قامتيدى. ءار جىلى ورتا ەسەپپەن 300 رەت ەرىكتىلەردىڭ قىزمەت كورسەتۋ قيمىلىن ۇيىمداستىرادى.
گۋيۋانشياڭ الەۋمەتتىك اۋماعى پارتيا ياچەيكاسىنىڭ شۋجيى ليۋ بو: 2016 - جىلى الەۋمەتتىك اۋماق «تۇرعىنداردى يگىلىككە كەنەلدىرۋ، بۇقارا رازى بولۋدى» تاقىرىپ ەتىپ، «ۇلەس قوسۋ، باۋىرمالدىق، ءبىر - بىرىنە كومەكتەسۋ، العا باسۋ» سىندى ەرىكتىلەر رۋحىن بارىنشا ساۋلەلەندىرىپ، 2 ەرىكتىلەر قىزمەت كورسەتۋ اترەتىن قۇردى، قازىر العاشقى 10 نەشە ادامنان كوبەيىپ، 632 ادامعا جەتتى، - دەدى.
ەرىكتىلەردىڭ ءتۇرلى قيمىلدارعا قاتىناسۋ بەلسەندىلىگىن جوعارىلاتۋ ءۇشىن، الەۋمەتتىك اۋماق «ءنومىر جيناۋ ءتۇزىمى بويىنشا باسقارۋ ءادىسىن» بەلگىلەپ، قىزمەت كورسەتۋ رەت سانى مەن قىزمەت كورسەتۋ تۇرلەرىن تىركەۋگە الىپ، ءار رەتكى قيمىلدا ءنومىر جيناپ، جينالعان ءنومىر بەلگىلى شەككە جەتكەن سوڭ سيلىققا ايىرباستادى. مۇنان سىرت، ونەگە كورسەتىپ، باستاماشىلىق ەتۋ رولىن تولىق ساۋلەلەندىرۋ ءۇشىن، الەۋمەتتىك اۋماق «گۋيۋانشياڭ الەۋمەتتىك اۋماعىنداعى وزات جەكەنى»، «گۋيۋانشياڭ الەۋمەتتىك اۋماعىنداعى وزات كوللەكتيۆتى»، «ەڭ سۇيىكتى وتباسىن» ماداقتاۋ - سيلاۋ جينالىسى، «ەڭ سۇيىكتى ەرىكتىنى»، «ەڭ سۇيىكتى ەرىكتىلەر كوللەكتيۆىن» سيلاۋ سياقتى قيمىلداردى ىلگەرىندى - كەيىندى ورىستەتتى.
«بيىل ءبىز تيپتىك ۇلگى كورسەتىپ، باستاماشىلىق ەتۋ رولىمىزدى ۇزدىكسىز ساۋلەلەندىرىپ، ءتىپتى دە كوپ بۇقارانى ەرىكتى قىزمەت وتەۋگە باستايمىز، الەۋمەتتىك اۋماق بيىل جىل سوڭىنا دەيىن ەرىكتىلەر اترەتىنىڭ مۇشەسىن 1000نان اسىرۋدى جوسپارلاپ وتىر»، - دەدى ليۋ بو.
