ءتىلشىمىز حى حۇڭۋي 6 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋعا قاراعاندا، اۆتونوميالى رايوندىق حالىق ۇكىمەتى نەگىزگى زاڭ مەن زاڭدارداعى بەلگىلەمەگە ساي، مەملەكەت مەنشىگىندەگى مال - مۇلىك يەلىك ۇقىعىن اتقارادى ءارى باسقارۋ مىندەتىن ۇستىنە الادى، اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى مەملەكەت مەنشىگىندەگى مال - مۇلىككە باقىلاۋ جۇرگىزۋ مىندەتىن ۇستىنە الادى ەكەن. وسىعان ساي، اۆتونوميالى رايونىمىز اۆتونوميالى رايوندىق حالىق ۇكىمەتىنىڭ اۆتونوميالى رايوندىق حالىق قۇرىلتايىنا مەملەكەت مەنشىگىندەگى مال - مۇلىكتى باسقارۋ جاعدايىنان مالىمەت بەرۋ ءتۇزىمىن ورناتادى.
ءتۇزىم ورناتىلعاننان كەيىن، اۆتونوميالى رايوندىق حالىق ۇكىمەتى ءار جىلى اۆتونوميالى رايوندىق حالىق قۇرىلتايىنا مەملەكەت مەنشىگىندەگى مال - مۇلىكتى باسقارۋدىڭ وتكەن جىلدىق جاعدايىنان مالىمەت بەرەدى، مۇندا زاڭ بويىنشا اۆتونوميالى رايوندىق حالىق ۇكىمەتىنىڭ قاتىستى جاۋاپتىسىنىڭ مالىمەت بەرۋىنە، اۆتونوميالى رايوننىڭ قاتىستى تاراۋلارىنىڭ جاۋاپتىسىن مالىمەت بەرۋگە مىندەتتەۋىنە دە بولادى.
اۆتونوميالى رايوندىق حالىق ۇكىمەتىنىڭ مەملەكەت مەنشىگىندەگى مال - مۇلىكتى باسقارۋ جاعدايىنىڭ جىلدىق مالىمەتىندە جالپى مالىمەت پەن ارنايى مالىمەتتى ۇشتاستىرۋ فورماسى قولدانىلادى. جالپى مالىمەتتە مەملەكەت مەنشىگىندەگى ءتۇرلى مال - مۇلىكتىڭ جالپى جاعدايى جان - جاقتى بەينەلەنەدى، ارنايى مالىمەتتە كاسىپورىندارداعى مەملەكەت مەنشىگىندەگى مال - مۇلىكتى (فينانس كاسىپورىندارىن قامتىمايدى)، فينانس كاسىپورىندارىنداعى مەملەكەت مەنشىگىندەگى مال - مۇلىكتى، اكىمشىلىك، ءىسورىن سيپاتىنداعى مەملەكەت مەنشىگىندەگى مال - مۇلىكتى، مەملەكەت مەنشىگىندەگى جاراتىلىستىق بايلىق سياقتى مەملەكەت مەنشىگىندەگى مال - مۇلىكتى باسقارۋ جاعدايى جەكە - جەكە بەينەلەنەدى. ءار كەزەك اۆتونوميالى رايوندىق حالىق قۇرىلتايى تۇراقتى كوميتەتىنىڭ مىندەت مەزگىلىندە، اۆتونوميالى رايوندىق حالىق ۇكىمەتى مىندەت كەزەگىنىڭ سوڭعى جىلىندا اۆتونوميالى رايوندىق حالىق قۇرىلتايىنىڭ تۇراقتى كوميتەتىنە جازباشا جالپى مالىمەت تاپسىرادى ءارى اۋىزشا مالىمەت بەرەدى؛ باسقا جىلداردا جازباشا جالپى مالىمەت تاپسىرۋمەن بىرگە، ءبىر ارنايى جاعداي جونىندە اۋىزشا مالىمەت بەرەدى.
سونىمەن بىرگە، اۆتونوميالى رايوندىق حالىق قۇرىلتايىنىڭ تۇراقتى كوميتەتى قاتىستى زاڭ - تۇزىمدەردەگى بەلگىلەمەلەرگە ساي، ءوزى تىڭداعان، قاراعان اۆتونوميالى رايوندىق حالىق ۇكىمەتىنىڭ مەملەكەت مەنشىگىندەگى مال - مۇلىكتى باسقارۋ جاعدايىنان بەرگەن مالىمەتىن جىلدىق باقىلاۋ قىزمەت جوسپارىنا كىرگىزىپ، قاراۋعا ۇيىمداستىرىپ، اشىق، جاريا بولۋىن ىلگەرىلەتىپ، جان - جاقتى باقىلاۋ جۇرگىزەدى.
اۆتونوميالى رايوندىق قازىنا مەڭگەرمەسى مال - مۇلىك باسقارماسىنىڭ باستىعى لۇي ۋىنپيڭ بىلاي دەدى: اۆتونوميالى رايوننىڭ مەملەكەت مەنشىگىندەگى مال - مۇلىك مالىمەتى ءتۇزىمىن ورناتۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋدەگى، تياناقتاندىرۋداعى، پارتيا 19 - قۇرىلتايىنىڭ رۋحىن تياناقتاندىرۋداعى ناقتى شارا جانە ماڭىزدى نەگىزدىك قىزمەت، رايونىمىزدىڭ مەملەكەت مەنشىگىندەگى مال - مۇلىك مالىمەت قىزمەتى ۇزدىكسىز ساپالىلانۋ جانە كەمەلدەنۋ نەگىزىندە مەملەكەت مەنشىگىندەگى مال - مۇلىكتىڭ جاي - جاپسارىن انىقتاۋدى بىرتىندەپ جۇزەگە اسىرىپ، جان - جاقتى قامتىعان «ايقىن ەسەپ» قالىپتاستىرادى.
