ءتاڭىرتاۋ تورابى   ›   جاڭالىقتار   ›   عىلىم جالپىلاستىرۋ

جاز ماۋسىمى ساۋىن سيىرلاردان جوعارى ءونىم الۋعا قالاي كەپىلدىك ەتۋ كەرەك

  بەكمۇرات قىدىرقان ۇلى

  جاز ماۋسىمى ساۋىن سيىرلاردى قالىپتى باعىپ-باسقارىپ، جوعارى ءونىم الۋداعى ۇيلەسىمدى ورتا تەمپەراتۋراسى 5-21 سەلتسي گرادۋس بولىپ، ەڭ ۇيلەسىمدى كەلەتىن ورتا تەمپەراتۋرا 6-8 گرادۋس اينالاسىندا بولسا قالىپتى بولادى. ساۋىن سيىرلاردىڭ ىستىققا توتەپ بەرۋ قۋاتى السىزدەۋ، ال، سۋىققا ءبىرشاما ءتوزىمدى كەلەدى. جوعارى تەمپەراتۋرالى ورتادا باعىلعان سيىرلاردىڭ تابەتى كۇننەن-كۇنگە ناشارلايدى، سالعىرتتانادى، جەم-شوپكە زاۋقى سوقپايدى، ەتى ويازداپ سالماعى تومەندەپ، ءسۇتى ازايادى، ءتۇرلى ىندەتتەرگە قارسىلىق قۋاتى تومەندەيدى، ءتىپتى ءوسىپ-ءوربۋ قۋاتىنان ايرىلۋى دا مۇمكىن. سوندىقتان، جاز ماۋسىمى ساۋىن سيىرلاردى باعىپ-باسقارۋدا تومەندەگى تۇيىندەرگە كوڭىل ءبولۋ كەرەك.

  1. سيىر قورانىڭ سالقىن بولۋىنا كەپىلدىك ەتۋ. مۇندا اۋا الماستىرعىش قۇرىلعىلارىن ورناتىپ، قورا ءىشىنىڭ سالقىن، اۋا الماسىپ تۇراتىن تازا بولۋىنا كەپىلدىك ەتۋ كەرەك.

  2. كۇن نۇرىنىڭ تىكەلەي تۇسۋىنەن ساقتانۋ. كۇن نۇرىنىڭ قورا ىشىنە تىكەلەي تۇسۋىنەن ساقتانۋ شارالارىن قولدانىپ، قورا ماڭى جانە ارەكەت الاڭدارىنىڭ اينالاسىنا اعاش، وسىمدىك، ءشوپ ەگىپ، شاعىن كولەمنىڭ اۋا تەمپەراتۋراسىن تەڭگەرۋمەن بىرگە، قورا-قالىتقىلارعا كۇن نۇرىنىڭ تىكەلەي تۇسۋىنەن ساقتانۋ كەرەك.

  3. كۇندەلىكتى ازىقتىقتاردى تەڭشەپ بەرۋ. جاز ماۋسىمى ساۋىن سيىرلاردى باعىپ-باسقارۋ ءادىسىن وزگەرتىپ، تاڭەرتەڭ-كەش اۋا سالقىن ۋاقىتتاردا جەم-ءشوپ مولشەرىن ارتتىرىپ بەرۋ، تۇسكى ىستىقتا جەم-ءشوپ بەرۋدى بارىنشا ازايتۋ ءارى ءىرى تالشىقتى جەم-شوپتەر مەن شىرىندى ازىقتىقتاردى سايكەستىرىپ بەرۋ كەرەك.

  4. جاڭا، شىرىندى ازىقتىقتاردى بەرۋ مولشەرىن ۇيلەسىمدى تۇردە ارتتىرىپ، سيىرلاردىڭ تابەتىن جاقسارتىپ، كومىر-سۋ بىرىكپەلەرى مول ازىقتىقتاردى كوبىرەك بەرىپ، جوعارى بەلوكتىك ازىقتىق شاماسىن ازايتىپ، جەم-ءشوپتىڭ وزىندىك قۇنىن تومەندەتىپ، ءسۇت مولشەرىن مولايتۋ كەرەك.

  5. ەنەرگيالىق جەم-شوپتەردى ۇيلەسىمدى تەڭگەرۋ. كۇندەلىكتى ازىعىندا جۇگەرىنىڭ سالىستىرماسى %2-%5 ، بۇرشاقتىڭ سالىستىرماسى %5، ءىرى تالشىق قۇرامى %17 اينالاسىندا بولۋىنا كەپىلدىك ەتۋ كەرەك.

  ءتۇرلى ىندەتتەردەن ساقتانۋ قىزمەتىن ويداعىداي ىستەۋ:

  1. جاز ماۋسىمىندا ساۋىن سيىرلاردى تەحنيكالىق تالاپ بويىنشا باعىپ-باسقارۋدى كۇشەيتىپ، باعۋ ءتاسىلىن توسىننان وزگەرتپەۋ، بىرتىندەپ وزگەرتۋ، ۇزاق تۇرىپ قالىپ ساپاسى وزگەرگەن جەم-شوپتەردى بەرمەۋ، كۇنىنە 4-5 رەت تازا سۋمەن سۋارۋعا باسا نازار اۋدارۋ كەرەك. قورا-قالىتقى، ارەكەت الاڭدارىن مەرزىمدى تۇردە قاتاڭ ديزەنفەكسيالاپ، سيىرلاردىڭ قالىپتى ازىقتانۋىنا كەسىرىن تيگىزەتىن شىبىن، شىركەي، ماسا قاتارلى جاندىكتەردى جويۋمەن قاتار، قۇرت اۋرۋىنان جانە ساقتىق ۆاكسينالارىن ىستەۋ سياقتى ماڭداي الدى جۇمىستاردى دەر كەزىندە تەحنيكالىق تالاپ بويىنشا ىستەۋ كەرەك.

  2. سيىر دەنەسىن تازا ۇستاۋ. مۇندا ءار كۇنى سيىر دەنەسىن ءبىر دە ەكى رەت شوتكىلەۋمەن بىرگە، اۋا اشىق، ىستىق كۇندەرى ساۋىن سيىرلاردى جۋىپ تۇرۋ كەرەك. قورا ىشىندەگى قيدى ۋاعىندا شىعارىپ، باعىمشىلىق الاڭىنىڭ تازالىق ىستەرىنە ايرىقشا ءمان بەرىپ، ساۋىن سيىرلاردان جوعارى ءونىم الۋعا كەپىلدىك ەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • 2018-جىلعى جۇڭگو شينجياڭ ىلە تۇلپارى مەرەكەسى 7-ايدىڭ ورتاسىندا وتكىزىلەدى
  • بۇراتالا وبلىسى: اشىق اسپان، تۇنىق سۋدى قورعاپ، ەكولوگيالىق مەكەندى بىرگە قۇردى
  • جۇڭگو - ەۆروپا كەزەكشى پويەزدەرى ەسىك اشۋ جولىن ءتىپتى دە كەڭەيتە ءتۇستى
  • سانجى وبلىسى: جاسىل ءتۇستى ەكولوگيانىڭ نەگىزىنە، دامۋدىڭ تىرەگىنە اينالدىردى
بىزبەن بايلانىس جارناما قىزمەتى لەبىز قالدىرۋ ءبىز تۋرالى