ءۇرىمجى قالالىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى
اكبار تۇرعۇن
شينجياڭ − ەلىمىز تەرريتورياسىنىڭ ايىرىلماس ءبىر بولىگى، شينجياڭداعى ۇلتتار جۇڭحۋا ۇلتى ەتەنە وتباسىنىڭ مۇشەسى. تۋى ايقىن تۇردە ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاۋ − مەملەكەتتىڭ ەڭ جوعارى مۇددەسىنىڭ تياناعى، سونداي - اق شينجياڭداعى ءار ۇلت حالقىنىڭ ءتۇبىرلى مۇددەسىنىڭ تياناعى. ءار ۇلت حالقى ۇزاق ۋاقىت ارالاسۋ، ىشتەسۋ، توعىسۋ بارىسىندا تىنىستاس، تاعدىرلاس قاتىناس ورناتقان، بارلىعى دا شينجياڭدى اشۋعا، گۇلدەندىرۋگە، قورعاۋعا ماڭىزدى ۇلەستەر قوسقان. ءبىز، ءسوز جوق، ۇلتتاردىڭ ۇلى ىنتىماعى تۋىن بيىك ۇستاپ، ۇلتتار اراسىندا مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعا تانىمىن مىقتاپ ورناتىپ، ءار ۇلت بۇقاراسىن ەڭ زور دەڭگەيدە ىنتىماقتاستىرۋىمىز، ولارعا سۇيەنۋىمىز، بارلىق ۇلتتىڭ، بارلىق ازاماتتىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوسىپ، وتاننىڭ كوركەيىپ - گۇلدەنۋ، دامۋ تابىستارىنان كەنەلۋىنە مۇمكىندىك جاساۋىمىز كەرەك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار ۇلت باۋىرلاستار جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزىپ، بىرگە كوركەيىپ - گۇلدەنىپ، دامىپ كەلەدى. ۇلى وتاندى شىنايى مويىنداۋ، جۇڭحۋا ۇلتىن شىنايى مويىنداۋ، جۇڭحۋا مادەنيەتىن شىنايى مويىنداۋ، جۇڭگو كوممۋنيستىك پارتياسىن شىنايى مويىنداۋ، جۇڭگوشا سوتسياليزمدى شىنايى مويىنداۋ شينجياڭداعى ءار ۇلت پەرزەنتتەرىنىڭ ۇلى وتانعا دەگەن تەرەڭ سۇيىسپەنشىلىگىن بەينەلەدى، ولاردىڭ ارمانىنان جازباي، ۇزدىكسىز قايراتتانا العا باسقان شينجياڭداعى ءار ۇلت حالقىنىڭ ورتاق جۇرەك ءۇنىن جەتكىزدى.
ءبىز «بەستى شىنايى مويىنداۋدى» كۇشەيتىپ، قاي - قاشان دا قىراعىلىقتى ساقتاپ، وتاندى بولشەكتەيتىن، ۇلتتار ىنتىماعى مەن قوعامنىڭ جاراسىمدىلىعىن، ورنىقتىلىعىن بۇلدىرەتىن ءسوز - ارەكەت اتاۋلىمەن باتىل كۇرەسۋىمىز كەرەك. «ءۇش ءتۇرلى كۇش» «ءدىن» تونىن جامىلىپ، «ۇلتتى» جەلەۋ ەتىپ، ۇشقارى يدەيا مەن كەرتارتپا ۋاعىزداردى تاراتىپ، زورلىقتى كۇش، لاڭكەستىك دەلولارىن تۋدىرىپ، ۇلتتار ىنتىماعى مەن مەملەكەتتىڭ تۇتاستىعىن بۇلدىرۋگە ۇرىندى. ءبىز «ءۇش ءتۇرلى كۇشكە» قارسى تۋىمىز ايقىن تۇردە تاباندىلىقپەن باتىل كۇرەسىپ، «ەكىبەتكەيلەردى» باتىل تارتىپ شىعارىپ، كادرلار قوسىنى اراسىنان الاستاۋىمىز كەرەك.
از ۇلت پارتيالى باسشى كادر رەتىندە، مەن پارتياعا، ءسوز جوق، العىس ايتامىن، پارتيانىڭ سوزىنە، ءسوز جوق، قۇلاق اسامىن، پارتياعا، ءسوز جوق، ىلەسەمىن، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلگىلىك، باستاماشىلىق رولىمدى جاقسى ساۋلەلەندىرەمىن، تۇرعىمدى اناعۇرلىم بەكەمدەپ، ۇلكەن دۇرىس - ۇلكەن بۇرىس ماسەلەسىندە تانىمدا باستان - اياق كۇڭگىرتتىككە سالىنبايمىن، پوزيتسيادا سولقىلداقتىق ىستەمەيمىن، ارەكەتتە اۋىتقىمايمىن، «ءۇش ءتۇرلى كۇشكە»، «ەكىبەتكەيلەرگە» قارسى باستاشىلىقپەن باتىل كۇرەسەمىن، باستاماشىلىقپەن باتىل ءۇن قاتىپ، ايقىن پوزيتسيا بىلدىرەمىن، قاتە كوزقاراستار مەن قاتە سوزدەردى باستاماشىلىقپەن سىن تەزىنە الامىن، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، «بەستى شىنايى مويىنداۋدى» كۇشەيتەمىن، ۇلتتار ىنتىماعىن باستان - اياق كوزقاراشىعىمدى قورعاعانداي قورعاپ، ءومىرىمدى قاستەرلەگەندەي قاستەرلەيمىن.
جۇڭگو كوممۋنيستىك پارتياسىنىڭ باسشىلىعىندا، شينجياڭداعى ءار ۇلت حالقى بۇكىل ەل حالقىمەن بىرگە ىنتىماقتاسا كۇرەس جۇرگىزدى، شينجياڭ تاريحتاعى ەڭ جاقسى كوركەيىپ - گۇلدەنگەن، دامىعان داۋىرگە ءوتتى. دەمەك، ءبىزدىڭ قازىرگى باقىتتى تۇرمىسىمىز وڭايلىقپەن قولعا كەلمەدى، پارتيانىڭ 19 - قۇرىلتايى اناعۇرلىم كوركەم دامۋ جوباسىن جاسادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە شينجياڭداعى ءار ۇلت حالقىنىڭ تۇرمىسى اناعۇرلىم جاقسى بولا تۇسەدى.
