تيانشان تورى   ›   جاڭالىقتار   ›   شينجياڭ حابارلارى

باركول كەدەيلىكتەن قۇتىلۋدىڭ تابىسىن بەكەمدەۋگە قۇلشىندى

  ءتىلشىمىز شيا چيڭ حابارلايدى. «2016 - جىلى كادرلاردىڭ سۇيەمەلدەۋىنىڭ ارقاسىندا شارۋالار ساياجايىن اشىپ، كەدەيلىك قالپاعىن الىپ تاستادىم. بيىل ولار تاعى ساۋدا كولەمىمدى كەڭەيتۋگە كومەكتەستى، مەن، ءسوزسىز، جاقسى ىستەيمىن»، - دەدى 5 - ايدىڭ 17 - كۇنى باركول قازاق اۆتونوميالى اۋدانى كۇيسۋ قالاشىعى مالشىلىق قىستاعىنىڭ مالشىسى تۇردان مولداقان ۇلى.

  تۇردان شارۋالار ساياجايىن اشۋ ارقىلى كەدەيلىكتەن قۇتىلىپ قانا قويماي، ماڭايىنداعى كەدەي وتباسىلاردى كەدەيلىكتەن قۇتىلىپ، اۋقاتتانۋعا باستادى. تۇردان باركولدەگى كەدەيلىكتەن قۇتىلعان كوپتەگەن وتباسىلاردىڭ ءبىرى.

  باركولدىڭ ەكولوگيالىق ورتاسى ناشار، ءۇستىرت - سۋىق، شەت - شالعاي جانە وندا اپات كوپ تۋىلادى، ونىڭ ۇستىنە نەگىزدىك قۇرىلعىلار ارتتا قالعان، قاتىناس قولايسىز، سوندىقتان دا بۇل جەر كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانىنا اينالعان.

  باركول اۋدانى كەدەيلىكتەن قۇتىلدىرۋدان قامال الۋ شايقاسى باستالعاننان كەيىن، پارتيا، ۇكىمەت ورىندارى بىرگە مىقتى ۇستاۋ، كادرلار بىرگە كومەكتەسۋ، قوعام بىرگە باسقارىپ سۇيەمەلدەۋ، بۇقارا بىرگە ىلگەرىلەتۋ جانە اۋدان باسشىلارى اۋىلداردى كوتەرمەگە الۋ، اۋىل باسشىلارى قىستاقتاردى كوتەرمەگە الۋ، تاراۋلاردىڭ باسشىلارى وتباسىلاردى كوتەرمەگە الۋ، پارتيا مۇشەلەرى مەن كادرلار ادامداردى كوتەرمەگە الۋداي قىزمەت مەحانيزمىن اتقارىپ، جان - جاقتى، ىشكەرىلەي تۇسكەن، جوعارى مەن تومەن بايلانىس ورناتقان كەدەيلىكتەن قۇتىلدىرۋ قىزمەت ءتۇزىمى جۇيەسىن قالىپتاستىردى، ۇزبەي قۇلشىنۋدىڭ ارقاسىندا، 2017 - جىلى 11 - ايدىڭ 1 - كۇنى باركول كەدەيلىك قالپاعىن الىپ تاستادى، 14 ءتۇيىندى كەدەي قىستاق كەدەيلىكتەن قۇتىلىپ، كەدەي بۇقارانىڭ جان باسىنا تۋرا كەلەتىن تازا كىرىسى 4500 يۋاننان استى، كەدەيلەسۋ مولشەرى 2015 - جىلعى %9.5٪تەن%0.39كە تومەندەدى.

  بيىل بۇل اۋدان «باركول قازاق اۆتونوميالى اۋدانىنىڭ كەدەيلىكتەن قۇتىلۋدان قامال الۋدى بەكەمدەۋ جوباسىن» شىعارىپ، كەدەيلىكتەن قۇتىلۋدان قامال الۋدىڭ ناتيجەسىن بەكەمدەۋدى جوعارى بەلەسكە كوتەردى، اۋدان بۇل جونىندە جاڭا شارا بەلگىلەدى، 20 نەشە ەگىن، مال شارۋاشىلىعىنداعى تىرەكتى كاسىپورىندار مەن كووپەراتيۆتەردى سۇيەنىش ەتىپ، ءوندىرىس شارت - جاعدايى ءبىرشاما جاقسى، ەڭبەك قابىلەتى بار ەگىنشى - مالشىلاردىڭ ەرەكشە ابزال كاسىپتەردى دامىتۋىنا قولداۋ كورسەتىپ، كاسىپ سالاسىن اشىق ۇستاپ كىرىستەرىن ارتتىردى؛ ەڭبەك قابىلەتى بار الايدا ءوندىرىس شارت - جاعدايى ناشار ەگىنشى - مالشىلاردى 2 - ، 3 - كاسىپكە ويىستىرىپ، ورنىقتى جۇمىستاندىرۋعا باستاپ، باسقا سالاعا ويىستىرىپ جۇمىستاندىرۋ ارقىلى كىرىستەرىن ارتتىرۋدى ىسكە اسىردى. ەرەكشە كاسىپ سالاسىنىڭ باستاماشىلىعىندا باسقا سالاعا ويىستىرىپ جۇمىستاندىرۋ، ەكولوگيالىق تولەم قاراجاتى، وقۋ - اعارتۋدى سۇيەمەلدەۋ، قوعامدىق قامتاماسىزداندىرۋ، حالىق تۇرمىسىن جاقسارتۋ، قيىن كەدەرگىنى تالقانداۋ، شەكارا وڭىردەگى كەدەيلەردى سۇيەمەلدەۋ، مادەنيەت ارقىلى جەتەكتەۋ، فينانس ارقىلى كەدەيلەردى سۇيەمەلدەۋدەي «10 ۇلكەن ارناۋلى قيمىل» ارقىلى اۋدانداعى بۇقارانىڭ دوڭگەلەك داۋلەتتى تۇرمىسقا جەتۋ بارىسىندا بىرەۋىنىڭ دە قاعىس قالماۋىنا كەپىلدىك ەتتى.

  سونىمەن بىرگە، باركول اۋدانى كەدەيلىكتەن قۇتىلدىرۋداعى تابىستاردى بەكەمدەۋ نەگىزىندە، قالپاعىن الىپ تاستاعانمەن جاۋاپكەرشىلىكتەن قاشپايتىن، قالپاعىن الىپ تاستاعانمەن ساياساتتى اتقارا بەرەتىن، قالپاعىن الىپ تاستاعانمەن سۇيەمەلدەۋدى توقتاتپايتىن قىزمەت مەحانيزمىن اتقاردى. 

    باركول اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى چىن شياۋلۇڭ: كەدەيلىكتەن قۇتىلدىرۋدان قامال الۋدىڭ تابىستارىن بەكەمدەۋ بارىسىندا ساياساتتى وزگەرتپەۋگە، تەبىندى باياۋلاتپاۋعا، قۇرىلىمدى بىتىراتپاۋعا، كادرلاردى شەگىندىرمەۋگە باستان - اياق تاباندى بولىپ، ۇزدىكسىز بەكەمدەۋ نەگىزىندە كەدەيلىكتەن قۇتىلدىرۋدىڭ ونىمدىلىگىن جاپپاي جوعارىلاتتىق، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى