تيانشان تورابى   ›   جاڭالىقتار   ›   ساياحات

بۋىرشىن: كىتاپپەن ارلەنگەن قالا قۇرىپ، ساياحات دەڭگەيىن جوعارىلاتتى

  ءتىلشىمىز جاڭ تيڭ، ەرىكتى ءتىلشى لي حۇيليڭ

  6 - ايداعى بۋىرشىن ساياحاتتىڭ قاۋىرت مەزگىلىن تاعى قارسى الدى، ءتىلشى ساياحات اۆتوبۋزدارى مەن ساياحاتشىلار اۋدان قالاشىعىنىڭ ۇلكەندى - كىشىلى كوشەلەرىندە قايشالىسقان دۋماندى جاعدايدى كوردى. ىلگەرىدەگى كەزبەن ۇقسامايتىنى، بيىل بۋىرشىن اۋدانى ساياحات دەڭگەيىن ۇزدىكسىز جوعارىلاتۋمەن بىرگە، «كىتاپ ءيىسى اڭقىعان قالا» قۇرۋعا بار كۇشپەن قۇلشىندى.

  «شەكارا بويى اسەم قالا كىتاپحاناسى» جانە «مىڭ بوياۋلى وزەن كىتاپحاناسىنان» «ايالداماداعى كىتاپ وقۋ ورنىنا» دەيىن، اۋداننىڭ الەۋمەتتىك كىتاپحاناسى ادامداردىڭ كىتاپ وقۋ مۇمكىندىگى بار جەرلەردى ءار الۋان كىتاپتارمەن تولتىرىپ، ساياحاتشىلار مەن جەرگىلىكتى تۇرعىندارعا ومىرشەڭدىك كۇشكە تولى كىتاپپەن ارلەنگەن قالا قاريتاسىن ازىرلەپ بەردى.

  6 - ايدىڭ 1 - كۇنى جياڭسۋ ولكەسىنەن كەلگەن ساياحاتشى ۋ جۇنياۋ بۋىرشىن اۋدانىنا كەلگەننەن كەيىن، ەڭ الدىمەن، ساياحاتشىلارعا قىزمەت كورسەتۋ ورتالىعىنىڭ كىتاپ سورەسىنە كەلىپ بۋىرشىن اۋدانىنىڭ كورىنىس رايوندارىنىڭ تانىستىرىلۋى، ساياحاتتاۋعا كورسەتىلگەن جولدار جانە بۋىرشىن اۋدانىنىڭ گۋمانيتارلىق تاريحى سياقتى كىتاپتار مەن سۋرەتتەر جيناعىن كوردى.

  «مەن كوپ جەردى ارالادىم، سىمسىز wifi بار جەر كوپ، الايدا وسى سەكىلدى جايلى وتىرىپ، كىتاپ وقيتىن جەرى بار مەيمانسارايلار از. بۇل ارادا بۋىرشىننىڭ كوركەم كورىنىسىن، ءدامدى استارىن، مادەنيەتىن تۇيسىنۋگە بولادى ەكەن، كەرەمەت»، - دەدى بۋىرشىن اۋداندىق ساياحات مەيمانسارايىنا قونعان بەيجيڭدىك ساياحاتشى جىڭ لييۇي.

  ءتىلشىنىڭ ۇعىسۋىنشا، بۋىرشىن اۋدانى اۋدان بويىنشا «تۇرمىستى سەزىنۋ، مادەنيەتتى ءتۇيسىنۋ» دەيتىن وسى زامانعى تۇرمىس ۇستانىمىن دارىپتەپ، مادەنيەت ساياحاتىنىڭ ءورىسىن ۇزدىكسىز كەڭەيتىپ، حالىق بۇقاراسىنا ايگىلى، وزگەشە، جوعارى دەڭگەيدەگى سەيىل - سەرۋەن ساياحاتىن ازىرلەدى. بيىل جىل باسىنان بەرى، بۋىرشىن اۋدانى مەيمانساراي، اۆتوبۋز ايالدامالارى، ساياحاتشىلارعا قىزمەت كورسەتۋ ورتالىعى سياقتى ورىنداردا 29 كىتاپ وقيتىن ورىن قۇرىپ، ولاردى 32 مىڭ 800 دەن استام كىتاپپەن تولتىرىپ، جالپى حالىقتى كىتاپ وقۋعا دارىپتەپ، اۋداننىڭ گۋمانيتارلىق ەرەكشەلىگى مەن وزگەشە ۇلتتىق سالت - سانا مادەنيەتىن تولىق ايگىلەپ، ساياحات قالاسىنىڭ مادەنيەت ءمانىن بايىتىپ، ءبىلىمدار اۋقىم قالىپتاستىردى.

  فۋجياندىق ساياحاتشى اچاچاڭياڭ بۋىرشىنداعى التىن تاۋ كىتاپحاناسى جونىندە شابىتتانىپ بىلاي دەدى: «مەنەن ەگەر بۋىرشىننىڭ كورىنىسى، ءدامدى تاعامدارىنان باسقا تاعى نەسىنە قىزىقتىڭىز دەپ سۇراساڭىز، مەن التىن تاۋ كىتاپحاناسىن ايتار ەدىم، بۇل جەردە كىتاپتىڭ سانى مول، ءتۇرى كوپ، ونىمەن قويماي شينجياڭدىق جازۋشىلاردىڭ لەكسياسىن تىڭداپ، استارىنداعى اڭگىمەنى تۇسىنۋگە، ادەبيەتكە قىزىعاتىن دوستارمەن بىرگە، ولەڭ قۇمارلاردىڭ باس قوسۋىنا قاتىناسۋعا بولادى ەكەن، وسىنىڭ ءبارى ماعان ۇمىتىلماس ەستەلىك بولدى. التىن تاۋ كىتاپحاناسىن ەرتەگىدە ايتىلعان سەكىلدى وسى قالانىڭ مادەنيەت قوناق ءۇيى دەۋگە بولادى». التىن تاۋ كىتاپحاناسى بۋىرشىن اۋدانىنىڭ ماڭىزدى مادەنيەت نىسانى بولۋ رەتىندە، ول تەك عانا ءبىر جەردىڭ مادەنيەت بەلگىسى عانا ەمەس، ونان دا ماڭىزدىسى، ءبىر ءتۇرلى مادەنيەت تۇيسىگى بولىپ، كىتاپ ارقىلى شەكارا قالانى ارلەندىرىپ تۇر.

  بۇگىنگى كۇندە، بۋىرشىن اۋدانى كوپتەگەن كىتاپ وقۋ تۇعىرلارى ارقىلى ساياحاتشىلار مەن تۇرعىنداردىڭ كىتاپ وقۋىنا بارعان سايىن قولايلىلىق جاراتۋمەن بىرگە، «ساياحات + مادەنيەتتىڭ» باۋرامپازدىعىن سەزىنۋىنە مۇمكىندىك جاراتىپ، قالانىڭ تۇكپىر - تۇكپىرىندە كىتاپ ءيىسىن اڭقىتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى