ءشول دالانى جاسىلداندىرىپ، اتا مەكەندەرىنە جاسىل قالتقى تۇرعىزدى
ءتىلشىمىز شى شين 6 - ايدىڭ 16 - كۇنى ۇرىمجىدەن حابارلايدى. قىستاق تۇرعىنى راحىم ءيمىننىڭ اۋلاسىنان الىسقا كوز جىبەرسەڭىز، جەمىستەرى سامسىعان شىلان اعاشى، جاڭعاق اعاشتارى مەن مۇندالاپ، قالتقىلىق رول اتقارعان جيدە اعاشتارى قۇمنىڭ جيەگىنەن كوزگە ەرەكشە شالىنادى.
راحىم يمىن تۇرعان چەرچەن اۋدانى ارال اۋىلىنىڭ 3 جاعىن تاكلاماكان ءشولى قورشاعان، ەكولوگيالىق ورتاسى توتەنشە ءالسىز. سوڭعى جىلدارى قىستاق تۇرعىندارى اعاش ەگىپ، ورمان ءوسىرۋدى، ءشول دالانى جاسىلداندىرۋدى ۇزدىكسىز ورىستەتىپ، اتا مەكەندەرىن قۇمنان قورعادى. قازىر ارال اۋىلىنىڭ ەگىستىك جەرى 35 مىڭ مۋعا كوبەيدى. مۇنىڭ ىشىندە ىقتاسىن ورمانى وڭىرىندە جاڭادان ارتقان ەگىستىك جەر 12 مىڭ مۋ. قىستاق تۇرعىندارى قۇمدى بوراندى بوگەۋمەن بىرگە، جيدە كاسىبىن دامىتۋعا سۇيەنىپ، ەكونوميكالىق ونىمدىلىككە قول جەتكىزدى.
ارال اۋىلىن رايونىمىزدىڭ قۇمايتتانۋدى، شولەيتتەنۋدى تىزگىندەپ، جاسىلداندىرۋ اۋماعىن كەڭەيتۋدىڭ جانە كەدەيلىكتەن قۇتىلىپ، اۋقاتتانۋدىڭ جاندى بەينەسى دەۋگە بولادى.
بيىلعى 6 - ايدىڭ 17 - كۇنى − 24 - رەتكى «الەمدىك شولەيتتەنۋدەن، قۋاڭشىلىقتان ساقتانۋ جانە ونى تىزگىندەۋ كۇنى». «جەردىڭ شولەيتتەنۋىنەن ساقتانىپ جانە ونى تىزگىندەپ، كەدەيلىكتەن قۇتىلدىرۋدان قامال الۋ شايقاسىنا دەم بەرەيىك» − ەلىمىزدىڭ ۇگىت تاقىرىبى بولدى.
جەردىڭ شولەيتتەنۋى مەن كەدەيلىك ءبىر - بىرىمەن تىكە بايلانىستى. بۇكىل شينجياڭداعى اۋىر كەدەي اۋدانداردىڭ، اۋىر كەدەي قىستاقتاردىڭ، اۋىر كەدەي حالىقتىڭ باسىم كوپ ساندىسى شولەيتتەنگەن وڭىردە.
«جاڭا دامۋ ۇستانىمىن جاپپاي دايەكتىلەندىرىپ، قۇمايتتانۋدان، شولەيتتەنۋدەن ساقتانىپ جانە ونى تىزگىندەپ، ەكولوگيالىق جاقتان كەدەيلەردى سۇيەمەلدەۋ قىزمەتىن ىلگەرىلەتىپ، ءشول دالانى جاسىلداندىرۋ ينجەنەرياسىن اتقارۋ ارقىلى ءشول دالا ەكولوگيالىق ەكونوميكاسىن دامىتۋدى وڭتۇستىك شينجياڭنىڭ ورمان شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋدىڭ، ەكولوگيا مەن كاسىپ سالاسىنىڭ سايكەسۋىن جۇزەگە اسىرۋدىڭ، جاسىل ەكونوميكانىڭ دامۋىندا جاڭالىق اشۋدىڭ ۇتىمدى جولى ەتىپ، ەكولوگيالىق جاقتان كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىل قول جەتكىزەمىز»، - دەدى اۆتونوميالى رايوندىق قۇمايتتانۋدان، شولەيتتەنۋدەن ساقتانۋ جانە ونى تىزگىندەۋ قىزمەتىن سايكەستىرۋگە باسشىلىق ەتۋ گرۋپپاسى كەڭسەسىنىڭ مەڭگەرۋشىسى تۇرسىن توحتى.
ۇعىسۋعا قاراعاندا، «13 - بەسجىلدىق» مەزگىلىندە مەملەكەت شينجياڭعا قۇمايتتانعان 22 ميلليون 500 مىڭ مۋ جەردى جالپىلىق تىزگىندەۋ مىندەتىن تۇسىرگەن، قازىر 13 ميلليون 476 مىڭ مۋ جەر جالپىلىق تىزگىندەلىپ، مىندەتتىڭ %57.57ى ورىندالعان. قۇمايتتانۋدان، شولەيتتەنۋدەن ساقتانۋ جانە ونى تىزگىندەۋ ەكولوگيالىق ينجەنەريالىق قۇرىلىسىن ىلگەرىلەتۋدە ۇكىمەت جەتەكشى، كاسىپورىن باستاماشى، كوپ ساندى سۋبيەكت ات سالىسقان، كوپ نەگىزدى قارجى قوسقان قۇرىلىس جاعدايى قالىپتاسقان.
«رايونىمىزدىڭ جەر - جەرى قۇمايتتانۋدان، شولەيتتەنۋدەن ساقتانۋ جانە ونى تىزگىندەۋ ينجەنەريالىق قۇرىلىسىندا ەكولوگيالىق ورمان مەن ەكونوميكالىق ورماننىڭ سالىستىرماسىن عىلمي ورنالاستىرىپ، ەكولوگيانىڭ باياندىلىعىن قورعاۋمەن بىرگە، ورمان شارۋاشىلىعىنىڭ ەكونوميكالىق دامۋىنا جانە شارۋالاردىڭ كىرىسىنە تەڭ ءمان بەردى. ءبىز پايدالانىلماعان قۇمايتتانعان جەرلەردە كىرىستىرمەلى وتىرىقتاندىرۋ تۇيىندەرىن قۇرىپ، ءار وتباسى سايىن بىردەن پارنيك، بىردەن اۋلا جانە بىرنەشە مۋ كەلەتىن جەمىس باعى بار بولۋدى جوبالاپ، شارۋالاردا ءۇي، كاسىپ، اۋقاتتانۋ جولى بولۋعا مۇمكىندىك جاساماقشىمىز»، - دەيدى تۇرسىن توحتى.
اقسۋ ايماعىنىڭ ۋىنسۋ اۋدانى قالاشىعىنان 8 كيلومەتر شالعايدا جاسىل قالتقىعا ۇقسايتىن رەتتى ىقتاسىن ورمان جاسىل القاپتى قۇمدىقتان ءبولىپ تۇر. 10 مىڭ مۋلىق ورگانيكالىق جەمىس ورمانى بازاسى وسى جاسىل القاپتا. بىرنەشە جىلدىڭ الدىندا بۇل ارا ۋىنسۋ اۋدان قالاشىعى مەن اقسۋ قالاسىنىڭ سولتۇستىگىندەگى قۇمدى بوران قاينارى بولاتىن. قۇمايتتانعان جەر وسى زامانعى سۋ جانە تىڭايتقىش تەحنيكاسى ارقىلى جاڭالانىپ، ءشول دالاداعى بوس جەر ەكولوگيالىق قالتقىعا، ساپالى جەمىس - جيدەك وندىرەتىن جەرگە جانە جەرگىلىكتى بۇقارانىڭ ىرىستى جەرىنە اينالدى، قازىر شىلاننىڭ مۋ باسىندىق ءونىمى 1600 كيلوگرامعا جەتىپ، ءونىم قۇنى 10 مىڭ يۋاننان استى.
