تيانشان تورى   ›   جاڭالىقتار   ›   شينجياڭ حابارلارى

ساتۋدا «5 ءبىر تۇتاستى» ىسكە اسىرىپ، ماركا باسىمدىعىن جاراتتى

  كۇشاردىڭ اق ورىگى ىشكى ولكە بازارىندا ءوتىمدى بولدى

  ەرىكتى تىلشىلەر ۋاڭ حوۋيۇن، ۋاڭ جيانچياڭ 6 - ايدىڭ 17 - كۇنى كۇشاردان حابارلايدى. 6 - ايدىڭ 13 - كۇنى كۇشار اۋدانى ءۇش وستەڭ اۋىلى قوشتۇر قىستاعىنىڭ باعىبانى قۇربان روزى جۇمىسشىلاردى اق ورىكتى ۇزۋگە، دارەجەگە ءبولىپ قوراپتاۋعا ۇيىمداستىرىپ، ىشكەرىگە جونەلتۋگە دايىندالدى. ول: مەن 30 مىڭ يۋاننىڭ ورىگىن ساتتىم، قالعان ورىكتى 80 مىڭ يۋان شاماسىندا ساتامىن دەپ مەجەلەپ وتىرمىن، بۇل بىلتىرعى كىرىسىمنىڭ 3 ەسەسىنە بارابار كەلەدى، الداعى جەردە ورىكتىڭ ساپاسىن ۇزدىكسىز جاقسارتىپ، ىشكەرىدەگى قاريدارلاردىڭ ەڭ ءدامدى اق ورىكتەن ءدام تاتۋىنا كۇش سالامىن، - دەيدى.

  كۇشار اۋدانىنىڭ ەلەكتروندى ساۋدا ىستەرىنە الەۋمەتتىك قىزمەت كورسەتۋ ورتالىعىنىڭ كومەگىندە، ىشكەرىدەگى ساۋداگەرلەر قۇرباننىڭ 30 مۋ ورىگىنە تۇگەلىمەن تاپسىرىس بەرىپ بولدى، ءار كيلوگرامىنىڭ ساتۋ باعاسى 10 − 12 يۋاننان تۋرا كەلدى. مول ونىمنەن كىرگەن قوماقتى كىرىس ونى شاتتىققا بولەپ قالماستان، ورىك كاسىبىن دامىتۋ سەنىمىن اناعۇرلىم بەكەمدەدى.

  كۇشار اۋداندىق ەلەكتروندى ساۋدا ىستەرىنە الەۋمەتتىك قىزمەت كورسەتۋ ورتالىعىنىڭ جاۋاپتىسى شۇي حۇڭجۇن بىلاي دەپ تانىستىردى: اق ورىك 5 - ايدىڭ سوڭىندا بازارعا سالىنعاننان بەرى، قىزمەت كورسەتۋ ورتالىعى جەرگىلىكتى ورىنداعى سەلبەستىك كووپەراتيۆتەرىنە جانە شارۋالارعا سىرتقا ساتۋ ارناسىن اشىپ بەرۋگە بەلسەندى تۇردە كومەكتەسىپ، بەيجيڭ، شاڭحاي، جيجياڭ، حاڭجوۋ، نيڭبو سياقتى جەرلەرگە ىلگەرىندى - كەيىندى 50 توننادان استام اق ورىك جەتكىزىپ، جەرگىلىكتى ورىنداعى اق ورىكتىڭ ساتىلۋ مولشەرىن جانە ساتىلۋ سوماسىن بارىنشا جوعارىلاتتى.

  بيىل كۇشار اۋدانى ەرەكشە قوراپتاۋ ءتاسىلىن ىسكە قوسىپ، اق ورىكتىڭ تاسىمالداۋ بارىسىندا مىجىلىپ قالماۋىنا كەپىلدىك ەتكەندىكتەن، ساقتالۋ ۋاقىتى بۇرىنعى جىلدارعا سالىستىرعاندا كوپ ۇزاردى. سونىمەن بىرگە، كۇشار اۋدانى اق ورىكتى ساتۋ بارىسىندا ءبىر تۇتاس ولشەم قولدانۋدى، ءبىر تۇتاس ماركا ىستەتۋدى، ءبىر تۇتاس قوراپتاۋدى، ءبىر تۇتاس باعا بەلگىلەۋدى، سىرتقا ءبىر تۇتاس ساتۋدى جولعا قويىپ، باعىباندار مەن ساۋداگەرلەرگە ءادىل دە ءتارتىپتى ساۋدا تۇعىرىن ورناتىپ، باعىبانداردىڭ مول ونىمنەن قوماقتى كىرىس كىرگىزۋىن جۇزەگە اسىرۋمەن بىرگە، ىشكەرىدەگى قاريدارلاردىڭ كۇشاردىڭ اق ورىك ماركاسىن تانۋىنا مۇمكىندىك تۋدىردى.

  كۇشار اۋدانى وچا قالاشىعى ورىك قوعامىنىڭ «ياكىشي» جەمىستەرى شارۋالار سەلبەستىك كووپەراتيۆىنىڭ جاۋاپتىسى ازەز سامەت بىلاي دەدى: بۇرىندارى ورىك پىساتىن مەزگىل جەتىسىمەن ءبىز سىرتقا قاريدار ىزدەۋگە ارنايى ادام جىبەرىپ، تاپسىرىس ىزدەيتىنبىز، بيىل ىشكەرىدەگى ساۋداگەرلەر وزدەرى ىزدەپ كەلدى، ونىڭ ۇستىنە باعاسى دا بىلتىرعىدان 2 ەسە جوعارى بولدى.

  كۇشار اۋداندىق ورمان شارۋاشىلىعى مەكەمەسىنىڭ اعا ينجەنەرى ءانۋار امۇت بىلاي دەدى: كەزەكتە كۇشار اۋدانى 95 مىڭ مۋ جەرگە سورتتى اق ورىك ەككەن، ورىكتىڭ جىلدىق ءونىم مولشەرى 30 مىڭ توننادان اسادى، باعىباندار ءار مۋىنان 8000 دا 10 مىڭ يۋانعا دەيىن كىرىس كىرگىزە الادى، بۇگىنگى كۇندە اق ورىك كۇشارداعى شارۋالاردى كىرىسىن ارتتىرىپ، بايۋ جولىنا باستايتىن نەگىزگى ونىمگە اينالدى. 

     ۇعىسۋعا قاراعاندا، 5 - ايدىڭ 25 - كۇنىنەن بەرى، ءار كۇنى 10 توننا شاماسىنداعى كۇشار اق ورىگى اۋە تاسىمالى ارقىلى بەيجيڭ، شاڭحاي، تيانجين، گۋاڭجوۋ، حاڭجوۋ، شىنجىن، چىڭدۋ سياقتى 40 نەشە قالانى قامتىعان ىشكەرىدەگى بازارلارعا جەتكىزىلگەن. اۋداننىڭ %90تەن استام اق ورىگى سىرت جەرلەرگە تاپسىرىس ارقىلى ساتىلعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى