تيانشان تورى   ›   بىلگەنگە مارجان   ›   بال داۋرەن

بالا نەگە تۇيىق بولىپ وسەدى؟

  بالا مىنەزىنىڭ تۇيىق بولۋىنىڭ سەبەپتەرى وتە كوپ. بىرىنشىدەن، بالانىڭ پسيحولوگيالىق ەرەكشەلىگىنە، جان دۇنيەسىنىڭ نازىكتىگىنە، ىشكى الەمىنىڭ تەرەڭدىگىنە، فيزيكالىق كەمىستىگىنە بايلانىستى بولۋى مۇمكىن.

  مۇنداي بالا جالعىزدىقتى قالايدى، ول جالعىز ءوزى عانا ىستەيتىن جۇمىستاردى ورىندايدى. مۇنداي جاعدايدا اتا-انالارى بالاسىنا اسا ساق جانە سەرگەك بولۋى كەرەك. سوندىقتان، «وعان بىردەڭە بولدى، ءبىر جەرى اۋىرىپ ءجۇر» دەپ قاۋىپتەنبەڭىز. «تاربيەلەيمىن» دەپ، ونىڭ نازىك الەمىنە قول سۇعىپ، دامۋىنا زيان كەلتىرۋىڭىز مۇمكىن. بالانىڭ تۇيىق مىنەزى ءبىر جۇمىستان قالجىراعانىنا، السىزدىگىنە، سىرقاتىنا، جاقىن دوسىمەن رەنجىسىپ قالۋىنا، اراداعى تۇسىنىسپەۋشىلىككە بايلانىستى بولسا، بۇل باسقا جاعداي. مۇندايدا اتا-انالار بالا كوڭىل كۇيىنىڭ كەنەتتەن نە سەبەپتى وزگەرگەنىن بالامەن سويلەسىپ انىقتاپ الۋى قاجەت، ەگەر قولىڭىزدان كەلسە، بۇل كەزەڭنىڭ ەشبىر اۋىرتپالىقسىز، قايعىرۋسىز ءوتىپ كەتۋىنە كومەكتەسىڭىز. وتباسىندا جالعىز تاربيەلەنگەن بالا كوبىنەسە تۇيىق مىنەزدى بولادى. ۇنەمى جالعىز ءوزى وينايدى، ەشكىممەن ارالاسپايدى. اتا-اناسىنىڭ دا تۋىسقاندارىمەن تەك تەلەفون ارقىلى عانا حال-جاعداي سۇراسقانىن، ارادا تىعىز، جاقىن بايلانىستىڭ جوعىن كورگەن بالا بولاشاقتا وزدىگىنەن اينالاسىنداعىلارمەن قارىم-قاتىناس ورناتۋعا تالپىنبايتىن بولادى.

  مۇمكىن، بالانىڭ مۇنداي مىنەزىنىڭ قالىپتاسۋىنا اتا-انا، ءسىز سەبەپ بولعان شىعارسىز. بالاڭىزعا جەتكىلىكتى كوڭىل بولەسىز بە؟ جۇمىسىڭىز كوپ، بالاڭىزبەن بىرگە ويناۋعا، جاي عانا اڭگىمەلەسۋگە، ءتىپتى ونىڭ سىزگە ايتقىسى كەلگەن اڭگىمەسىن تىڭداۋعا ۋاقىتىڭىز جوق شىعار. الدە سەرۋەندەپ جۇرگەندە بالاڭىز جەردەن ءبىر ادەمى تاس تاۋىپ الىپ نەمەسە قۇراستىرمالاردان ءبىر ماشينا جاساپ، پلاستيليننەن اڭنىڭ بەينەسىن سومداپ، سونى سىزگە كورسەتۋگە اسىعىپ، قۋانىپ، كوزى جايناپ جۇگىرىپ كەلگەندە، ءسىز ونى جاقتىرماي، قاباعىڭىزدى شىتىپ، بۇزىپ، لاقتىرىپ، ءتىپتى تەلەديدار كورىپ وتىرعان ءسىزدىڭ كوڭىلىڭىزدى بۇزعانى ءۇشىن ايقايلاپ جىبەرگەن كەزىڭىز بولعان شىعار.

  ادەتتە، وتباسى مۇشەلەرىنىڭ بىرەۋى ۇنەمى ونىڭ ءبىر ارەكەتىن نەمەسە قيالىنان شىعارعان (بالالارعا ءتان قىلىق قوي) اڭگىمەلەرىن جاقتىرماي، كۇلكى ەتىپ، بالاعا ۇنەمى ءبارىن دۇرىس ەمەس ىستەيتىندىگىن ايتىپ، وتە قاتتى (جاي) سويلەيسىڭ، وتە جىلدام (اسىقپاي) قيمىلدايسىڭ، ولاي جۇرمەيسىڭ، بىلاي وتىرمايسىڭ...، بەتىنە باسادى. بالاعا بۇل قاتتى اسەر ەتىپ، بويىندا تۇيىق مىنەز قالىپتاسادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى