ساپالى دامۋدى جۇزەگە اسىرۋدا ۇزدىكسىز تىڭ ىلگەرىلەۋشىلىككە قول جەتكىزەيىك
ءتىلشىمىز يۋان لەي 6 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 6 - ايدىڭ 19 - كۇنى اۆتونوميالى رايوندىق حالىق ۇكىمەتى پارتيا باسشىلىق گرۋپپاسى وزەكتى ۇيرەنۋ گرۋپپاسىنىڭ ۇيرەنۋىن باسقارىپ اشتى. ءماجىلىس باس شۋجي شي جينپيڭنىڭ چاڭجياڭ ەكونوميكالىق بەلدەۋىنىڭ دامۋىن تەرەڭدەي ىلگەرىلەتۋ جونىندەگى اڭگىمە ماجىلىستە سويلەگەن ءسوزىنىڭ رۋحىن قايتالاي جەتكىزدى، ۇيرەندى، ۇكىمەت جۇيەسىنىڭ دايەكتىلەندىرۋ، تياناقتاندىرۋ پىكىرىن ىشكەرىلەي اقىلداستى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزى كورەگەن، جالپى جاعدايدى مەڭگەرە بىلگەن، يدەياسى تەرەڭ، مازمۇنى باي، چاڭجياڭ ەكونوميكالىق بەلدەۋىنىڭ دامۋى جونىندە ماڭىزدى ستراتەگيالىق ورنالاستىرۋ جاساۋمەن بىرگە، ءبىزدىڭ ەكونوميكانىڭ ساپالى دامۋىن ىلگەرىلەتۋىمىزگە يدەيالىق جەتەكشى جانە ءتۇبىرلى نەگىز ۇسىندى ءارى لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋىمىزعا پارمەندى يدەيالىق قارۋ ازىرلەدى. ۇكىمەت پارتيا باسشىلىق گرۋپپاسى جانە ۇكىمەت كەڭسەسى پارتيا باسشىلىق گرۋپپاسى، سونداي - اق ۇكىمەت جۇيەسىندەگى تاراۋلار، ورىندار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، رايونىمىز ەكونوميكاسىنىڭ ساپالى دامۋدى جۇزەگە اسىرۋدا ۇزدىكسىز تىڭ ىلگەرىلەۋشىلىككە قول جەتكىزۋىن بۇلجىماي جەبەۋ كەرەك.
ءماجىلىس مىنالاردى تالاپ ەتتى: جاڭا دامۋ ۇستانىمىن دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى اۋەنىنەن جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ ۇستانىمىن دايەكتىلەندىرىپ، تياناقتاندىرىپ، ەلىمىز قوعامىنداعى باستى قايشىلىقتىڭ وزگەرىسىنە تىعىز بايلانىستىرىپ، قامداۋ جاعىنداعى قۇرىلىمدىق رەفورمانى جەلى ەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس ىلگەرىلەتىپ، ساپا وزگەرىسىن، ونىمدىلىك وزگەرىسىن ىلگەرىلەتۋ كەرەك. ساپالى دامۋ تالابىنا ساي، وسىزاماندانعان ەكونوميكالىق جۇيەنى بەلسەنە ورناتىپ، ەكونوميكالىق دامۋدىڭ جاڭا قوزعالتقىش ەنەرگياسىن كۇشەيتىپ، «ءۇش ۇلكەن قامال الۋ شايقاسىن» باتىل، ويداعىداي جۇرگىزىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن، اۋىل - قىستاقتاردى گۇلدەندىرۋ ستراتەگياسىن، ساياحات كاسىبىن دامىتۋدى كۇش سالا مىقتى يگەرىپ، رەفورمانى ۇزدىكسىز تەرەڭدەتىپ، ەسىكتى ايقارا اشۋ كەرەك. ەكولوگيالىق ورتانى قورعاۋدى كۇشەيتىپ، ەكولوگيالىق ورتانى قورعاعاندىق − وندىرگىش كۇشتى قورعاعاندىق، جاسىل تاۋ، تۇنىق سۋ − باعا جەتپەس بايلىق دەيتىن ۇستانىمدى بەرىك ورناتىپ، ءتۇزىلىس، مەحانيزم رەفورماسىن تەرەڭدەتىپ، جاسىل دامۋدى جەتەكشى ەتكەن باعالاۋ جۇيەسىن كەمەلدەندىرىپ، «ءۇش جوعارى نىسانداردىڭ» شينجياڭعا كىرۋىنە قاتاڭ تيىم سالىپ، ەنەرگيا، كەن بايلىعىن اشۋدى اۆتونوميالى رايوندىق حالىق ۇكىمەتى «ءبىر قالاممەن» تەكسەرىپ بەكىتۋ ءتۇزىمىن، قورشاعان ورتانى قورعاۋدى «ءبىر داۋىسپەن تەرىستەۋ» ءتۇزىمىن اتقارىپ، اسپانى اشىق، جەرى جاسىل، سۋى تۇنىق كوركەم شينجياڭدى قۇلشىنا قۇرۋ قاجەت. دۇرىس قىزمەت ناتيجەسى كوزقاراسىن ورناتىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شەگە قاعۋ رۋحىمەن تالىقپاي قۇلشىنىپ، تاباندىلىقپەن ەڭبەك ەتىپ، ونىمدىلىكتى تىڭعىلىقتى يگەرىپ، جوبانى تاباندىلىقپەن سوڭىنا دەيىن ىسكە اسىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ءونىمدى تياناقتانۋىنا كەپىلدىك ەتىپ، تاريحتىڭ جانە حالىقتىڭ سىنىنان وتە الاتىن ناتيجەلەرگە قول جەتكىزۋگە قۇلشىنۋ كەرەك.
