ءتىلشىمىز جاۋ جىيۇن 6 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق حالىق قۇرىلتايىنىڭ تۇراقتى كوميتەتى 6 - ايدىڭ 19 - كۇنى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن وتكىزىپ، باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى نۇسقاۋىنىڭ رۋحىن جەتكىزدى، ۇيرەندى، مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترى جاۋ كىجىنىڭ شينجياڭدا قىزمەت تەكسەرگەندە سويلەگەن ءسوزىنىڭ رۋحىن جەتكىزدى، ۇيرەندى، ورگاننىڭ ۇستەگى جارىم جىلدا ورىستەتكەن «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى سياقتى قىزمەتتەرىنىڭ جاعدايىنان جاساعان مالىمەتىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، تۇراقتى كوميتەتتىڭ مەڭگەرۋشىسى شاۋكەت يمىن ءماجىلىستى باسقاردى ءارى ءسوز سويلەدى.
ماجىلىستە مىنالار باسا دارىپتەلدى: اۆتونوميالى رايوندىق حالىق قۇرىلتايى تۇراقتى كوميتەتى باس شۋجي شي جينپيڭنىڭ كەدەيلىكتەن قۇتىلدىرۋدان قامال الۋ قىزمەتى جونىندەگى ماڭىزدى نۇسقاۋىنىڭ رۋحىن قاز - قالپىندا ىشكەرىلەي ۇيرەنىپ، دايەكتىلەندىرىپ، كەدەيلىكتەن قۇتىلدىرۋدان قامال الۋ قىزمەتى قول جەتكىزگەن كورنەكتى جەتىستىكتەردى جەتە تانىپ، «ءتورت تانىمدى» بەرىك ورناتىپ، ساياسي دەڭگەيدى ءوسىرىپ، كەدەيلىكتەن قۇتىلدىرۋدان قامال الۋدى حالىق قۇرىلتايى قىزمەتىنىڭ ماڭىزدى سالاسى ەتىپ، حالىق قۇرىلتايىنىڭ فۋنكتسياسى مەن باسىمدىعىن تولىق ساۋلەلەندىرىپ، كەدەيلىكتەن قۇتىلدىرۋدان قامال الۋدىڭ نەگىزگى ساياساتتارى مەن تۇزىمدەرى اياسىندا زاڭ شىعارۋدى ويداعىداي ىستەپ، «اۋىل شارۋاشىلىعى، اۋىل - قىستاق، شارۋالار» قىزمەتىن زاڭمەن جونگە سالۋ جۇيەسىن اقاۋسىزداندىرىپ، زاڭ شىعارۋدىڭ جەتەكشىلىك ەتۋ جانە ىلگەرىلەتۋ رولىن تولىق ساۋلەلەندىرىپ، باقىلاۋ قىزمەتىن كۇشەيتىپ جانە وعان وزگەرىس ەنگىزىپ، ءار دارەجەلى حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ ءۇشىن تيەسىلى ۇلەس قوسۋ كەرەك.
ماجىلىستە مىنالار اتاپ كورسەتىلدى: جاۋ كىجى جولداس تەكسەرۋ - زەرتتەۋ گرۋپپاسىن باستاپ شينجياڭعا كەلىپ، قىزمەت تەكسەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن جانە شىنايى قامقورلىق جاسايتىندىعىن تولىق بەينەلەدى، شينجياڭنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ءتىپتى دە جاقسى دايەكتىلەندىرۋى جونىنەن ماڭىزدى جەتەكشىلىك مانگە يە. مينيستر جاۋ كىجىنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ حالىق قۇرىلتايى قىزمەتىنە ابسوليۋتتى باسشىلىعىنا قاشاندا تاباندى بولىپ، شينجياڭ قىزمەتىنىڭ باس نىساناسىمەن جاڭا داۋىردەگى حالىق قۇرىلتايى قىزمەتىنە ءبىر تۇتاس باسشىلىق ەتۋدەن جازباي، حالىق قۇرىلتايى قىزمەتىنىڭ ۇشتاسۋ ءتۇيىنىن، ءتۇيىلىسۋ ءتۇيىنىن، كۇش سالۋ ءتۇيىنىن ءدال تاۋىپ، حالىق قۇرىلتايىنىڭ فۋنكتسيالىق رولىن تولىق ساۋلەلەندىرىپ، زاڭ شىعارۋ ۇقىعىن، باقىلاۋ ۇقىعىن، بەلگىلەۋ ۇقىعىن، مىندەتكە تاعايىنداۋ، مىندەتتەن قالدىرۋ ۇقىعىن زاڭ بويىنشا اتقارىپ، پارتيا ورتالىق كوميتەتىنىڭ كەلەلى شەشىمدەرىنىڭ ءونىمدى تياناقتاندىرىلۋىن ىلگەرىلەتىپ، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ ناقتاپ تياناقتاندىرىلۋىن ىلگەرىلەتۋ كەرەك.
ماجىلىستە مىنالار تالاپ ەتىلدى: تۇراقتى كوميتەت ورگانى وتكەن جارىم جىلدا «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن تىڭعىلىقتى ورىستەتىپ، جىلدىق جوسپار بولۋدى، ءار ايدا قيمىل وتكىزۋدى ورىندادى، قيمىلداردىڭ باستى تاقىرىبى، ناقتى ونىمدىلىگى بولدى، «تۋىسىممەن بىرگە نەگىزگى زاڭدى ۇيرەنەمىن» تاقىرىپتىق قيمىلى سىندى حالىق قۇرىلتايىنىڭ وزىندىك ماركاسىن ايگىلەپ، ۇلتتار ىنتىماعىن پارمەندى جەبەپ، نەگىزگى ساتى نەگىزىن بەكەمدەدى. سوڭعى جارىم جىلدا، اۆتونوميالى رايوندىق پارتكومنىڭ قىزمەت ورنالاستىرۋلارىن تاباندىلىقپەن دايەكتىلەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن اناعۇرلىم تەرەڭدەي تىڭعىلىقتى ورىستەتىپ، وسى قىزمەتتى شىنايى، جىنتىكتەي ىستەپ، ەرەكشەلىگىن جانە ونىمدىلىگىن كورسەتۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيىلەرى، تۇراقتى كوميتەتتىڭ ورىنباسار مەڭگەرۋشىلەرى لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، تۇراقتى كوميتەتتىڭ ورىنباسار مەڭگەرۋشىلەرى گۇلشات ابدىقادىر، سو يۋە ماجىلىسكە قاتىناستى، تۇراقتى كوميتەتتىڭ ورىنباسار مەڭگەرۋشىسى دۇڭ شينگۋاڭ ماجىلىسكە سىرتتاي قاتىناستى.
