ىلە قازاق اۆتونوميالى وبلىستىق ۇلت،ءدىن ىستەرى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى
بەكەن توقتابەك ۇلى
مەن پارتيا تالاي جىل تاربيەلەگەن جانە باۋلىعان قازاق كادرمىن. مەن رەفورما جاساعاننان، ەسىك اشقاننان، اسىرەسە، پارتيا 18 - قۇرىلتايىنان بەرى، شينجياڭنىڭ سان سالالى ىستەردە شۇعىلالى تابىستارعا قول جەتكىزىپ، تيانشاننىڭ تۇستىگى مەن تەرىستىگىندە وراسان زور وزگەرىستەردىڭ تۋىلعانىن ءوز كوزىممەن كوردىم. بۇلاردىڭ بارلىعى پارتيانىڭ دانىشپان باسشىلىعىنىڭ ارقاسى. جۇڭگو كوممۋنيستىك پارتياسى مەن ۇلى وتان بولماسا، شينجياڭنىڭ بۇگىنگىدەي كوركەيىپ - گۇلدەنۋى، دامۋى بولماس ەدى، ءار ۇلت حالقىنىڭ باقىتتى تۇرمىسى دا بولماس ەدى.
«ءۇش ءتۇرلى كۇش» الۋان ءتۇرلى ايلالارمەن رلاڭ سالىپ، بەيكۇنا جانداردى قىرعىنداپ، بۇلىك تۋدىرىپ، ءار ۇلت بۇقاراسىنىڭ ءومىرى مەن مال - مۇلكى حاۋىپسىزدىگىن جانە قالىپتى تۇرمىس ءتارتىبىن اۋىر دارەجەدە ءبۇلدىردى، ولاردىڭ بۇل ارەكەتى ادامزاتقا، قوعامعا، وركەنيەتكە اشىقتان - اشىق قارسى ارەكەت. «ءۇش ءتۇرلى كۇش» ءار ۇلت حالقىنىڭ ورتاق جاۋى. ءبىز ونىڭ كەرتارتپا ءمانىن، ءسوز جوق، جىعا تانىپ، «ءۇش ءتۇرلى كۇشكە» باتىل سوققى بەرىپ، ولاردى ۇر - ۇردىڭ استىنا الىپ، كوشەدەن قاشقان تىشقاننىڭ حالىنە ءتۇسىرۋىمىز كەرەك. مەن «ءۇش ءتۇرلى كۇشكە» تۋىم ايقىن تۇردە قارسى تۇرىپ، «ءۇش ءتۇرلى كۇشكە» قارسى تۇرۋ كۇرەسىندە باستاماشى، اتويشى بولامىن، باتىل تۇردە ءدىني ۇشقارى يدەيامەن شەك - شەكارامدى ايقىن اجىراتامىن، «ەكىبەتكەيلەردى» باتىلدىقپەن تۇگەلدەي تارتىپ شىعارامىن، تىپ - تيپىل الاستايمىن، ءبىرجولاتا جويامىن.
مەن مۇرات - سەنىمىمدى اناعۇرلىم كۇشەيتىپ، وي - سانامدى قاي - قاشان دا سەرگەك ۇستاپ، دۇرىس بەتالىستى يگەرىپ، جالپى جاعدايدى سانالىلىقپەن شىعار ءتۇيىن ەتىپ، ساياسي تۇراقتىلىعىمدى جوعارىلاتىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن، ساحنادا ءبىر ءتۇرلى، ساحنادان تۇسكەندە ءبىر تۇرلى، كورنەۋدە ءبىر ءتۇرلى، كومەسكىدە ءبىر ءتۇرلى بولاتىن «ەكىبەتكەي» بولمايمىن. ءوزىمنىڭ ارتىقشىلىعىمدى ساۋلەلەندىرىپ، پارتيانىڭ حالىققا ءتيىمدى ساياساتتارىن بار كۇشپەن ۇگىتتەيمىن، تۋىم ايقىن تۇردە بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە تۇرامىن، ايقىن پوزيتسيادا بولىپ، حاۋىپ - قاتەرلەردەن قورىقپاي، باتىلدىقپەن، شەبەرلىكپەن كۇرەس جۇرگىزەمىن، ءوزىمنىڭ ونەگەلى ارەكەتىم ارقىلى قالىڭ كادرلار مەن بۇقارانىڭ وتاننىڭ تۇتاستىعىن قورعاپ، ۇلتتىق بولشەكتەۋشىلىككە قارسى تۇرۋدىڭ قۇرىش قورعانىن سوعۋىنا يگى ىقپال كورسەتەمىن جانە ولاردى باستايمىن.
ۇلتتار ىنتىماعى مەن قوعام ورنىقتىلىعى ءبىزدىڭ ءار ۇلت حالقىمىزعا اۋا مەن سۋداي قاجەت. ىنتىماقتىلىق، ورنىقتىلىق − قۇت، بولشەكتەۋشىلىك، بىلىقپالىق − جۇت. ورنىقتى ورتا بولماسا، شينجياڭنىڭ تاماشا بولاشاعى بولمايدى، ءبىزدىڭ ءار ۇلت حالقىمىزدىڭ نۇرلى ەرتەڭى بولمايدى. ۇلت، ءدىن قىزمەتىمەن شۇعىلدانعان كادر رەتىندە، مەن ۇلتتىق بولشەكتەۋشىلىككە، ءسوز جوق، باتىل قارسى تۇرىپ، قاي - قاشان دا ۇلتتار ىنتىماعىن امالياتىمدا ايگىلەپ، ۇلتتار ىنتىماعى مەن قوعام ورنىقتىلىعىن ءىس جۇزىندىك ارەكەتىممەن قورعايمىن.
