چىن چۋانگو، يۋان جياجۇن، شوكىرات زاكىر، لي پىڭشين قيمىلعا قاتىناستى
تىلشىلەرىمىز ياۋ تۇڭ، دۇڭ شاۋحۋا، لي ياڭ 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 19 -، 20 - كۇندەرى جىجياڭ ولكەلىك پارتكومنىڭ ورىنباسار شۋجيى، ولكە باستىعى يۋان جياجۇن ۋاكىلدەر ۇيىرمەسىن باستاپ شينجياڭعا كەلىپ شينجياڭعا باعىتتامالى كومەكتەسۋ جانە شىعىس پەن باتىس بولىكتەردىڭ كەدەيلەردى سۇيەمەلدەۋ سەلبەستىگى قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
6 - ايدىڭ 19 - كۇنى تۇستەن كەيىن جىجياڭ ولكەسى. شينجياڭ ۇيعۇر اۆتونوميالى رايونى جانە بيڭتۋان باعىتتامالى كومەكتەسۋ قىزمەتى جونىندەگى اڭگىمە ءماجىلىس ۇرىمجىدە وتكىزىلدى. چىن چۋانگو اۆتونوميالى رايوندىق پارتكوم، ۇكىمەت جانە بۇكىل شينجياڭداعى ءار ۇلت حالقى اتىنان جىجياڭ ولكەسى ۋاكىلدەر ۇيىرمەسىنىڭ شينجياڭعا كەلگەنىن قىزۋ قارسى الىپ، جىجياڭ ولكەسىنىڭ ۇزاق مەزگىلدەن بەرى شينجياڭ قىزمەتىنە زور كۇشپەن قولداۋ كورسەتكەنىنە جانە قالتقىسىز كومەك جاساعانىنا شىن جۇرەكتەن العىس ايتتى. چىن چۋانگو بىلاي دەدى: سوڭعى جىلدارى جىجياڭ ولكەلىك پارتكوم، ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «سەگىز سەگىز» ستراتەگياسىن بار كۇشپەن اتقارىپ، ەكونوميكالىق دامۋدىڭ جاڭا قالىبىن ىرىقتىلىقپەن يگەرىپ جانە وعان جەتەكشىلىك ەتىپ، قامداۋ جاعىنداعى قۇرىلىمدىق رەفورمانى بەلسەندى تۇردە ىلگەرىلەتىپ، تۇرلەندىرۋ، جاڭارتۋ جاعىنداعى ءبىر قاتار كەشەندى شارالاردى تاباندىلىقپەن ويداعىداي اتقاردى، بۇكىل ولكەنىڭ ەكونوميكاسىندا كورنەكتى تابىستارعا قول جەتتى. ءبىز جىجياڭ ولكەسىنىڭ رەفورما جاساۋ، ەسىك اشۋ ىستەرى مەن وسىزامانداندىرۋ قۇرىلىسىنداعى جاقسى تاجىريبەلەرى مەن جاقسى ادىستەرىن مۇقيات ۇيرەنىپ جانە ۇلگى ەتىپ، كورىكتى شينجياڭدى قۇلشىنا قۇرامىز.
چىن چۋانگو مىنالاردى ءبىلدىردى: جىجياڭ ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە ايرىقشا ءمان بەرىپ، شينجياڭعا باعىتتامالى كومەكتەسۋ قىزمەتىن قاشاندا ماڭىزدى ساياسي جاۋاپكەرشىلىك دەپ ءبىلىپ، شينجياڭعا باعىتتامالى كومەكتەسۋ قىزمەتىندە پارمەندى شارا اتقارىپ، كورنەكتى ناتيجەگە جەتىپ، اقسۋ ايماعى مەن بيڭتۋان 1 - شىسىنىڭ جاراسىمدى ورنىقتىلىعىن، ەكونوميكالىق دامۋىن، ۇلتتار ىنتىماعىن، قوعامدىق العا باسۋىن پارمەندى تۇردە جەبەپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوسىپ، ءار ۇلت كادر - جۇرتشىلىعىنىڭ ءبىر اۋىزدى جاقسى باعاسى مەن وسكەلەڭ ماداعىنا يە بولدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، باس نىسانانى نازارعا الىپ، كەشەندى شارانى ويداعىداي اتقارىپ، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، شينجياڭعا باعىتتامالى كومەكتەسۋ قىزمەتىنە ونان ارى ءمان بەرىپ جانە ونى ءتىپتى جاقسى ىستەپ، جۇڭگوشا سوتسياليستىك شينجياڭدى قۇلشىنا قۇرىپ، امالي ارەكەتتەرىمىزبەن باس شۋجي شي جينپيڭدى، پارتيا ورتالىق كوميتەتىن الاڭسىز ەتىپ، بۇكىل شينجياڭداعى ءار ۇلت حالقىنا باقىت جاراتىپ، جىجياڭ حالقىنىڭ قالتقىسىز كومەگىنىڭ قارىمجىسىن قايتارامىز.
يۋان جياجۇن مىنالاردى اتاپ كورسەتتى: سوڭعى جىلدارى اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعامنىڭ جاراسىمدىلىعى مەن ورنىقتىلىعىن تاباندى تۇردە قورعاپ، ەكونوميكانىڭ اقاۋسىز دامۋىن ىلگەرىلەتىپ، حالىق تۇرمىسىن قامتاماسىز ەتىپ جانە جاقسارتىپ، كەدەيلىكتەن قۇتىلدىرۋدان قامال الۋدى ىلگەرىلەتىپ، ۇلتتار ىنتىماعىن بەكەمدەپ جانە دامىتىپ، ءدىن تاتۋلىعى مەن جاراسىمدىلىعىن جەبەپ، پارتيانى جاپپاي قاتاڭ جونگە سالۋدى ىلگەرىلەتىپ، قوعام ورنىقتىلىعى مەن باياندى تىنىشتىقتى قورعاۋدىڭ جانە جوعارى ساپالى دامۋدى ىلگەرىلەتۋدىڭ كەشەندى شارالارىن جولعا قويدى، ءار ۇلت ىنتىماقتى، جاراسىمدى بولعان، الاڭسىز تىرشىلىك ەتكەن تاماشا جاعداي ۇزدىكسىز بەكەمدەلىپ جانە دامىپ، شينجياڭنىڭ ەكونوميكاسى مەن قوعامىندا وراسان زور وزگەرىس تۋىلدى. تۋىسقان ولكە رەتىندە، ءبىز بۇعان شىن جۇرەكتەن قۋانامىز.
يۋان جياجۇن مىنالاردى اتاپ كورسەتتى: شينجياڭعا باعىتتامالى كومەكتەسۋ قىزمەتىن تەرەڭدەتۋ − قوعام ورنىقتىلىعى مەن باياندى تىنىشتىقتى ىسكە اسىرۋداعى ماڭىزدى ستراتەگيالىق شارا، كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزۋدەگى ماڭىزدى ساياسي مىندەت، 2 ولكە - اۆتونوميالى رايوننىڭ اۋىس - كۇيىسى مەن سەلبەستىگىن كۇشەيتۋدەگى ماڭىزدى دانەكەر، جوعارى ساپالى دامۋدى ىلگەرىلەتۋدەگى ماڭىزدى وراي. جىجياڭ ولكەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن تاباندىلىقپەن تياناقتاندىرىپ، اقسۋ ايماعى مەن بيڭتۋان 1 - شىسىنا بارلىق ىنتا - جىگەرىمەن كومەكتەسىپ، باعىتتامالى كومەكتەسۋدىڭ ءورىسىن كەڭەيتۋ، باعىتتامالى كومەكتەسۋدى تەرەڭدەتۋ، باعىتتامالى كومەكتەسۋدىڭ تەبىنىن كۇشەيتۋ جۇمىستارىن بار كۇشپەن جاقسى ىستەپ، اسىرەسە، كەدەيلىكتەن قۇتىلدىرۋدان قامال الۋ شايقاسىندا دالمە - ءدال جەڭىسكە جەتۋدى ماڭىزدىنىڭ - ماڭىزدىسى ەتىپ، شينجياڭعا كاسىپ سالاسى بويىنشا كومەكتەسۋ، شينجياڭعا حالىق تۇرمىسى بويىنشا كومەكتەسۋ، شينجياڭعا اقىل - پاراسات جاعىنان كومەكتەسۋ تەبىنىن ۇزدىكسىز ارتتىرىپ، شينجياڭعا باعىتتامالى كومەكتەسۋ قىزمەتىن جوعارى ساپالى جاقسى ىستەيدى. ءبىز شينجياڭنىڭ رەفورمانى، دامۋدى، ورنىقتىلىقتى ىلگەرىلەتۋدەگى جاقسى ادىستەرىن مۇقيات ۇيرەنىپ، «ءبىر بەلدەۋ، ءبىر جول» قۇرىلىسىن ۇتىمدى وراي ەتىپ، كاسىپ سالاسى، نەگىزدىك قۇرىلعى، عىلىم - تەحنيكادا جاڭالىق اشۋ جانە ساياحات مادەنيەتى سەلبەستىكتەرىن تەرەڭدەتىپ، بايلىقتان تەڭ يگىلىكتەنۋدى جانە تەڭ ۇتا دامۋدى ىسكە اسىرامىز.
اڭگىمە ماجىلىستە شوكىرات زاكىر مەن اۆتونوميالى رايوندىق ساياسي كەڭەستىڭ ورىنباسار ءتوراعاسى، بيڭتۋاننىڭ ورىنباسار ساياسي كوميسسارى كۇڭ شيڭلۇڭ اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتتەرىنىڭ جاعدايىن تانىستىردى.
شينجياڭداعى كەزىندە جىجياڭ ولكەسىنىڭ ۋاكىلدەر ۇيىرمەسى ىلگەرىندى - كەيىندى ءۇرىمجى قالاسىندا، اقسۋ ايماعىندا تەكسەرۋ - زەرتتەۋ جۇرگىزىپ، شينجياڭعا باعىتتامالى كومەكتەسۋ نىساندارىن تەكسەرىپ، ەگىنشى - مالشىلاردى ارالاپ حال سۇراپ، شينجياڭعا كومەكتەسۋگە كەلگەن كادرلارعا، جىجياڭدىق ساۋداگەرلەردىڭ ۋاكىلدەرىنە امانداستى.
اۆتونوميالى رايوننىڭ باسشىلارىنان ەركىن تۇنياز، سارقىت اقان ۇلى، دوۋ ۋانگۇي، ياڭ يۇڭ، لي يدۇڭ اتالعان قيمىلدارعا قاتىناستى.