تيانشان تورى
تيانشان تورى   ›   جاڭالىقتار   ›   شينجياڭ حابارلارى

2018 - جىلعى تيانشان قورشاعان ورتانى قورعاۋ ساپارى − زاڭنىڭ اتقارىلۋىن تەكسەرۋ قيمىلى باستالدى

  ءتىلشىمىز جاۋ جىيۇن 6 - ايدىڭ 20 - كۇنى ۇرىمجىدەن حابارلايدى. 6 - ايدىڭ 20 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى 2018 - جىلعى تيانشان قورشاعان ورتانى قورعاۋ ساپارى − زاڭنىڭ اتقارىلۋىن تەكسەرۋ قيمىلىن باستاۋ ءماجىلىسىن وتكىزدى، بيىلعى تيانشان قورشاعان ورتانى قورعاۋ ساپارى − زاڭنىڭ اتقارىلۋىن تەكسەرۋ قيمىلىنىڭ تاقىرىبى − «اۋىل - قىستاقتاعى قورشاعان ورتانى رەتتەۋ جانە جونگە سالۋدى ىلگەرىلەتىپ، كورىكتى، جايلى مەكەن قۇرايىق» .

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى جانە ءسوز سويلەدى.

  بيىلعى تيانشان قورشاعان ورتانى قورعاۋ ساپارى − زاڭنىڭ اتقارىلۋىن تەكسەرۋ قيمىلىنىڭ باستى مىندەتتەرى مىنالار: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن جانە ەكولوگيالىق ورتانى قورعاۋ جونىندەگى مەملەكەتتىك ءماجىلىستىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، «جۇڭحۋا حالىق رەسپۋبليكاسىنىڭ قورشاعان ورتانى قورعاۋ زاڭى»، «جۇڭحۋا حالىق رەسپۋبليكاسىنىڭ قالا، اۋىلداردى جوسپارلاۋ زاڭى» جانە «شينجياڭ ۇيعۇر اۆتونوميالى رايونىنىڭ قورشاعان ورتانى قورعاۋ ەرەجەسى» سياقتى زاڭ - ەرەجەلەردىڭ اتقارىلۋ جاعدايىن تەكسەرۋدى تۇتقا ەتىپ، اۋىل - قىستاق ەكولوگيالىق وركەنيەت قۇرىلىسىن ىلگەرىلەتىپ، ەكولوگياسى جاقسى، قورشاعان ورتاسى كوركەم، جاراسىمدى، قونىسقا جايلى كورىكتى اۋىل - قىستاق قۇرۋ.

  ءماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، ساياسي جاۋاپكەرلىكتى كۇشەيتىپ، وسى رەتكى تيانشان قورشاعان ورتانى قورعاۋ ساپارى − زاڭنىڭ اتقارىلۋىن تەكسەرۋ قيمىلىن ورىستەتۋدىڭ ماڭىزدى ءمانىن تەرەڭ تانىپ، وسى رەتكى زاڭنىڭ اتقارىلۋىن تەكسەرۋ قيمىلىن ىشكەرىلەي، تىڭعىلىقتى جۇرگىزۋ كەرەك. باقىلاۋ پرينسيبىن ءتۇيىندى تۇردە جاقسى يگەرىپ، زاڭ - ەرەجەلەردىڭ اتقارىلۋىندا ورىن تەپكەن كورنەكتى ماسەلەلەردى ىشكەرىلەي تەكسەرىپ تاۋىپ، نەگىزگى زاڭ مەن زاڭداردىڭ بەدەلىن قورعاپ، زاڭ - ەرەجەلەردىڭ جان - جاقتى، ءونىمدى اتقارىلۋىن ىلگەرىلەتۋ؛ ماڭىزدى ءتۇيىندى كورنەكتىلەندىرىپ، زاڭ - ەرەجەلەردىڭ اتقارىلۋى جاعدايىن ءتۇيىندى تۇردە تەكسەرىپ، جەر - جەردىڭ پارتيا ورتالىق كوميتەتىنىڭ كەلەلى شەشىمدەرىن دايەكتىلەندىرۋىن، تياناقتاندىرۋىن ىلگەرىلەتىپ، اۆتونوميالى رايوندىق پارتكومنىڭ شەشىم - ورنالاستىرۋلارىن دايەكتىلەندىرىپ، تياناقتاندىرىپ، ءار دارەجەلى ۇكىمەتتەردى جانە قاتىستى تاراۋلاردى بۇكىل حالىق بولىپ جابىلا جونگە سالۋدى ىلگەرىلەتۋگە قۋزاپ، قاينارىنان جونگە سالۋدى كۇشەيتىپ، زاڭمەن جونگە سالۋ كۇشى ارقىلى اۋىل - قىستاقتاعى قونىس ورتاسىن رەتتەۋ - جونگە سالۋدى ىلگەرىلەتۋ؛ ماسەلەنى نىشان ەتۋدەن جازباي، ماسەلەنى ءدال، ناقتى تاۋىپ، ماسەلەنى شىنايى بايقاپ، شىنايى ماسەلەلەردى بايقاپ، سىندارلى، ءونىمدى پىكىر - ۇسىنىس ورتاعا قويۋ كەرەك.

  ءماجىلىس مىنالاردى تالاپ ەتتى: قاتىستى جاقتار باسشىلىقتى كۇشەيتىپ، دەن قويا ۇيىمداستىرىپ، ەگجەي - تەگجەيلى ورنالاستىرىپ، سەلبەسۋدى كۇشەيتىپ، جوعارى - تومەن بىرلەسە قيمىلداپ، باعدار تانىمىن، ماسەلە تانىمىن جانە حالىق ءۇشىن قىزمەت ىستەۋ تانىمىن ونان ارى بەرىك ورناتىپ، بۇقارانىڭ اڭىسى كۇشتى قولامتالى، قيىن ماسەلەلەرگە ايرىقشا ءمان بەرىپ، ماسەلەنى شەشۋدىڭ ناقتى ونىمدىلىگى ارقىلى قيمىلدىڭ ىشكەرىلەي جۇرگىزىلۋىن ىلگەرىلەتىپ، اۋىل - قىستاق ەكولوگيالىق وركەنيەتىنىڭ جانە كورىكتى اۋىل - قىستاق قۇرىلىسىنىڭ تىڭ ساتىعا كوتەرىلۋىن ۇزدىكسىز جەبەۋ كەرەك.

  اۆتونوميالى رايوندىق حالىق ۇكىمەتىنىڭ جانە شينجياڭ ءوندىرىس - قۇرىلىس بيڭتۋانىنىڭ قاتىستى جاۋاپتىلارى اۆتونوميالى رايوننىڭ جانە بيڭتۋاننىڭ اۋىل - قىستاقتارىنداعى قورشاعان ورتانى رەتتەۋ - جونگە سالۋ جاعدايىنان جەكە - جەكە مالىمەت بەردى. 

      اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى دۇڭ شينگۋاڭ، گۇلشات ابدىقادىر، سو يۋە ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.