تيانشان تورى   ›   جاڭالىقتار   ›   شينجياڭ حابارلارى

جارىق ىزدەۋگە قۇلشىنعان ۋاڭ جيڭ

  ەرىكتى ءتىلشى شيە شياۋيان

  ەگەر الەمنىڭ جارىعىن كوزىڭمەن كورە الماساڭ، بولاشاققا تالپىنۋعا باتىلىڭ بارار ما ەدى؟ جاۋاپ بەرۋ قيىن وسىنداي ماسەلەنىڭ شەشىمىن كورلا قالاسىنداعى سوقىر ۋقالاۋشى ۋاڭ جيڭ تاپتى. ول ومىرگە ۇمىتكەرلىكپەن قاراپ، العا ۇمتىلعىش پوزيتسيامەن ءوزىن ۇمىتكە قايتا قاۋىشتىراتىن «كوزدى» قۇلشىنا ىزدەدى ءارى وردا بۇزار وتىز جاسىندا باسقالاردى ءومىردىڭ بۇرالاڭ جولىنان الىپ شىعۋعا جەتەكتەيتىن «كوزگە» اينالدى.

  ۋاڭ جيڭدا كورۋ قۋاتى كەدەرگىگە ۇشىراۋ ناۋقاسى بار. 8 جاسىنان بۇرىن ول قالىپتى ادامدارداي قوس جانارىمەن جارىق الەمدى اپ - انىق كورە الاتىن. 1993 - جىلى اياق استىنان تۇماۋراتىپ كوزى كورمەي، تۇرمىسى توسىننان قاراڭعىلىق الەمىنە شومادى. وتباسىنداعىلاردىڭ كومەگىندە، ۋاڭ جيڭ قورقىنىشتى بىرتىندەپ جەڭىپ، ومىرگە دەگەن ءۇمىتىن قايتا مازداتادى. ول قۇلشىنۋدىڭ ارقاسىندا ءۇرىمجى كاسىپتىك ۋقالاۋ مەكتەبىنە قابىلدانىپ، جۇڭگوشا ەمدەۋ عىلىمى مەن ۋقالاۋ ءبىلىمىن ۇيرەنەدى.

  2009 - جىلى وقۋىن تامامداعان ۋاڭ جيڭ شارۋاشىلىق قۇرۋ ساپارىن باستايدى. سول جىلى 3 - ايدا ۋاڭ جيڭ وتباسىنداعىلاردىڭ كومەگىندە كورلا قالاسى 4 - تاسىمال سەرىكتەستىگى 6 - اترەتى تۇرعىندار اۋلاسىنىڭ كوشەسى بويىنان 60 شارشى مەترلىك ءۇيدى جالعا الىپ، «جيڭىنتاڭ ۋقالاۋ» ورنىن اشادى. ونەرى ۇستەم، قىزمەت كورسەتۋى جاقسى بولعاندىقتان، ۋقالاۋ ورنىنىڭ ساۋداسى بارعان سايىن جاندانىپ، قايتا اينالىپ كەلىپ كورىنەتىن قاريدارلار دا كوبەيەدى.

  «ۋاڭ جيڭ ۋقالاۋعا ەرەكشە ىسىلعان، جۇيكە تامىردى، ۇياشىقتىقى وتە ءدال تابادى»، - دەدى ۋاڭ جيڭنىڭ ۋقالاۋ ورنىندا قاريدار ياڭ مەي. ونىڭ جانىندا تۇرعان قاريدار حاۋ يۇييىڭ دە: ۋاڭ جيڭ قوس قولىنا سۇيەنىپ قاجىرلىلىقپەن اۋقاتتانىپ قالماستان، تاعى باسقا مۇگەدەكتەردىڭ پسيحيكالىق كەدەرگىلەردى جەڭىپ، ۇيدەن ۇزاپ شىعىپ، قوعامدىق ورتاعا قوسىلۋىنا بەلسەنە كومەكتەستى، ول وتە كەرەمەت، - دەپ اۋىز جاپپاي القادى.

  مۇنى ەستىگەن ۋاڭ جيڭ كۇلىمسىرەي: ادام دەنەسىندەگى ۇياشىقتىڭ قاي جەردە ەكەنىن مەن سيپاپ قانا تابا الامىن. قازىر قولىمدى مەنىڭ كوزىم دەسەم دە بولادى! - دەدى. ۋقالاۋ، باسۋ، يتەرۋ، ءۇزۋ ... ۋاڭ جيڭ جونىنەن العاندا، مۇنداي تۇرمىس ادەتكە اينالدى. ۋقالاۋ ورنىن اشقان 9 جىلدان بەرى 10 مىڭعا تاياۋ قاريدارعا ۋقالاپ قىزمەت كورسەتتى.

  كوزى كورمەيتىندەر جارىقتى بىلمەگەنمەن، الايدا جارىقتى ىزدەنۋگە قۇلشىنسا، ولار دا قالىپتى ادامداردىڭ ءىشىنارا تۇرمىس تاسىلىنە يە بولا الادى. مىنە وسىنداي ويدىڭ جەتەگىندە ۋاڭ جيڭ بەيتانىس سالادا ىزدەنە باستايدى، ۋقالاۋ ورنىنداعى قىزمەتكەر كاڭ شياڭنىڭ نازارىندا 33 جاستاعى ۋاڭ جيڭ العا باسقىش، وتە مەيىرلى جان. «ول ءتۇرلى - ءتۇستى جاڭالىقتار مەن سايىستاردى سىناپ كورۋگە ۇمتىلىس جاسايدى، ايتالىق، سوقىرلاردى كينوحانادان كينو كورۋگە، سوقىرلاردى دالالىق كوكتەمگى سەيىلگە بارۋعا، ءجۇزۋ سارايىنا بارىپ ءجۇزۋ ۇيرەنۋگە، كىتاپحاناعا بارىپ، سوقىرلار كىتابىن كورۋگە ۇيىمداستىردى... وسى قيمىلداردىڭ ءبارىن ول ءوزى ۇيىمداستىردى، ەشقانداي پايدا جانە اقى المادى. ىستىق ىنتامەن الەۋمەتتىك يگىلىككە ەرىكتى قىزمەت كورسەتكەندىكتەن، ۋاڭ جيڭنىڭ سوقىر دوستارى ونى ءۇرتىس ەكى كەزەك بايىنعولين موڭعۇل اۆتونوميالى وبلىستىق سوقىرلار قوعامىنىڭ ءتوراعالىعىنا كورسەتتى. ول وڭ ەنەرگياعا تولى جان، بويكۇزدىككە، سالعىرتتىققا سالىنعاندارعا ول ۇنەمى ءجون سىلتەيدى جانە ولاردى ىنتالاندىرادى، ونىمەن بىرگە قىزمەت ىستەگەندە، مەن ءوزىمدى قايراتىم تاسىپ تۇرعانداي سەزىنەمىن»، - دەدى كاڭ شياڭ. 

     الداعى ارمانىن اۋىزعا العاندا، ۋاڭ جيڭ نىق سەنىممەن: ءوز قابىلەتىم دەڭگەيىندە قاريدارلارعا كوبىرەك قىزمەت كورسەتىپ، تيجارات كولەمىن كەڭەيتىپ، ۋقالاۋ كاسىبىندە ءوزىمنىڭ ءومىر قۇنىمدى جۇزەگە اسىرسام دەپ ويلايمىن، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى