شينحۋا اگەنتتىگىنىڭ بەيجيڭنەن بەرگەن حابارى ( ءتىلشى جۋ جيچاي). جۋىقتا ورتالىق ءتارتىپ تەكسەرۋ كوميتەتى ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساعان 8 تيپتىك ماسەلەنى اشىق جاريالادى. بۇل 8 تيپتىك ماسەلە مىنالار:
نيڭشيا حۇيزۋ اۆتونوميالى رايوندىق پارتكومنىڭ ورگاندار ءىسىن باسقارۋ مەكەمەسىنىڭ باستىعى ۋ جينبيننىڭ بەلگىلەمەگە قايشىلىق جاساپ، ۇكىمەت اقشاسىمەن جايىلعان داستارقانعا بارۋ ماسەلەسى. 2016 - جىلى 8 - ايدىڭ 6 - كۇنى كەشتە ۋ جينبين مەن وتباسىنداعىلار جانە دوستارى بولىپ 6 ادام جەكە جۇمىسپەن سىرتقا شىعىپ، گۋيۋان قالالىق ورگاندار ءىسىن باسقارۋ مەكەمەسى باستىعىنىڭ ۇكىمەت اقشاسىمەن شاقىرعان قوناقاسىنا بەلگىلەمەگە قايشىلىق جاساپ بارىپ، 2480 يۋان تۇتىنادى. 2017 - جىلى 3 - ايدىڭ 8 - كۇنى تۇستە ۋ جينبين باستاعان 5 ادام ۇكىمەت ىسىمەن ءىسساپارعا شىعىپ قايتقان جولىندا گۋيۋان قالالىق ورگاندار ءىسىن باسقارۋ مەكەمەسىنىڭ باستىعىنىڭ ۇكىمەت اقشاسىمەن شاقىرعان قوناقاسىنا بەلگىلەمەگە قايشىلىق جاساپ بارىپ، 2666 يۋان تۇتىنادى. ۋ جينبينگە پارتيا ىشىندە قاتاڭ ەسكەرتۋ جازاسى بەرىلدى ءارى ول قاتىستى قاراجاتتاردى تولەپ بەردى، باسقا دا جاۋاپتى ادامدار سايكەستى ءبىر جايلى ەتىلدى.
حىنان ولكەلىك اۋا رايى مەكەمەسى پارتگرۋپپاسىنىڭ بۇرىنعى شۋجيى، مەكەمە باستىعى جاۋ گوچياڭنىڭ ولشەمنەن اسىرىپ ۇكىمەتتىك قوناق كۇتۋ ماسەلەسى. 2017 - جىلى 3 - ايدىڭ 16 - كۇنى جاۋ گوچياڭ قاتارلىلار لوياڭ قالالىق اۋارايى مەكەمەسىنە بارىپ قىزمەت تەكسەرەدى، سول كۇنى كەشتە وسى مەكەمەنىڭ ولشەمنەن اسىرا كۇتۋىن قابىلداپ، جيىنى 5332 يۋان تۇتىنادى، ادام باسىنا شاققاندا 7.761 يۋان، مۇنىڭ ىشىندە بەلگىلەمەگە قايشىلىق جاساپ، 3 بوتەلكە اق اراققا 3930 يۋان جۇمسايدى. سول كۇنى جاۋ گوچياڭ قاتارلى 4 ادام لوياڭ قالاسىنداعى ءمالىم قوناقسارايعا تۇنەپ، تورتەۋىنىڭ سول كۇنى كەشتەگى قونالقى قاراجاتى ولشەمنەن 322 يۋان اسىپ كەتەدى (مۇنىڭ ىشىندە جاۋ گوچياڭنىڭ ولشەمنەن اسقان قاراجاتى 118 يۋان). جوعارىداعى قاراجاتتاردى لوياڭ قالالىق اۋا رايى مەكەمەسى حۇجاتتاردى ءبولۋ، جولدامالاردى ويدان قۇراستىرۋ، ءماجىلىس قاراجاتىن ويدان جاساۋ سياقتى فورمالارمەن ۇكىمەت اقشاسىنان ەسەپتەن كوتەرەدى. جاۋ گوچياڭنىڭ تارتىپكە قايشى مۇنان باسقا دا ماسەلەسى بار. جاۋ گوچياڭعا پارتيا ىشىندە قاتاڭ ەسكەرتۋ جازاسى بەرىلىپ، باسقا دا جاۋاپتى ادامدار سايكەستى ءبىر جايلى ەتىلدى.
جيلين ولكەسى جيلين قالاسى لۇڭتان رايونى جاڭا جيلين داڭعىلى ءمالىسى پارتيا قىزمەتى كوميتەتىنىڭ شۋجيى ليۋ شيانفىڭنىڭ بەلگىلەمەگە قايشىلىق جاساپ، ۇكىمەت اقشاسىمەن ءىشىپ - جەۋ ماسەلەسى. 2017 - جىلى 4 - ايدان 11 - ايعا دەيىن ليۋ شيانفىڭنىڭ ماقۇلداۋىمەن جاڭا جيلين داڭعىلى ءىس باسقارماسى تالوندى جالعان كەسۋ فورماسىمەن 11 مىڭ 300 يۋاندى قىمقىرىپ الىپ، مەكەمەنىڭ قوناق قابىلداۋى مەن وتىرىس جاساۋىنا جۇمسايدى. ليۋ شيانفىڭعا پارتيا ىشىندە قاتاڭ ەسكەرتۋ جازاسى بەرىلىپ، باسقا جاۋاپتى ادامدار سايكەستى ءبىر جايلى ەتىلدى.
جىجياڭ ولكەسى ۋىنجوۋ قالاسى وۋحاي رايونى ساۋدا مەكەمەسى پارتيا باسشىلىق گرۋپپاسىنىڭ بۇرىنعى شۋجيى، رايوندىق استىق مەكەمەسىنىڭ بۇرىنعى ورىنباسار باستىعى داي ۋيجۇڭنىڭ باسقارۋ، قىزمەت كورسەتۋ وبيەكتىلەرىنىڭ ورنالاستىرعان ساياحاتىنا بارۋى ماسەلەسى. 2017 - جىلى 6 - ايدا داي ۋيجۇڭ قاتارلىلار جىجياڭنىڭ جۋجي قالاسىنا، جياڭسۋدىڭ شۋياڭ اۋدانىنا ۇكىمەت جۇمىسىمەن ءىسساپارعا بارادى، داي ۋيجۇڭ ءۇي ىشىندەگىلەردى ەرتىپ الادى، وسى ارالىقتا جۋجي، نانجيڭ سياقتى كورىنىس وڭىرلەرىنە ساياحاتتايدى، كورىنىس وڭىرلەرىنىڭ ەسىك بەلەتى مەن ءبىر ءبولىم تاماق قاراجاتى بولىپ 1000 يۋاننان ارتىق اقشانى ولاردى بىرگە ەرتىپ جۇرگەن باسقارۋ، قىزمەت كورسەتۋ وبيەكتىلەرى تولەيدى، ساياحاتتاعى باسقا قاتىستى 12 مىڭ 825 يۋان قاراجاتتى رايوندىق استىق مەكەمەسى مەن ونىڭ قاراستىلىعىنداعى مەكەمەلەر ەسەپتەن كوتەرەدى. 2017 - جىلى 7 - ايدا داي ۋيجۇڭ جوۋشانعا جيىنعا بارعاندا ءۇي ىشىندەگىلەردى بىرگە ەرتىپ بارادى، بەلگىلەمەگە قايشىلىق جاساپ، قاراستىلىعىنداعى مەكەمەلەردەن اۆتوكولىك مايلاپ بەرۋدى ءارى شوفەر ورنالاستىرۋدى تالاپ ەتىپ، وعان قاتىستى 2950 يۋان قاراجاتتى قاراستىلىعىنداعى مەكەمە ەسەپتەن كوتەرەدى. داي ۋيجۇڭنىڭ تارتىپكە قايشى باسقا دا ماسەلەسى بار. داي ۋيجۇڭعا پارتيا ىشىندە قاتاڭ ەسكەرتۋ جازاسى جانە مىندەتىنەن قالدىرۋ جازاسى بەرىلىپ، قاتىستى قاراجاتتاردى قايتارىپ الادى.
حۋبەي ولكەسى ۋحان قالاسى جياڭحان رايونى چاڭچيڭ داڭعىلى ءمالىسى پارتيا قىزمەتى كوميتەتىنىڭ بۇرىنعى ورىنباسار شۋجيى، ءىس باسقارماسىنىڭ بۇرىنعى مەڭگەرۋشىسى ي گانجۇننىڭ بەلگىلەمەگە قايشىلىق جاساپ، ۇكىمەت اقشاسىمەن ءىشىپ - جەۋ ماسەلەسى. 2018 - جىلى 1 - ايدىڭ 14 - كۇنىنەن 2 - ايدىڭ 7 - كۇنىنە دەيىن ي گانجۇن چاڭچيڭ داڭعىلى ءمالىسى باسقارماسىنىڭ مەڭگەرۋشىسى، ۇيلەردى جيناپ الۋ بەلگىلى قولباسشىلىق شتابىنىڭ باستىعى بولىپ تۇرعان كەزىندە ىلگەرىندى - كەيىندى جەكەلەردى، دوستارىن جانە رايونداعى باسقا مەكەمەلەردىڭ ادامدارىن وسى قولباسشىلىق شتابىنىڭ اسحاناسىندا بەلگىلەمەگە قايشىلىق جاساپ، 10 رەت قوناقاسىعا ۇيىمداستىرادى. ۇكىمەت اقشاسىمەن تارتۋ - تارالعى ۇسىنادى، اقشاعا شاققاندا 10 مىڭ يۋاننان اسادى. ي گانجۇنگە پارتيا ىشىندەگى مىندەتىنەن قالدىرۋ، اكىمشىلىك قىزمەتىنەن الىپ تاستاۋ جازاسى بەرىلدى، باسقا دا جاۋاپتى ادامدار سايكەستى ءبىر جايلى ەتىلدى.
حۋنان ولكەسى جۋجوۋ قالاسى چىڭفا توبى پارتكومىنىڭ بۇرىنعى ورىنباسار شۋجيى، باسالقاسى لياۋ حۇيدىڭ تارتۋ - تارالعى قابىلداۋ ماسەلەسى. 2017 - جىلى 6 - ايدان 2018 - جىلى 2 - ايعا دەيىن لياۋ حۇي جۋجوۋ قالاسى چىڭفا توبى سەرىكتەستىگى پارتكومىنىڭ ورىنباسار شۋجيى، باسالقاسى بولىپ تۇرعان كەزىندە، ىلگەرىندى - كەيىندى ۇكىمەت ءىسىن ءادىل اتقارۋعا ىقپال جاساۋى مۇمكىن بولعان جۇمىستا 2 رەت جيىنى 8000 يۋان اقشا، قۇنى 7000 يۋانعا تۋرا كەلەتىن زات ساتىپ الۋ كارتچكاسىنان 3 رەتتە جەتەۋىن، قىمبات باعالى تەمەكىدەن 17 قابىن، قىمبات باعالى ايەلدەر سومكەسىنەن بىرەۋىن قابىلدايدى، بارلىعىن بەلگىلەمە بويىنشا تىزىمدەتپەيدى، جوعارىعا تاپسىرمايدى. لياۋ حۇيدىڭ تاعى ولشەمنەن اسىرا كەڭسە ۇيلەرىن دايىنداۋ، پايدالانۋ سياقتى ماسەلەلەرى بار. لياۋ حۇيعا پارتيا ىشىندەگى مىندەتىنەن قالدىرۋ جازاسى بەرىلىپ، بەلگىلەمەگە قايشىلىق جاساپ العان تارتۋ - تارالعىلارى، زات ساتىپ الۋ كارتچكالارى سياقتىلار قايتارىپ الىندى.
سىچۋان ولكەسى جۋنيڭ قالاسى دايىڭ اۋدانى حىبيان قالاشىعى بوسى قىستاعى پارتيا ياچەيكاسىنىڭ شۋجيى ۋاڭ چيڭشىڭنىڭ ۇلىنىڭ تويىن وتكىزۋدەن پايدالانىپ، بەلگىلەمەگە قايشىلىق جاساپ تارتۋ - تارالعى الۋ ماسەلەسى. 2018 - جىلى 2 - ايدىڭ 13 - كۇنى ۋاڭ چيڭشىڭ ۇلىنىڭ ۇيلەنۋ تويىن جاساپ، 29 ۇستەل دايىنداپ قوناق شاقىرىپ، بەلگىلەمەگە قايشىلىق جاساپ بوسى قىستاعىنداعى ەڭ تومەنگى تۇرمىسى قامتاماسىزداندىرىلاتىن وتباسىلاردان، قيىنشىلىعى بار وتباسىلاردان، بەستە قامدالاتىن وتباسىلاردان جيىنى 12 تۇرعىننىڭ اكەلگەن 2200 يۋان اقشاسىن قابىلدايدى. ۇيىمدىق تەكسەرۋدەن بۇرىن، بەلگىلەمەگە قايشىلىق جاساپ العان تارتۋ - تارالعىلارىن بەلسەنە قايتارىپ بەرەدى. ۋاڭ چيڭشىڭعا پارتيا ىشىندە قاتاڭ ەسكەرتۋ جازاسى بەرىلدى.
گۋاڭدا بانكەسى كوكحوت بولىمشەسىنىڭ تيجارات ءبولىمى پارتيا ياچەيكاسىنىڭ بۇرىنعى شۋجيى، ورىنباسار باس مەڭگەرۋشىسى جاڭ ليجۇننىڭ ۇكىمەت اقشاسىمەن شەتەلگە شىعىپ ساياحاتتاۋعا ۇيىمداستىرۋ ماسەلەسى. 2017 - جىلى 5 - ايدان 6 - ايعا دەيىن جاڭ ليجۇن تيجارات ءبولىمىنىڭ قىزمەتىن باسقارعان كەزىندە، وسى بولىمدەگى 26 قىزمەتكەردى 4 توپقا ءبولىپ شريلانكاعا ساياحاتتاۋعا ۇيىمداستىرۋعا قوسىلادى ءارى سيلىق اقشاسى اتىندا 10 قىزمەتكەردىڭ 25 مىڭ 532 يۋان ساياحات قاراجاتىن ەسەپتەن كوتەرەدى، قالعاندارىنىڭ ساياحات قاراجاتىن ۇيىمدىق تەكسەرۋ سەبەبىنەن ۇكىمەت ەسەبىنەن كوتەرمەيدى. جاڭ ليجۇنگە پارتيا ىشىندە قاتاڭ ەسكەرتۋ جازاسى جانە اكىمشىلىك اۋىر كىنا جازۋ جازاسى بەرىلىپ، قازىرگى مىندەتىنەن الىپ تاستادى، باسقا جاۋاپتى ادامدار سايكەستى ءبىر جايلى ەتىلدى ءارى ۇكىمەت اقشاسىمەن ەسەپتەن كوتەرگەن قاراجاتتاردى قايتارۋعا بۇيىردى.
ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى مىنانى اتاپ كورسەتتى: جوعارىداعى 8 تيپتىك ماسەلەنىڭ كوبى 2017 - جىلدان كەيىن تۋىلعان، كەيبىرەۋى، ءتىپتى، پارتيا 19 - قۇرىلتايىنان كەيىن تۋىلعان. بۇل ماسەلەلەر تەگەۋىرىندى جاعدايدا كەيبىر جەرلەر مەن مەكەمە - ورىندارعا، اسىرەسە، از سانداعى نەگىزگى ساتىداعى مەكەمە - ورىندارعا قىسىم جەتكىزۋ تياناقتانباعاندىعىن، از سانداعى پارتيا مۇشەلەرى مەن كادرلاردىڭ ءتارتىپ پەن قاعيدا تانىمى ءالى دە سولعىن ەكەندىگىن، كوڭىلىندە يمەنبەيتىندىگىن، ارەكەتىندە قاعيدا جوقتىعىن، قولدارىن تارتپاعاندىعىن كورسەتتى. بۇل ماسەلەلەردىڭ تەكسەرىلىپ ءبىر جايلى «4 ءتۇرلى بۇرىس ستيل» ماسەلەسىنىڭ كەيىنگە شەگىنگەن سايىن ءتارتىپ اتقارۋدىڭ بارعان سايىن قاتاڭ بولاتىن كۇشتى سيگنالىن سوقتى، قاتىستى جەرلەردىڭ، مەكەمە - ورىن پارتيا ۇيىمدارى مەن ءتارتىپ - تەكسەرۋ، باقىلاۋ - تەكسەرۋ ورگاندارىنىڭ ستيلدى دۇرىستاپ، ءتارتىپتى قاتايتۋدى جالعاستىرا بەرەتىن باتىل پوزيتسياسىن ايگىلەدى.
ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى مىنانى باسا دارىپتەدى: جوعارىداعى 8 تيپتىك ماسەلەنىڭ كەيبىرەۋىندە تاسىلدەرىن وزگەرتىپ، اس ۇستەلىن مەكەمەنىڭ ىشكى بولىمىندەگى اسحاناعا اپارىپ، ۇكىمەت اقشاسىمەن ءىشىپ - جەگەن فاكتىن بۇركەمەلەگەن؛ كەيبىرەۋىندە باسقارۋ، قىزمەت كورسەتۋ وبيەكتىلەرىنىڭ قوناقاسىن، تارتۋ - تارالعىسى مەن ساياحاتقا ورنالاستىرۋىن قابىلداپ ءارى كىرشىكسىز بولۋ تارتىبىنە قايشىلىق جاساعان، ءارى «ەتەنە»، «كىرشىكسىز» ۇكىمەت پەن ساۋداگەرلەردىڭ قاتىناسىن بۇلدىرگەن؛ كەيبىرەۋىندە قۋانىشتى قۇتتىقتاۋ ىستەرى ارقىلى مال - مۇلىك جيناعان، ءتىپتى، كەدەي وتباسىلارعا، ەڭ تومەنگى تۇرمىسى قامتاماسىزداندىرىلاتىن وتباسىلارعا دەيىن قول سوزىپ، ەسكى جول، ناشار سالتتار تيىم سالىنسا دا تيىلماعان؛ كەيبىرەۋىندە ۇكىمەت اقشاسىمەن شەتەلگە ساياحاتتاۋعا ۇيىمداستىرىپ، ۇكىمەت اقشاسىمەن كوپەستىك ىستەگەن؛ كەيبىر مەكەمە - ورىنداردىڭ ءبىرىنشى باسشىلارى باستاپ تارتىپكە قايشىلىق جاساپ، مەكەمە - ورىننىڭ داعدىسىن جانە سالتىن ءوزى باستاپ بۇزعان. ءبىر جاقتى ەتىلگەن وسى پارتيا مۇشەلەرى مەن كادرلاردان الۋعا ءتيىستى ساباق وتە تەرەڭ، قالىڭ پارتيا مۇشەلەرى مەن كادرلار، ءسوز جوق، وسىدان ساباق الىپ، اركەز وزدەرىن تەكسەرىپ وتىرۋلارى كەرەك.
ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى مىنانى اتاپ كورسەتتى: كەزەكتە «4 ءتۇرلى بۇرىس ستيل» ماسەلەسىنىڭ قايتا بەلەڭ بەرۋدەي كومەسكى حاۋىپىنە نەمقۇرايدى قاراۋعا بولمايدى، ورتالىقتىڭ «8 ءتۇرلى بەلگىلەمەسىنىڭ» رۋحىن تياناقتاندىرىپ، «4 ءتۇرلى بۇرىس ستيلدى» تۇزەتۋ قىزمەتىندە، ءسوز جوق، ۇزاق ۋاقىت ەڭبەكتەنۋ، استە بوساڭسىماۋ كەرەك، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى، ءسوز جوق، ۇستامدىلىقتان، توزىمدىلىكتەن جازباي، ءبىر ساتى ەندى ءبىر ساتىنىڭ كورنەكتى ماسەلەلەرىن قاداعالاپ، ءبىر ساتى ەندى ءبىر ساتىنىڭ تىڭ ەرەكشەلىگىن مىقتى يگەرىپ، تاباندىلىق تانىتىپ، تىندىرىمدى جۇمىس ىستەپ، جاقسى سالت قالىپتاستىرۋ كەرەك. «4 ءتۇرلى بۇرىس ستيل» ماسەلەسىن قاداعالاپ، ونىڭ جاڭا اۋقىمىنا، جاڭا بەينەلەرىنە قاداعالاي نازار اۋدارىپ، ءتۇيىندى بۋىندارعا، ءتۇيىندى سالالار مەن ورىندارعا، شەشۋشى بۋىندارعا قاداعالاي نازار اۋدارىپ، ناقتى يگەرىپ، ولقىلىقتاردى تولىقتاپ، قايتالاي جارىققا شىعۋدىڭ الدىن الىپ، ءتارتىپ اتقارۋدى، باقىلاۋدى، جاۋاپقا تارتۋدى ءۇرتىس كۇشەيتىپ، ءتارتىپ بويىنشا باقىلاۋ مەن زاڭ بويىنشا باقىلاۋدى بىرلەستىرىپ، «4 ءتۇرلى بۇرىس ستيلدى» وڭاۋ قىزمەتىن ۇكىمەت ۇقىعىن جۇرگىزەتىن ۇكىمەت قىزمەتىندەگى ادامداردىڭ بارلىعىن قامتىپ، قىسىمدى نەگىزگى ساتىداعى ءار دارەجەلى پارتيا ۇيىمدارىنا، مەكەمە - ورىندارعا دەيىن ءۇرتىس جەتكىزۋ كەرەك. قالىڭ پارتيا مۇشەلەرى مەن كادرلار، اسىرەسە، پارتيالى باسشى كادرلار پارتيالىلىق شىنىعۋدى شىن مانىندە كۇشەيتىپ، ءوزىنىڭ قارسىلىق قۋاتىن ءۇرتىس جوعارىلاتىپ، بورىشتى اتقارۋدا باستاماشىلىقپەن باتىل جاۋاپكەرشىلىك ارقالاۋى، باستاماشىلىقپەن قاعيدا - تارتىپكە، زاڭعا قاتاڭ بويسۇنۋلارى، پارتيانىڭ تاڭداۋلى ءداستۇرى مەن ستيلىن سانالارىنا ءسىڭىرىپ، ارەكەتتەرىندە ايگىلەۋى، كۇندەلىكتى ادەت جانە سانالى ولشەمدەرىنە اينالدىرۋلارى كەرەك.
ورتالىق ءتارتىپ تەكسەرۋ كوميتەتىنىڭ قاتىستى جاۋاپتىسى تاعى مىنانى باسا دارىپتەدى: قياق كۇرىش مەرەكەسى قارساڭىندا، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋدى، تەكسەرۋدى ءۇرتىس كۇشەيتۋلەرى، مەرەكە كەزىندەگى تارتىپكە قايشى ارەكەتتەردى، «قىزىل سىزىققا» سوقتىققان ادامدار مەن ىستەردىڭ قىلت ەتكەنىن قاعىپ وتىرۋى، دەرەۋ تەكسەرىپ، قاتاڭ ءبىر جايلى ەتۋى، دالمە - ءدال كۇش شىعارۋى، ەرەجەگە، تارتىپكە قايشىلىق جاساعان ماسەلەلەردى جاپپاي قاتاڭ تەكسەرىپ، ءبىر جاقتى ەتۋى، استە جۇمساق قولدىلىق ىستەمەۋى، ىرقىنا جىبەرمەۋى، سالتى دۇرىس، ستيلى تاماشا مەرەكە ورتاسىن جاراتۋلارى كەرەك.
