ءتاڭىرتاۋ تورابى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەس كەڭسەسى «<ينتەرنەت + ۇكىمەتتىك قىزمەت كورسەتۋدى> ونان ارى تەرەڭدەتىپ، ۇكىمەتتىك قىزمەت كورسەتۋدەگى <ءبىر جەلى، ءبىر ەسىك، ءبىر رەت> رەفورماسىن ىلگەرىلەتۋ جونىندەگى اتقارۋ جوباسىن» باسىپ تاراتتى

  شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى. جۋىقتا مەملەكەتتىك كەڭەس كەڭسەسى «<ينتەرنەت + ۇكىمەتتىك قىزمەت كورسەتۋدى> ونان ارى تەرەڭدەتىپ، ۇكىمەتتىك قىزمەت كورسەتۋدەگى <ءبىر جەلى، ءبىر ەسىك، ءبىر رەت> رەفورماسىن ىلگەرىلەتۋ جونىندەگى اتقارۋ جوباسىن» (قىسقاشا «جوبا» دەلىنەدى) باسىپ تاراتىپ، ۇكىمەتتىك قىزمەت كورسەتۋدى «ءبىر جەلىدە ءبىر تۇتاس ءبىتىرۋ» مەن كاسىپورىن، بۇقارانىڭ ءىس بىتىرگەندە «ءبىر ەسىكتەن عانا كىرۋى»، «ءبىر رەت قانا بارۋى»، ت.ب جونىندە ورنالاستىرۋ جاسادى.

  «جوبادا» مىنالار تالاپ ەتىلدى: پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن بەرىك ورناتىپ جانە دايەكتى تياناقتاندىرىپ، «ىقشامداۋ، باسقارۋ، قىزمەت كورسەتۋ» رەفورماسىن تەرەڭدەتىپ، «ينتەرنەت + ۇكىمەتتىك قىزمەت كورسەتۋدى» ونان ارى ىلگەرىلەتىپ، مەملەكەت بويىنشا ءبىر تۇلعالانعان جەلىدە ۇكىمەتتىك قىزمەت كورسەتۋ جۇيەسىن جەدەل قالىپتاستىرىپ، دارەجە اتتاعان، ءوڭىر اتتاعان، جۇيە اتتاعان، تاراۋ اتتاعان، كاسىپ اتتاعان سايكەسە باسقارۋ مەن قىزمەت كورسەتۋدى جەبەپ، كاسىپورىن مەن بۇقارانىڭ ءىس بىتىرگەندە جەلىدە «ءبىر جەلىدە ءبىر تۇتاس ءبىتىرۋىن» (ءبىر جەلى)، جەلىدەن تىس «ءبىر ەسىكتەن عانا كىرۋىن» (ءبىر ەسىك)، جۇمىس ۇستىندە «ءبىر رەت قانا بارۋىن» (ءبىر رەت) ىلگەرىلەتىپ، كاسىپورىن مەن بۇقارانىڭ ۇكىمەتتە جۇمىس ءبىتىرۋىنىڭ «ينتەرنەتتىك ساتىپ الۋداي» قولايلى بولۋىنا مۇمكىندىك جاساۋ كەرەك.

  «جوبادا» مىنالار العا قويىلدى: جەلىدە ءبىر تۇتاس ءبىتىرۋ − پرينسيپ، دارا جەلى − ادەتتەن تىس جاعداي، ۇكىمەتتىك قىزمەت كورسەتۋدى جەلىگە قوسۋ − پرينسيپ، جەلىگە قوسپاۋ − ادەتتەن تىس جاعداي دەگەنگە تاباندى بولۋ، 2018 - جىلدىڭ اياعىنا دەيىن، «ءبىر جەلى، ءبىر ەسىك، ءبىر رەت» رەفورماسىنان باستاپقى ناتيجە شىعارۋ، ولكە دارەجەلى ۇكىمەتتىك قىزمەت كورسەتۋ تۇرلەرىنىڭ جەلىدە ءبىتىرىلۋ مولشەرى %80تەن تومەن بولماۋ، قالا، اۋدان دارەجەلى ۇكىمەتتىك قىزمەت كورسەتۋ تۇرلەرىنىڭ جالپىلىق ناقتى ۇكىمەتتىك قىزمەت زالدارىنا ورنالاسۋ مولشەرى %70تەن تومەن بولماۋ، ولكە، قالا، اۋدان دارەجەلى 30 جوعارى جيىلىكتى تۇرلەردە «ءبىر رەت قانا بارۋدى» ىسكە اسىرۋ كەرەك. 2019 - جىلدىڭ اياعىنا دەيىن، ءتۇيىندى سالالار مەن جوعارى جيىلىكتى تۇرلەردە «ءبىر جەلى، ءبىر ەسىك، ءبىر رەتتى» نەگىزىنەن ىسكە اسىرۋ، ولكە دارەجەلى ۇكىمەتتىك قىزمەت كورسەتۋ تۇرلەرىنىڭ جەلىدە ءبىتىرىلۋ مولشەرى %90تەن تومەن بولماۋ، ۇكىمەتتىك قىزمەت كورسەتۋ تۇرلەرىنىڭ جالپىلىق ناقتى ۇكىمەتتىك قىزمەت زالدارىنا ورنالاسۋىندا «ورنالاسۋعا تيىستىلەرى تولىق ورنالاسۋدى» نەگىزىنەن ىسكە اسىرۋ، ولكە، قالا، اۋدان دارەجەلى 100 جوعارى جيىلىكتى تۇرلەردە «ءبىر رەت قانا بارۋدى» ىسكە اسىرۋ كەرەك.

  «جوبادا» وسى ايتىلعان نىسانالاردى ىسكە اسىرۋدىڭ نەگىزگى مىندەتتەرى مەن قىزمەت شارالارى ايقىندالدى. ءبىرىنشى، بىرىكتىرۋ ارقىلى قولايلى بولۋدى جەبەپ، جەلىدە «ءبىر جەلىدە ءبىر تۇتاس ءبىتىرۋدى» ىلگەرىلەتۋ كەرەك. مەملەكەتتىڭ ۇكىمەتتىك قىزمەت كورسەتۋ تۇعىرىن توراپ، جەر - جەر، تاراۋلاردىڭ جەلىدەگى ۇكىمەتتىك قىزمەت كورسەتۋ تۇعىرلارىن نەگىز ەتكەن جالپى بارىستىق ءبىر تۇلعالانعان جەلىدە قىزمەت كورسەتۋ تۇعىرىن جەدەل قۇرۋ كەرەك. زاڭدا، زاڭدىق ەرەجەلەردە باسقاشا بەلگىلەمە بولعان نەمەسە قۇپيالىققا ساياتىن، ت.ب جاعدايدان باسقا، پرينسيپتىك جاقتان ءار دارەجەلى ۇكىمەتتىك قىزمەت كورسەتۋ تۇرلەرىنىڭ بارلىعى ۇكىمەتتىك قىزمەت كورسەتۋ تۇعىرىندا بىتىرۋگە ەنگىزىلىپ، ۇكىمەتتىك قىزمەت كورسەتۋدە «ءبىر رەت تىركەلۋ، بۇكىل جەلىدە ءبىر تۇتاس ءبىتىرۋدى» ىسكە اسىرۋ كەرەك. ەكىنشى، شوعىرلاندىرۋ ارقىلى تيىمدىلىكتى جوعارىلاتىپ، جەلىدەن تىس «ءبىر عانا ەسىكتەن كىرۋدى» جەبەۋ كەرەك. ۇكىمەتتىك قىزمەت كورسەتۋدى شوعىرلاندىرىپ ءبىتىرۋدى بار كۇشپەن جولعا قويىپ، «كوپ ەسىكتىڭ» «ءبىر ەسىككە» وزگەرۋىن ىسكە اسىرىپ، ۇكىمەتتىك قىزمەت كورسەتۋدىڭ جەلىدە جانە جەلىدەن تىس شوعىرلى توعىسۋىن جەبەۋ كەرەك. حاۋىپسىزدىك سياقتى ەرەكشە سەبەپتەردەن تىس، پرينسيپتىك جاقتان جەر - جەردەگى ۇكىمەتتەردىڭ جەكە ورناتقان قىزمەت كورسەتۋ زالدارى ەندىگارى ساقتالمايدى. ءۇشىنشى، جاڭالىق اشۋ ارقىلى ىقشامداۋدى جەبەپ، كاسىپورىن مەن بۇقارانىڭ «ءبىر رەت قانا بارۋىنا» مۇمكىندىك جاساۋ كەرەك. ءسوز جوق، جۇمىس باسىندا بىتىرىلۋگە ءتيىستى تۇرلەردە «ءبىر رەت قانا بارۋ» تىزىمدىگىن سارالاپ، ماتەريال ىقشامداۋ، بۋىن ىقشامداۋدى بار كۇشپەن ىلگەرىلەتىپ، ۇكىمەتتىك قىزمەت كورسەتۋدىڭ كىرەر اۋزىنىڭ جاپپاي نەگىزگى ساتىعا سوزىلۋىن ىلگەرىلەتۋ كەرەك. ءتورتىنشى، بىرگە يگىلىكتەنۋ ارقىلى نەگىزدى بەكەمدەپ، «دەرەكتەردى كوپ اۋىستىرۋ» كەرەك. مەملەكەتتىك دەرەكتەردى بىرگە يگىلىكتەنۋ، الماسۋ جۇيەسىن قۇرىپ جانە كەمەلدەندىرىپ، ۇكىمەتتىك قىزمەت دەرەكتەر بايلىعى جۇيەسىن جەدەل كەمەلدەندىرىپ، ۇكىمەتتىك ينفورماتسيا جۇيەسىنىڭ جاڭالانۋى مەن ءتۇيىسۋىن جاقسى ىستەپ، ءىس بارىسىنداعى جانە ىستەن كەيىنگى باقىلاۋ - باسقارۋ ينفورماتسيالارىنىڭ «ءبىر جەلىدە بىرگە يگىلىكتەندىرىلۋىن» ىلگەرىلەتىپ، دەرەكتەردى بىرگە يگىلىكتەنۋ حاۋىپسىزدىگىن قامتاماسىز ەتۋدى كۇشەيتۋ كەرەك.

    «جوبادا» مىنالار تالاپ ەتىلدى: «ءبىر جەلىدە ءبىر تۇتاس ءبىتىرۋدىڭ» ولشەمى مەن نورمالارىن ورناتىپ جانە اقاۋسىزداندىرىپ، قاتىستى زاڭدىق ەرەجەلەر ءتۇزىمىن جەدەل كەمەلدەندىرىپ، باقىلاۋ، اشكەرەلەۋ، ارىزدانۋ مەحانيزمىن ورناتىپ، ءجۇز ءتۇرلى ماسەلەنى سارالاۋ مەن ءجۇز تاڭداۋلى مىسالدى جالپىلاستىرۋ ارەكەتىن قانات جايدىرۋ كەرەك. وڭىرلەر، تاراۋلار ساتى - ساتى بويىنشا جاۋاپكەرشىلىكتى نىعايتىپ، ءبىر تۇتاس سايكەستىرۋدى كۇشەيتىپ، ۇقىپتىلىقپەن ۇيىمداستىرىپ اتقارىپ، «ينتەرنەت + ۇكىمەتتىك قىزمەت كورسەتۋدىڭ» ءتىپتى زور ناقتى جەتىستىكتەرگە جەتۋىن ىلگەرىلەتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى