تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«بەيجيڭدە ءبىر ءۇيىم بار»

  «شەشە، مىنانى سىزگە سيلادىم...». 6 - ايدىڭ 20 - كۇنى حوتان اۋدانى باعچى قالاشىعى اسلىكانت قىستاعى باستاۋىش مەكتەبى 2 - جىلدىعىنىڭ وقۋشىسى يارمۇقامەت جۇمانياز ءوزى سىزعان وتانىمىز كارتاسىن شەشەسى لۋ يانسۇڭعا ۇسىندى. كارتادان ول استانا بەيجيڭدى، حوتاندى ارناۋلى بەلگىلەپ قويىپتى.

  «شەشەم بەيجيڭدە، مەن حوتاندا، ايتسە دە شەشەم ەكەۋىمىز جۇرەكتەسپىز...» وسى ىقىلاستى ءسوز ءبىر قىزى بار لۋ يانسۇڭدى ايرىقشا تەبىرەنتتى: «بالام، بەيجيڭدە دە سەنىڭ ءۇيىڭ، اكە - شەشەڭ، تاعى ءبىر قارىنداسىڭ بار، قيىنشىلىققا جولىقساڭ شەشەڭە ايت، قۋانىشتى ىستەر بولسا دا شەشەڭە ايت»، لۋ يانسۇڭ سويلەي ءجۇرىپ، يارمۇقامەتتى باۋىرىنا باستى.

  6 - ايدىڭ 20 - كۇنى تۇستەن كەيىن «بەيجيڭدە ءبىر ءۇيىم بار» − «بەيجيڭدىك اكەمەن، بەيجيڭدىك شەشەمەن جۇپ قۇراپ، تۋىس بولۋدىڭ» باستالۋ ءراسىمى حوتان اۋداندىق 1 - باستاۋىش مەكتەپتە وتكىزىلدى، كوممۋنيستىك جاستار وداعى بەيجيڭ قالالىق كوميتەتى بەيجيڭ قالالىق جاستار بىرلەستىگىنىڭ 14 مۇشەسىن العاشقى توپتاعى «بەيجيڭدىك اكە، بەيجيڭدىك شەشە» رەتىندە باستاپ كەلىپ، حوتانداعى 14 بالامەن جۇپ قۇراپ، تۋىس بولىپ، بالالارعا دەن قويا دايىنداعان تارتۋلارىن ۇسىندى ءارى ولارمەن كوسىلە اڭگىمەلەسىپ، ولاردىڭ ۇيرەنۋ جاعدايى، تۇرمىس جاعدايى، وتباسى جاعدايى سياقتىلاردى ۇعىسىپ، ولاردى جاقسى وقۋعا شابىتتاندىردى ءارى ولاردى بەيجيڭدەگى ۇيلەرىنە بارىپ قوناق بولۋعا ۇسىنىس ەتتى.

  قيمىل الاڭىندا 40 نەشە جاستاعى لۋ يۇڭيۋە مەن 9 جاسار قايسارجان مامەتيۇس قۇشاقتاستى، «بۇگىننەن باستاپ اكە بولۋدى ۇيرەنەمىن، ارامىز شالعاي بولعانىمەن، بالاممەن ۇنەمى حابارلاسىپ تۇرامىن ءارى بالامدى بەيجيڭگە دە اپارامىن»، - دەدى لۋ يۇڭيۋە.

  حوتان اۋدانى بۇزاق اۋىلدىق سەنترلى باستاۋىش مەكتەپتەگى 10 جاستاعى حالبىنۇر ءماتتوقتى «جاقسى وقىپ، شەشەمنىڭ ءۇمىتىن اقتايمىن»، - دەدى. حالبىنۇر ءوز قولىمەن جاساعان تۋىندىسىن شەشەسى فىڭ جۋەگە ۇسىندى. فىڭ جۋە بىلاي دەدى: قاتتى اسەرلەندىم، قياق كۇرىش مەرەكەسى ەندى عانا وتكەندە، بالام ءوز قولىمەن كوپتەگەن قياق كۇرىش جاساپ بەردى، وتە ادەمى ەكەن. شەشە بولعاننان كەيىن جاۋاپكەرشىلىگىمنىڭ اۋىر ەكەنىن سەزىندىم، بۇدان كەيىن بالامنىڭ ۇيرەنۋ، تۇرمىس بارىسىندا جولىققان قيىنشىلىقتارىن شەشۋىنە كومەكتەسەمىن.

  قيمىل الاڭىنان قويۋ سۇيىسپەنشىلىكتى سەزىنۋگە بولادى، قوعامدىق كۇشتەردى بەيجيڭنىڭ شينجياڭعا كومەكتەسۋ قىزمەتىنە قاتىناسۋعا ءتىپتى دە جاقسى اتتانىسقا كەلتىرۋ ءۇشىن، كوممۋنيستىك جاستار وداعى بەيجيڭ قالالىق كوميتەتى بەيجيڭنىڭ شينجياڭعا كومەكتەسۋ حوتان قولباسشىلىق شتابىنىڭ ۇندەۋىنە ءۇن قوسىپ، بەيجيڭدەگى مەيىربان جانداردى حوتان وڭىرىندەگى كەدەي جاس وسپىرىمدەرمەن جۇپ قۇراپ، تۋىس بولۋعا كەڭ كولەمدى اتتانىسقا كەلتىردى.

  بەيجيڭ قالالىق جاستار بىرلەستىگى، بەيجيڭ جاس كاسىپورىنشىلار بىرلەستىگى، بەيجيڭ ايەل كاسىپورىنشىلار بىرلەستىگى سياقتى ۇيىمداردىڭ مۇشەلەرى جۇپ قۇراپ، تۋىس بولۋ قىزمەتىنە بەلسەنە قاتىناستى، «بەيجيڭدىك اكەلەر، بەيجيڭدىك شەشەلەر» وزىمەن جۇپ قۇراعان بالامەن كۇندەلىكتى حابارلاسۋ مەحانيزمىن ورناتتى، ولار ءار ايدا كەمىندە ءبىر رەت تەلەفوندا سويلەسىپ نەمەسە حات جازىپ، بالالارعا بەيجيڭدەگى ءۇيىنىڭ مەيىرىن سەزىندىرەدى. قازىر بەيجيڭدەگى كوممۋنيستىك جاستار وداعىنىڭ كادرلارىنان، جاستار بىرلەستىگىنىڭ مۇشەلەرىنەن، كاسىپورىنشىلاردان 200دەي ادام «بەيجيڭدىك اكەمەن، بەيجيڭدىك شەشەمەن» جۇپ قۇراپ، تۋىس بولۋ قيمىلىنا قاتىناسۋعا رازى ەكەندىكتەرىن ايتتى. بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى پارتكومىنىڭ شۋجيى، قولباسشى ديڭ يۇڭ بىلاي دەدى: شينجياڭعا كومەكتەسۋ قىزمەتىنە ءتىپتى دە كوپ كۇشتەردىڭ قاتىناسىپ، حوتان وڭىرىندەگى كەدەيلىكتەن قۇتىلدىرۋدان قامال الۋدى دەمەۋىن ءۇمىت ەتەمىز. شينجياڭعا كومەكتەسۋ نىساندارىن ىلگەرىلەتۋ، ادامداردىڭ اۋىس - كۇيىسى، جۇپ قۇراۋ، سۇيەمەلدەۋ، ارالاسۋ سياقتى كوپ ءتۇرلى فورمادان پايدالانىپ، ەكى جەردىڭ ارالاسۋىن، ىشتەسۋىن، توعىسۋىن اناعۇرلىم كۇشەيتەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى