تيانشان تورى   ›   جاڭالىقتار   ›   شينجياڭ حابارلارى

اۋىل ايەلىنەن كاسىپورىن قوجايىنىنا اينالعان ۋاڭ يانمين

گازەتىمىزدىڭ سانجى تىلشىلەر پۋنكتىنەن ليۋ شي، ەرىكتى ءتىلشى ياڭ چيان

  12 جىلدىڭ الدىندا ول قاراپايىم اۋىل ايەلى بولاتىن، كۇيەۋىمەن بىرگە ۇساق جۇمىستار ىستەپ كۇنەلتەتىن؛ 12 جىلدان كەيىن ول 2 سەرىكتەستىگى، ءبىر سەلبەستىك كووپەراتيۆى بار، 1000نان استام ەگىنشى - مالشىنى جۇمىستاندىرعان شارۋاشىلىق قۇرۋ شەبەرىنە اينالدى.

  ونىڭ اتى ۋاڭ يانمين، بيىل 45 جاستا، موري قازاق اۆتونوميالى اۋدانى پىڭفەي سىرتقا ەڭبەكشى شىعارۋ سەرىكتەستىگىنىڭ، موري «التىن ساۋساق» وتباسىلىق قىزمەت كورسەتۋ شەكتى سەرىكتەستىگىنىڭ مەڭگەرۋشىسى ءارى موري رۇڭتو ءشي سىبىرتكى جاساۋ سەلبەستىك كووپەراتيۆىنىڭ جاۋاپتىسى.

  وتباسى موري اۋدانى جاۋبيشان اۋىلى حىبايان قىستاعىندا تۇراتىن ۋاڭ يانمين شاشىن ءبىر بۋا سالىپتى، كەم ءسوزدى ول ادامعا سابىرلى دا قاجىرلى جانداي اسەر بەرەدى.

  2006 - جىلدان بۇرىن ۋاڭ يانمين ءار كۇنى وت باسى، وشاق قاسىنان شىعا المايتىن اۋىل ايەلى بولاتىن، وزدەرىنە قاراستى نەشە مۋ جەردىڭ كىرىسى مەن ۇساق جۇمىس ىستەپ تاپقان كىرىستەن باسقا تابىسى دا جوق ەدى. ءومىر بويى كەدەيلىك تۇرمىس كەشىرگىسى كەلمەگەن ۋاڭ يانمين سىرتقا شىعىپ شارۋاشىلىق قۇرۋ ويىنا كەلەدى.

  ۋاڭ يانمين: شونجى اۋدانىندا ەڭبەككۇش تاپشى. ال موريدا كوپتەگەن ادامداردىڭ جۇمىس تابا الماي جۇرگەنىن بايقادىم دا، سىرتقا شىعىپ جۇمىس ىستەيتىن ەڭبەككۇش قوسىنىن قۇرۋ بەكىمىنە كەلدىم، - دەيدى. 2006 - جىلى 5 - ايدا ۋاڭ يانمين ماڭايىنداعى ارتىق ەڭبەككۇشتەردەن 50دەن استام ادامدى جيناپ، شارۋالار ەڭبەك اترەتىن قۇرىپ، ءارقايسى اۋىل، قالاشىق، تۋاندارعا، كورشىلەس اۋداندارعا بارىپ جۇمىس ىستەپ كىرىس تابادى، جىل سوڭىندا ەسەپ جاساعاندا، سول جىلدىڭ ىشىندە 350 مىڭ يۋان پايدا تاپقانىن بىلەدى.

  ۋاڭ يانمينگە ىلەسىپ ەڭبەك ىستەيتىندەردىڭ سانى بارعان سايىن مولايادى، ەڭبەك اترەتىنىڭ قاتارى العاشقى نەشە ون ادامنان 100دەن استام ادامعا كوبەيەدى، 2007 - جىلدىڭ الدىڭعى جارتى جىلىندا ءبىر ميلليون 160 مىڭ يۋان پايدا تابادى. 2007 - جىلى 4 - ايدا ۋاڭ يانمين ەڭبەكشىلەرىن ارناۋلى الىپ جۇرەتىن ءبىر شاعىن اۆتوبۋز ساتىپ الادى.

  2008 - جىلى ۋاڭ يانمين پىڭفەي سىرتقا ەڭبەكشى شىعارۋ سەرىكتەستىگىن قۇرادى. 2010 - جىلدىڭ العاشقى جارتىسىندا سەرىكتەستىكتىڭ باسقا سالاعا ويىستىرعان ەڭبەككۇشى 15 مىڭ ادام - رەتكە جەتىپ، 2 ميلليون 600 مىڭ يۋان شاماسىندا كىرىس تابادى.

  ۋاڭ يانمين اۋىلى حىبايان قىستاعىنا ءتيىمدى ىستەر ىستەۋدى ەسىنەن شىعارماعان ەدى.

  حىبايان قىستاعىندا 185 وتباسى بار، مۇنىڭ 30ى كەدەي وتباسى. 2017 - جىلى سانجى حۇيزۋ اۆتونوميالى وبلىستىق ورگان ىستەرىن باسقارۋ مەكەمەسىنىڭ حىبايان قىستاعىندا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا تۇرعان قىزمەت اترەتى وتباسىلارىن ارالاپ جاعداي ۇعىسۋ بارىسىندا قىستاقتاعى %60تەن استام قىستاق تۇرعىنىنىڭ ەگىنشىلىك جانە باعىمشىلىق كاسىبىمەن شۇعىلداناتىنىن، 32 وتباسىنداعى جاس، ورتا جاس ەڭبەككۇشتەرىنىڭ ەگىس ارەدىگىندە سىرتقا شىعىپ ەڭبەكتەنگىسى كەلەتىنىن، ءبىراق وتباسىنا قارايلاسا الماۋدان الاڭدايتىندىعىن بىلەدى. بۇدان تىس، قىستاقتىڭ ماڭايىنا ءشي كوپ وسەتىنىن، %70تەن استام تۇرعىننىڭ سىبىرتكى جاساۋدى بىلەتىنىن ۇعىسادى.

  سونان ۋاڭ يانمين حىبايان قىستاعىنىڭ ءشي سىبىرتكى جاساۋ زاۆودىن قۇرادى، قىزمەت اترەتى «قىستاق ەكى كوميتەتىمەن» بىرلەسىپ، ۋاڭ يانمينمەن سىرتقا ەڭبەكشى شىعارۋ توقتامىن جاساسقان سوڭ، جاس، ورتا جاستاعى 20 قىستاق تۇرعىنى سىرتقا شىعىپ ەڭبەك ىستەۋ ورايىنا يە بولادى. ۋاڭ يانمين ەڭبەكتەنگەن ءاربىر قىستاق تۇرعىنىن توسىن زاقىمدالۋدى قامسىزداندىرۋعا قاتىناستىرادى.

   2016 -، 2017 - جىلى ۋاڭ يانمين ءبىر ميلليون يۋان قارجى شىعارىپ، موري «التىن ساۋساق» وتباسىلىق قىزمەت كورسەتۋ شەكتى سەرىكتەستىگىن جانە موري رۇڭتو ءشي سىبىرتكى جاساۋ سەلبەستىك كووپەراتيۆىن تىزىمگە الدىرىپ قۇرىپ، 150دەن استام قىستاق تۇرعىنى مەن اۋدان قالاشىعىنداعى قيىنشىلىعى بار ادامداردىڭ جۇمىستانۋ ماسەلەسىن شەشەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى